ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵥⵔⵉⴳⵜ ⵜⵉⵙ ⵙⵏⴰⵜ ⵏ « ⴰⵍⴳⴻⵔ ⴼⴰⵙⵀⵉⵧⵏ ⵡⴻⴻⴽ » ⵉ ⵓⵇⴻⴷⴷⴻⵎ ⵏ ⵜⴻⵍⴽⵉⵎⵜ ⵜⴰⴷⵣⴰⵢⵔⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⵜⴻⴷⵢⴰⵏⵜ ⵏ « ⴰⵍⴳⴻⵔ ⴼⴰⵙⵀⵉⵧⵏ ⵡⴻⴻⴽ » (ⴷⴷⵓⵕⵜ ⵏ ⵜⴻⵍⴽⵉⵎⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⴷⴻⴳ ⵜⵓⴼⵉⵕⴰⵜ ⵏ ⵍⴻⵣⵣⴰⵢⴻⵔ, ⵉ ⵍⵎⴻⵏⴷ ⵏ ⵓⵇⴻⴷⴷⴻⵎ ⵏ ⵢⵉⵅⴻⴷⴷⵉⵎⴻⵏ ⵉⵎⴰⵢⵏⵓⵜⴻⵏ ⵏ ⵢⵉⵎⴻⵙⵖⴰⵏⵉⴱⴻⵏ ⵉⴷⵣⴰⵢⵔⵉⵢⴻⵏ.
ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⴷⵢⴰⵏⵜ-ⴰ (ⴰⵔⴰ ⵉⴽⴻⵎⵎⵍⴻⵏ ⴰⵔⵎⴰ ⴷ ⴰⵙⵙ ⵏ ⵙⵙⴻⴱⵜ), ⵜⵜⵡⴰⵇⴻⴷⴷⵎⴻⵏ-ⴷ ⵢⵉⵛⴻⴹⴹⵉⴹⴻⵏ ⵏ ⵙⵉⵏ ⵏ ⵢⵉⵎⴻⵙⵖⴰⵏⵉⴱⴻⵏ ⵉⴷⵣⴰⵢⵔⵉⵢⴻⵏ.
ⴰⵎⴻⵙⵖⴰⵏⵉⴱ ⴽⴰⵔⵉⵎ ⴽⴰⴷⵉⴷ ⵢⴻⵜⵜⴻⴽⴽⴰ ⵢⴰⴳⵉ ⴷⴻⴳ ⵡⴰⵟⴰⵙ ⵏ ⵢⴻⵎⵙⵓⴷⵖⴻⵏ (ⵄⵓⵔⵓⴹ) ⵏ ⵜⴻⵍⴽⵉⵎⵜ ⴰⵎⴰ ⴷⴻⴳ ⵍⴻⵣⵣⴰⵢⴻⵔ, ⴰⵎⴰ ⴷⴻⴳ ⵡⴻⵣⵖⴰⵔ, ⵉⵇⴻⴷⴷⴻⵎ-ⴷ ⵜⴰⵍⴽⴻⵏⵙⵉⵜ ⵏ ⵢⵉⵙⴻⵍⵙⴰ ⵉⵏⵙⴰⵢⴰⵏⴻⵏ ⴰⵢ ⴷ-ⵢⴻⵎⵢⴻⵣⴳⴻⵏ ⴷ ⵜⴻⵍⴽⵉⵎⵜ ⴰⴽⴽⴻⵏ ⵉⴳⴻⵔⵔⴻⵣ.
ⵉⵛⴻⴹⴹⵉⴹⴻⵏ-ⵏⵏⴻⵙ ⵜⵜⵡⴰⵙⵙⵏⴻⵏ ⵙ ⵜⴻⵙⵔⵉⴼⴰ (ⴰⵏⴰⵇⴰ) ⴷ ⵜⴷⵓⴳⵉ-ⵏⵙⴻⵏ ⵜⵓⵛⴱⵉⵃⵜ, ⵢⴻⵔⵏⵓ ⵢⴻⵙⵙⴻⵏ ⵓⵎⴻⵙⵖⴰⵏⵉⴱ-ⴰ ⴰⵎⴻⴽ ⴰⵔⴰ ⵢⴻⵙⴷⵓⴽⴽⴻⵍ ⴰⵏⵙⴰⵢ ⴷ ⵜⴻⵜⵔⴰⵔⴰ. ⵢⵉⵡⴻⵏ ⵙⴻⴳ ⵢⵉⵛⴻⴹⴹⵉⴹⴻⵏ-ⵏⵏⴻⵙ ⴰⵢ ⴷ-ⵉⵊⴻⴱⴷⴻⵏ ⵍⵡⴻⵍⵀⴰ ⴷ ⴰⴽⴰⵔⴰⴽⵓ ⵓⵎⵉ ⵢⴻⵔⵏⴰ ⴽⵔⴰ ⵏ ⵚⵚⵉⴼⴰⵜ ⵜⵉⵜⵔⴰⵔⵉⵏ.
ⵎⴰ ⴷ ⵜⴰⵎⴻⵙⵖⴰⵏⵉⴱⵜ ⵣⵉⵏⴻⴱ ⴰⵎⵧⵓⵔⴰ ⵜⴻⴽⵛⴻⴼ-ⴷ ⵜⴰⵍⴽⴻⵏⵙⵉⵜ ⴰⵢⴷⴻⴳ ⵜⴻⵙⵙⴻⵅⵍⴻⴹ ⵉⵏⵉⵜⴻⵏ ⴷⴻⴳ ⵢⵉⵛⴻⴹⴹⵉⴹⴻⵏ ⵉⵏⵙⴰⵢⴰⵏⴻⵏ, ⵢⴻⵔⵏⵓ ⵜⴻⴹⴼⴻⵔ ⴰⵖⴰⵏⵉⴱ ⴷ « ⴰⵎⵉⵔⴰⵏ » (ⵎⵓⵄⴰⵚⵉⵔ) ⴷⴻⴳ ⵓⵅⴻⴷⴷⵉⵎ-ⵏⵏⴻⵙ.
ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵡⴻⵎⵙⴰⴷⴻⵖ-ⴰ, ⵙⵄⴻⴷⴷⴰⵏ-ⴷ ⵢⵉⵡⴻⵏ ⵏ ⵓⵀⴰⵏⴰⵢ ⵏ ⵜⴽⵓⵔⵉⴳⵕⴰⴼⵉⵜ ⵏ ⵓⵛⴻⴹⴹⴰⵃ ⴰⴷⵣⴰⵢⵔⵉ ⵢⴰⵛⵉⵏⴻ ⴳⵧⵓⴰⵙⵎⵉⴰ. ⵜⴻⵃⴷⴻⵕ ⴷⴻⴳ ⵜⴼⵓⴳⵍⴰ-ⴰ, ⴷⴰⵖ, ⵜⵛⴻⵏⵏⴰⵢⵜ ⵜⴰⴷⵣⴰⵢⵔⵉⵜ ⴰⵎⴻⵍ ⵣⴻⵏ, ⴰⵢ ⴷ-ⵢⴻⵛⵏⴰⵏ ⵢⵉⵡⴻⵜ ⵙⴻⴳ ⵜⴻⵣⵍⴰⵜⵉⵏ-ⵏⵏⴻⵙ.
