ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ ⵏ ⵍⵉⴱⵢⴰ ⴷⴻⴳ ⵏⵉⴰⵎⴻⵢ
ⵏⵉⴰⵎⴻⵢ– ⵜⵉⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵜⵉⵙ 9 ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ ⵏ ⵍⵉⴱⵢⴰ ⴰⴷ ⵜⴻⴱⴷⵓ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⵉⴰⵎⴻⵢ (ⵏⵉⵊⵉⵔ) ⵉ ⵍⵎⴻⵏⴷ ⵏ ⵓⵙⵙⴻⴽⵢⴻⴷ ⵏ ⵜⴻⴳⵏⵉⵜ ⴷⴻⴳ ⵜⵎⵓⵔⵜ-ⴰ ⴷⴻⴼⴼⵉⵔ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴷ ⵡⵓⵙⵙⵉⵙⴻⵏ (ⴵⵓⵀⵓⴷ) ⴰⵢ ⴷ-ⵢⴻⵍⵍⴰⵏ ⴰⵎⴰ ⴷⴰⵅⴻⵍ ⵜⵎⵓⵔⵜ, ⴰⵎⴰ ⴷⴻⴳ ⵜⴻⵎⵏⴰⴹⵜ, ⴰⵎⴰ ⴷⴻⴳ ⵓⵎⴰⴹⴰⵍ, ⵉ ⵓⴼⴻⵔⵔⵓ ⵏ ⵜⴰⵍⵓⴼⵜ ⵏ ⵜⵎⵓⵔⵜ-ⴰ ⵙ ⵡⴻⴱⵔⵉⴷ ⴰⵙⴻⵔⵜⴰⵏ.
ⵎⴻⵏⵖⵉⵔ ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⴷ ⵃⴻⴷⵕⴻⵏ ⴷⴰⵖ ⵢⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵏ ⵏⵉⵊⵉⵔ, ⵎⴰⵚⴻⵔ, ⵜⵓⵏⴻⵙ, ⵍⵉⴱⵢⴰ, ⵞⴰⴷ ⴷ ⵙⵓⴷⴰⵏ.
ⴰⴷ ⵜⵜⴻⴽⴽⵉⵏ ⴷⴰⵖ ⴷⴻⴳ ⵡⴻⵎⵢⴰⴳⴻⵔ-ⴰ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⵎⴰⵔⵜⵉⵏ ⴽⵧⴱⵍⴻⵔ, ⴰⵙⴻⵍⵡⴰⵢ ⴰⵇⴱⵓⵔ ⵏ ⵜⴰⵏⵣⴰⵏⵢⴰ ⵢⴻⵔⵏⵓ ⴷ ⴰⵎⴰⵣⵓⵏ ⵓⵣⵣⵉⴳ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉ ⵍⵉⴱⵢⴰ, ⵊⴰⴽⴰⵡⴰ ⴽⵉⴽⵡⴻⵜⴻ, ⴷ ⵓⵎⴰⵔⵓ ⴰⵎⴰⵜⵓ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⵀⵎⴻⴷ ⴰⴱⵓ ⴻⵍ ⴳⵀⴻⵉⵜ.
ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ-ⴰ ⴷ ⵜⴰⴳⵏⵉⵜ ⵉ ⵓⵇⴻⵢⵢⴻⵎ ⵏ ⵜⵓⴳⴳⵣⴰ (ⵜⴰⵀⴷⵉⴷ) ⴰⵔⴰ ⴷ-ⵢⵉⵍⵉⵏ ⵙⴻⴳ ⵓⵄⴻⴹⴹⴻⵍ ⵏ ⵜⴰⵍⵓⴼⵜ ⴷⴻⴳ ⵜⵎⵓⵔⵜ-ⴰ ⴷ ⵢⵉⵅⴻⵚⵚⴰⵔⴻⵏ ⴰⵢⵢⴻⵙ ⴰⵢ ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵡⴰⵢⴰ ⵖⴻⴼ ⵜⵖⴻⵍⵍⵉⵙⵜ ⴷ ⵡⴻⵔⴽⴰⴷ ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ, ⴷ ⵓⵙⵙⴻⴽⵢⴻⴷ ⵏ ⵜⵜⴰⵡⵉⵍⴰⵜ ⵏ ⵓⵄⴰⵡⴻⵏ ⵏ ⵓⴽⴰⵍⴰ ⴰⵙⴻⵔⵜⴰⵏ ⴷ ⵢⵉⵔⵉⵔⵉ ⵏ ⵜⵖⴻⵍⵍⵉⵙⵜ ⴷ ⵡⴻⵔⴽⴰⴷ ⵖⴻⵔ ⵍⵉⴱⵢⴰ.
ⵜⵉⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵏ ⵏⵉⴰⵎⴻⵢ ⵜⴻⵍⵍⴰ-ⴷ ⴷ ⴰⴽⴻⵎⵎⴻⵍ ⵏ ⵜⴻⵎⵍⵉⵍⵉⵜ ⵜⵉⵙ 8 ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵓⵏⴻⵙ (ⴷⴻⴳ ⵎⴻⵖⵔⴻⵙ ⵏ 2016) ⴷ ⵜⵉⵙ 7 ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ (ⴷⴻⴳ ⴷⵓⵊⴻⵎⴱⴻⵕ ⵏ 2015) ⴰⵢ ⴷ-ⵢⴻⵙⴱⴻⴳⵙⴻⵏ ⴰⴷⵀⴰⵍ (ⴷⴰⵄⵎ) ⵉ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⴰⵙⴻⵔⵜⴰⵏ ⴰⵢ ⴷ-ⵢⴻⵍⵍⴰⵏ ⴳⴰⵔ ⵢⵉⵍⵉⴱⵉⵢⴻⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
