ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⵄⴻⵙⴽⴻⵕ: ⵉⵙⵓⵔⵉⴼⴻⵏ ⵉ ⵓⵖⴻⵍⵍⴻⵜ ⵏ 34 ⵏ ⵡⵓⵍⵣⵓⵣⴻⵏ ⵓⵇⵔⵉⴱⴻⵏ (ⴰⵎⴰⵙⴰⵢ)
ⵎⵄⴻⵙⴽⴻⵕ– ⴱⴷⴰⵏⵜ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ ⵏ ⵎⵄⴻⵙⴽⴻⵕ ⵉⵙⵓⵔⵉⴼⴻⵏ ⵉ ⵓⵖⴻⵍⵍⴻⵜ ⵏ 34 ⵏ ⵡⵓⵍⵣⵓⵣⴻⵏ (ⴰⵙⵡⴰⵇ) ⵓⵇⵔⵉⴱⴻⵏ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵓⵏⴻⵎⵀⴰⵍ ⵏ ⵜⵏⴻⵣⵣⵓⵜ.
ⵢⴻⵏⵏⴰ-ⴷ ⵙⴻⵉⴼ-ⴻⴷⴷⵉⵏⴻ ⵍⴰⴽⵀⵛⵀⴻⴱ ⴷⴰⴽⴽⴻⵏ ⵜⵉⵖⵉⵡⴰⵏⵉⵏ ⴰⵢ ⵢⴻⵙⵄⴰⵏ ⵓⵍⵣⵓⵣⴻⵏ ⵓⵇⵔⵉⴱⴻⵏ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ ⵓⵣⵏⴻⵏⵜ ⵜⵉⴱⵕⴰⵜⵉⵏ ⵏ ⵓⵄⴻⵢⵢⴻⵏ ⵉ ⵢⴻⵎⵙⴻⵏⵣⴰ (ⵜⵓⴵⴵⴰⵔ) ⵓⵔ ⵢⴻⵜⵜⵖⴻⵍⵍⵉⵜⴻⵏ ⵜⵉⵃⵓⵏⴰ-ⵏⵙⴻⵏ ⴰⴽⴽⴻⵏ ⴰⴷ ⵖⴻⵍⵍⵜⴻⵏ ⵉⵎⵓⴽⴰⵏ-ⴰ ⵏⴻⵖ ⴰⴷ ⴰⵙⴻⵏ-ⵙⴱⴻⵟⵍⴻⵏ ⵉⵖⵜⴰⵙⴻⵏ-ⵏⵙⴻⵏ ⵏ ⵓⵡⴻⴽⴽⴻⵍ ⵢⴻⵔⵏⵓ ⴰⴷ ⴼⴽⴻⵏ ⵜⵉⵃⵓⵏⴰ-ⵏⵏⵉ ⵉ ⵡⵉⴷ ⴰⵔⴰ ⵜⴻⵏⵜ-ⵉⵖⴻⵍⵍⵜⴻⵏ ⵏⴻⵖ ⴰⴷ ⵜⴻⵏⵜ-ⵔⵔⴻⵏ ⴷ ⵜⵉⵎⵚⵓⴽⵉⵏ ⵏ ⵢⵉⵎⴻⵥⵍⴰ.
ⵜⴻⵃⵙⴻⴱ-ⴷ ⵜⵡⵉⵍⴰⵢⵜ ⵏ ⵎⵄⴻⵙⴽⴻⵕ 34 ⵏ ⵡⵓⵍⵣⵓⵣⴻⵏ ⵓⵇⵔⵉⴱⴻⵏ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ ⵙⴻⴳ ⴳⴰⵔ 50, ⴳⴰⵔ-ⴰⵙⴻⵏ 17 ⵏ ⵡⵓⵍⵣⵓⵣⴻⵏ ⴰⵢ ⵜⴻⴱⵏⴰ ⵜⴻⵕⵎⵉⵙⵜ ⵜⴰⵏⴰⴳⴷⵓⴷⵜ ⵏ « ⴱⴰⵜⵉⵎⴻⵜⴰⵍ » ⵙⴻⴳ ⵓⵙⴻⴳⴳⴰⵙ ⵏ 2011.
ⵜⵜⵓⵏⴻⴼⴽⴻⵏⵜ ⵍⴻⵡⵚⴰⵢⴰⵜ ⵉ ⵢⵉⵖⴼⴰⵡⴻⵏ ⵏ ⵜⴷⴰⵢⵕⵉⵡⵉⵏ ⴷ ⵢⵉⵙⴻⵍⵡⴰⵢⴻⵏ ⵏ ⵜⵖⵉⵡⴰⵏⵉⵏ ⴰⴽⴽⴻⵏ ⴰⴷ ⴱⴷⵓⵏ ⴰⵙⵙⴻⴹⵔⵓ ⵏ ⵍⴻⵡⵚⴰⵢⴰ ⵏ ⵓⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ ⵏ 2016 ⴰⵢ ⵢⴻⵔⵣⴰⵏ ⵓⵍⵣⵓⵣⴻⵏ ⵓⵇⵔⵉⴱⴻⵏ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ, ⵍⴰⴷⵖⴰ ⵉⵎⵉ ⵜⵉⵖⵉⵎⵉⵜ ⴰⵢ ⵇⵇⵉⵎⴻⵏ ⵓⵔ ⵜⵜⵡⴰⵖⴻⵍⵍⵜⴻⵏ ⵢⴻⴽⴽⴻⵙ-ⴰⵙⴻⵏⵜ ⵉ ⵜⵖⵉⵡⴰⵏⵉⵏ ⵔⵔⴱⴻⵃ ⴷ ⴰⵎⴻⵇⵔⴰⵏ.
ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⵏⴻⵣⵣⵓⵜ ⴷⴰⴽⴽⴻⵏ ⵍⴻⵡⵚⴰⵢⴰ-ⴰ ⵏ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ ⴷ ⵡⵉⵏ ⴰⵔⴰ ⵢⴻⴵⴵⴻⵏ ⵓⵍⵣⵓⵣⴻⵏ-ⴰ ⴰⴷ ⵓⵖⴰⵍⴻⵏ ⴷ ⵜⵉⵎⵚⵓⴽⵉⵏ ⵏ ⵢⵉⵎⴻⵥⵍⴰ ⴰⵔⴰ ⵉⵣⴻⵎⵔⴻⵏ ⴰⴷ ⴷ-ⵙⵙⵉⴷⴼⴻⵏⵜ ⵉⴷⵔⵉⵎⴻⵏ ⵉ ⵜⵖⵉⵡⴰⵏⵉⵏ, ⴳⴰⵔ-ⴰⵙⴻⵏⵜ ⵜⵉⵣⴻⵖⵡⵉⵏ ⵏ ⵜⵣⵉⴽⴽⴻⵏⵜ, ⵏ ⵜⵎⴻⵖⵔⵉⵡⵉⵏ ⴷ ⵡⴰⴷⴷⴰⵍ.
185 ⵏ ⵢⴻⵎⵙⴻⵏⵣⴰ ⴰⵢ ⵉⵅⴻⴷⴷⵎⴻⵏ ⴷⴻⴳ 16 ⵏ ⵡⵓⵍⵣⵓⵣⴻⵏ ⵓⵇⵔⵉⴱⴻⵏ ⵢⴻⵜⵜⵡⴰⵖⴻⵍⵍⵜⴻⵏ, ⴳⴰⵔ-ⴰⵙⴻⵏ ⴽⵔⴰ ⵏ ⵢⴻⵎⵙⴻⵏⵣⴰ ⴰⵢ ⵉⵅⴻⴷⴷⵎⴻⵏ ⵡⴰⵔ ⵍⴻⴽⵡⴰⵖⴻⴹ, ⵢⴻⵔⵏⵓ ⴰⵜⵏⵉ ⵍⴰ ⴰⵙⴻⵏ-ⵜⵜⵚⴻⴳⴳⵉⵎⴻⵏ ⵍⴻⴽⵡⴰⵖⴻⴹ-ⵏⵙⴻⵏ ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵜⵃⵓⵏⴰ-ⴰ.
ⵉ ⵡⴻⵙⵎⴻⴽⵜⵉ, ⵜⴻⵙⴼⴰⵢⴷⵉ-ⴷ ⵜⵡⵉⵍⴰⵢⵜ ⵏ ⵎⵄⴻⵙⴽⴻⵕ ⵙⴻⴳ 18 ⵏ ⵡⵓⵍⵣⵓⵣⴻⵏ ⵓⵇⵔⵉⴱⴻⵏ ⵢⴻⵔⵏⵓ ⴷ ⵜⴰⵕⵎⵉⵙⵜ ⵏ ⴱⴰⵜⵉⵎⴻⵜⴰⵍ ⴰⵢ ⵢⴻⵜⵜⵡⴰⵡⴻⴽⴽⵍⴻⵏ ⴰⴽⴽⴻⵏ ⴰⴷ ⵜⴻⵏ-ⵜⴻⴱⵏⵓ. ⴳⴰⵔ ⵡⵓⵍⵣⵓⵣⴻⵏ-ⴰ, 17 ⴼⵓⴽⴻⵏ ⵙ ⵍⴻⴱⵏⵉ, ⴰⵎ ⵡⴰⴽⴽⴻⵏ ⴰⵢ ⴱⵏⴰⵏ 200 ⵏ ⵜⵃⵓⵏⴰ ⵙ ⵜⵏⴻⴳⵡⴰ ⵉⵡⴻⵊⴷⴻⵏ, ⴳⴰⵔ-ⴰⵙⴻⵏⵜ 37 ⴱⴷⴰⵏⵜ ⵜⵜⵡⴰⵖⴻⵍⵍⴰⵜⴻⵏⵜ.
