ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴳⵎⵉ: 34 ⵏ ⵢⵉⵎⵓⴽⴰⵏ ⵉ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ, ⵙⵉ ⴻⵍ-ⵀⴰⵛⵀⴻⵎⵉ ⴰⵙⵙⴰⴷ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⴰⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵉⵀⴻⵢⵢⴰ-ⴷ 34 ⵏ ⵢⵉⵎⵓⴽⴰⵏ ⵉ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵍⵉ ⵉⵍⵉⵏⴷⵉ ⵍⵍⴰⵏ ⴽⴰⵏ ⵙⵉⵏ ⵏ ⵢⵉⵎⵓⴽⴰⵏ ⴷⴻⴳ ⵜⵡⵉⵍⴰⵢⵜ-ⴰ.

ⵢⴻⵔⵏⴰ-ⴷ ⴷⴰⵖ ⵙⵉ ⴻⵍ ⵀⴰⵛⵀⴻⵎⵉ ⴰⵙⵙⴰⴷ ⴷⴰⴽⴽⴻⵏ « ⵢⴻⵍⵍⴰ ⵡⵓⵙⵙⵉⵙ (ⴵⵓⵀⴷ) ⴷ ⴰⵎⴻⵇⵔⴰⵏ ⴰⵢ ⵉⴳⴰ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵢⴰⵡⴻⴹ ⵡⴻⵎⴹⴰⵏ ⵏ ⵢⵉⵎⵓⴽⴰⵏ ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵖⴻⵔ 34 ⴷⴻⴳ ⵢⵉⵖⴻⵔⴱⴰⵣⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵙⴻⴳ ⵍⴻⵄⴹⵉⵍ ⴰⴷ ⵢⴻⵜⵜⵡⴰⵙⵎⴰⵜⵓ ⵓⵙⵙⴻⵍⵎⴻⴷ ⵏ ⵜⴻⵏⴳⴰ-ⴰ ⴷⴻⴳ ⵢⵉⵖⴻⵔⴱⴰⵣⴻⵏ ⵏⵉⴹⴻⵏ ⵙⴻⴳ-ⴰ ⵖⴻⵔ ⵙⴷⴰⵜ. »

ⵢⴻⵏⵏⴰ-ⴷ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⵜⴻⵍⵍⴰ-ⴷ ⵜⵉⴷⴷⵉⵜ ⵉⴱⴰⵏⴻⵏ ⵖⴻⵔ ⵙⴷⴰⵜ ⴷⴻⴳ « ⵜⵓⴽⵛⵉ ⵏ ⵢⵉⵎⵓⴽⴰⵏ » ⵏ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵉⵖⴻⵔⴱⴰⵣⴻⵏ ⵏ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ ⵙⴼⴰⵢⴷⵉⵏ-ⴷ ⵙⴻⴳ 18 ⵏ ⵢⵉⵎⵓⴽⴰⵏ ⴷⴻⴳ ⵡⴻⵙⵡⵉⵔ ⴰⵎⴻⵏⵣⵓ ⴷ 7 ⵏ ⵢⵉⵎⵓⴽⴰⵏ ⴷⴻⴳ ⵡⴻⵙⵡⵉⵔ ⴰⵍⴻⵎⵎⴰⵙ.

ⵎⴰ ⴷ ⵜⵉⵎⴻⵀⵍⵉⵡⵉⵏ ⵏ ⵓⵙⵙⴻⴳⵎⵉ ⵏ ⵓⵜⴰⵔⴰⵎ (ⵖⴰⵔⴱ) ⴷ ⵡⴻⴳⵎⵓⴹ (ⵛⴰⵔⵇ) ⵏ ⵜⵎⴰⵏⴻⵖⵜ ⵙⵙⴰⴷⴼⴻⵏⵜ ⵉⵙⴻⵍⵎⴰⴷⴻⵏ ⴰⵢ ⵢⴻⴱⴷⴰⵏ ⴰⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⵡⴻⵙⵡⵉⵔ ⴰⵎⴻⵏⵣⵓ ⴷⴻⴳ ⵜⵖⵉⵡⴰⵏⵉⵏ ⵏ ⵎⴰⵇⴰⵔⴻⵢⵢⴰ (ⵜⴰⴷⴰⵢⵕⴰ ⵏ ⵃⵓⵙⵉⵏ ⴷⴰⵢ), ⴱⴻⵔⵔⴰⵇⵉ, ⵄⵉⵏ ⵍⴱⴻⵏⵢⴰⵏ, ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ ⴷ ⵜⵇⵓⴱⴱⴻⵜ.

ⵢⴻⵏⵏⴰ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴰⴽⴽⴻⵏ « ⴰⴷ ⵏⴽⴻⵎⵎⴻⵍ ⴰⵀⴻⵢⵢⵉ ⵉ ⵓⵙⴻⵎⵎⵉ ⵏ ⵢⵉⵙⴻⵍⵎⴰⴷⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ ⵉⵍⴻⵎⵎⴰⵙⴻⵏ ⴷ ⵜⴻⵙⵏⴰⵡⵉⵢⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴷⴰⴽⴽⴻⵏ ⴰⵢⴰ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵉⵎⵉ ⴰⵢ ⴷ-ⴼⴼⵖⴻⵏ ⵢⴻⵙⵎⴰⵍⴻⵏ (ⴷⴰⴼⴰⵄⴰⵜ) ⵉⵎⴰⵢⵏⵓⵜⴻⵏ ⵏ ⵢⵉⵙⴻⵍⵎⴰⴷⴻⵏ ⵙⴻⴳ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵓⵏⵏⵉⴳ ⵏ ⴱⵓⵣⴻⵔⵔⵉⵄⴰ ⴰⵏⴷⴰ ⴰⵢ ⵎⵎⴻⵕⴽⴰⵏ 60 ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ.

ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷ ⵢⵉⵡⴻⵜ ⵙⴻⴳ 32 ⵏ ⵜⵡⵉⵍⴰⵢⵉⵏ ⴰⵢⴷⴻⴳ ⵍⴰ ⵜⴻⵜⵜⵡⴰⵙⵙⴻⵍⵎⴰⴷ ⵜⵎⴰⵣⵉⵖⵜ, ⵢⴻⵔⵏⵓ ⵍⴰ ⵜⴻⵜⵜⵡⴰⵙⵙⴻⵍⵎⴰⴷ ⵜⵓⵜⵍⴰⵢⵜ-ⴰ ⵍⴰⴷⵖⴰ ⴷⴻⴳ ⵜⵎⵓⵏⴰⵖ ⵏ ⵜⵡⵉⵍⴰⵢⵉⵏ.

ⴷⴻⴳ ⵜⴻⵣⵡⴰⴰ ⵏ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵏ 2016-2017, ⵜⴻⵏⵏⴰ-ⴷ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵙⴻⵍⵎⴰⴷⴻⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ « ⵜⴻⵙⵃⴰⵙⵙⴻⴼ » ⵉⵎⵉ « ⵓⵍⴰⵎⴰ ⵜⵜⵡⴰⵙⴻⵎⵎⴰⵏ-ⴷ, ⵏⵏⴰⵏ-ⴰⵙⴻⵏ ⵢⵉⵏⴻⵎⵀⴰⵍⴻⵏ ⵏ ⵢⵉⵖⴻⵔⴱⴰⵣⴻⵏ ⴷⴰⴽⴽⴻⵏ ⵓⵔ ⵜⴻⵏ-ⵉⴷ-ⵜⵓⵡⵉⴹ ⴰⴽⴽ ⵍⴻⵡⵚⴰⵢⴰ ⵙⵖⵓⵔ ⵜⵎⴻⵀⵍⵉⵡⵉⵏ ⵏ ⵓⵙⵙⴻⴳⵎⵉ ⴰⴽⴽⴻⵏ ⴰⴷ ⴱⴷⵓⵏ ⴰⵅⴻⴷⴷⵉⵎ », ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⵎⴰⵙⵙ ⴰⵙⵙⴰⴷ ⴷⴰⴽⴽⴻⵏ ⵢⴻⴼⵔⴰ ⵡⵓⴳⵓⵔ-ⴰ, ⵢⴻⵔⵏⵓ ⵢⴻⵙⵙⵓⵜⴻⵔ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵜⵉⵎⵎⵓⵣⵖⴰ ⵜⵉⵎⵍⵉⵍⵉⵜ ⴷ ⵢⵉⵏⴻⵎⵀⴰⵍⴻⵏ ⵏ ⵓⵙⵙⴻⴳⵎⵉ ⵉ ⵡⴻⵎⵙⴻⴼⵀⴰⵎ ⵖⴻⴼ ⵜⴻⵎⵙⴰⵍⵜ-ⴰ ⴰⴽⴽⴻⵏ ⵓⵔ ⴷ-ⵢⴻⵜⵜⵓⵖⴰⵍ ⵡⵓⴳⵔ-ⴰ ⵜⵉⴽⴽⴻⵍⵜ ⵏⵉⴹⴻⵏ. ⵏⵏⵉⴳ ⵡⴰⵢⴰ, ⵜⵜⵡⴰⵀⴻⵢⵢⴰⵏ-ⴷ, ⴷⴻⴳ ⵍⴻⵣⵣⴰⵢⴻⵔ 711 ⵏ ⵢⵉⵎⵓⴽⴰⵏ ⵙ ⵓⵊⴻⵎⵎⴰⵍ ⵉ ⵓⵙⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵢⴻⵔⵏⵓ ⴰⴷ ⴷ-ⵜⵉⵍⵉ ⵜⴰⵛⴻⵕⵜ ⵏ ⵢⵉⵎⵓⴽⴰⵏ-ⴰ ⵛⵡⵉⵟ, ⵛⵡⵉⵟ, ⴷⴻⴳ ⵙⵉⵏ-ⴰ ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.