ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⵍⵏ: ⵜⴰⵎ (8) ⵉⵏⴻⵖⵍⴰⴼⴻⵏ ⴷ-ⵉⴱⴻⴷⴷⴻⵏ ⵖⴻⵔ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⵏ 4 ⵎⴰⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵎⴰⵔⴰⵢ ⴰⵎⴰⵜⵓ ⵓⴽⴰⴱⴰⵔ ⵏ ⵜⵉⵔⵏⵉ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ (ⴼⵍⵏ) ⴷⵊⴰⵎⴻⵍ ⵧⵓⵍⴷ ⴰⴱⴱⴻⵙ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴷ ⴰⴽⴽⴻⵏ ⵜⴰⵎ (8) ⵉⵏⴻⵖⵍⴰⴼⴻⵏ, ⴷ ⵉⵎⴻⵖⵏⴰⵙⴻⵏ ⵓⴽⴰⴱⴰⵔ ⵙⵙⴻⵔⵙⴻⵏ ⵉⴽⴰⵔⴰⵎⴻⵏ ⵏ ⵜⴱⴻⴷⴷⵉ ⵖⴻⵔ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⴰⵔⴰ ⴷ-ⵢⵉⵍⵉⵏ ⴷⵉ 4 ⵎⴰⵢⵓ ⴷ-ⵉⵜⴻⴷⴷⵓⵏ.

ⵎⴰⵙ ⵧⵓⵍⴷ ⴰⴱⴱⴻⵙ ⵢⴻⵙⵙⴻⴼⵀⴻⵎ-ⴷ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⵎⴰⵡⵍⴰⵏ ⵉⵙⴰⵍⵍⴻⵏ ⵖⴻⵔ ⵜⴰⴳⴳⴰⵔⴰ ⵏ ⵡⴻⵙⴱⴻⴷⴷⵉ ⵏ ⵜⵙⴻⵇⵇⴰⵎⵓⵜⵜ ⵜⴰⵖⴻⵍⵏⴰⵡⵜ ⵓⴽⴰⴱⴰⵔ ⵢⴻⵜⵜⵓⴽⴻⵍⴼⴻⵏ ⵙ ⵡⴻⵣⵔⴰⵡ ⵏ ⵢⵉⴽⴰⵔⴰⵎⴻⵏ ⴷ-ⵢⴻⵜⵜⵓⵇⴻⴷⴷⵎⴻⵏ, ⴷ ⴰⴽⴽⴻⵏ "ⵜⴰⵎ ⵉⵏⴻⵖⵍⴰⴼⴻⵏ ⵓⵏⴰⴱⴰⴹ ⵢⴻⵍⵍⴰⵏ ⴰⴽⴽⴰ ⵜⵓⵔⴰ ⵢⴻⵍⵍⴰⵏ ⴷⴰⵖⴻⵏ ⴷ ⵉⵎⴹⴻⴱⴱⵕⴻⵏ ⴷⴻⴳ ⵓⴽⴰⴱⴰⵔ",ⵙⵙⴻⵔⵙⴻⵏ ⵉⴽⴰⵔⴰⵎⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⵉ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⴷ-ⵉⵜⴻⴷⴷⵓⵏⴷⵉ ⵜⵡⵉⵍⴰⵢⵉⵏ-ⵏⵙⴻⵏ", ⴰⵎ ⵡⴰⴽⴽⴻⵏ ⴷ-ⵉⵡⴻⴽⴽⴻⴷ ⴷⴰⵖⴻⵏ ⴱⴻⵍⵍⵉ ⴰⵎⴹⴰⵏ-ⴰⴳⵉ ⴷ ⵡⵉⵏ ⴰⵔⴰ ⵢⴻⵏⵏⴻⵔⵏⵉⵏ ⴷⴻⴳ ⵡⵓⵙⵙⴰⵏ ⴷ-ⵉⵜⴻⴷⴷⵓⵏ".

ⵡⵉⴷ ⵢⴻⵙⵙⴻⵔⵙⴻⵏ ⵉⴽⴰⵔⴰⵎⴻⵏ-ⵏⵙⴻⵏ, ⴰⵏⴻⵖⵍⴰⴼ ⵓⵎⴻⵙⵏⵉ ⴷ ⵢⵉⵎⵓⵀⴰⵍ ⵉⵣⵓⵢⴰⵥ ⴱⵧⵓⴷⵊⴻⵎⴰⴰ ⵜⴰⵍⴰⵉ, ⴰⵏⴻⵖⵍⴰⴼ ⵏ ⵜⴷⴰⵡⵙⴰ,ⵉⵎⴻⵣⴷⴰⵖ ⴷ ⵓⴱⴻⴷⴷⴻⵍ ⵏ ⵜⵎⵓⵖⵍⵉ ⵜⴰⵚⴱⵉⵟⴰⵕⴰⵏⵜ ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ, ⵜⴰⵏⴻⵖⵍⴰⴼⵜ ⵢⴻⵜⵜⵓⴽⴻⵍⴼⴻⵏ ⵙ ⵡⴰⵙⵙⴰⵖ ⴰⴽⴽ ⴷ ⵡⴻⵎⵏⵉ ⴳⵀⴰⵏⵉⴰ ⴻⴷⴷⴰⵍⵉⴰ, ⴰⵏⴻⵖⵍⴰⴼ ⵓⵙⴻⴳⴳⴻⵎ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⴹⴼⵉ ⴰⴱⴷⴻⵍⵧⵓⴰⵀⴰⴱ ⵏⵧⵓⵔⵉ, ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ ⴷ ⵓⵏⴻⴳⵎⵓ ⴷ ⵚⵚⵢⴰⴷⴰ ⴰⴱⴷⴻⵙⵍⴰⵎ ⵛⵀⴻⵍⴳⵀⵧⵓⵎ, ⵓⵏⴻⵖⵍⴰⴼ ⵓⵙⴻⵍⵎⴻⴷ ⴰⵄⵍⴰⵢⴰⵏ ⴷ ⵓⵏⴰⴷⵉ ⵓⵙⵙⵏⴰⵏ ⵜⴰⵀⴰⵔ ⵀⴰⴷⵊⴰⵔ, ⵓⵏⴻⵖⵍⴰⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴰⴽⴽ ⴷ ⵜⵡⴻⵏⵏⴰⴹⵜ ⴰⴱⴷⴻⵍⴽⴰⴷⴻⵔ ⵧⵓⴰⵍⵉ ⴰⴽⴽ ⴷ ⵜⵏⴻⵖⵍⴰⴼⵜ ⵢⴻⵜⵜⵓⴽⴻⵍⴼⴻⵏ ⵖⴻⵔ ⵓⵏⴻⵖⵍⴰⴼ ⵏ ⵜⵎⴻⵔⵔⵉⵜ ⴷ ⵜⴻⴹⴼⵉ ⴰⵉⵛⵀⴰ ⵜⴰⴳⴰⴱⵧⵓ.