ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⴱⵏⵉ ⵏ ⵡⴰⵎⵎⴰⵙⴻⵏ ⵉⵎⴰⵢⵏⵓⵜⴻⵏ ⵏ ⵜⴻⵎⵙⵓⵍⵜⴰ ⵉ ⵓⵙⵙⴻⵍⵀⵓ ⵏ ⵜⴷⵓⵍⵉ ⵜⴰⵖⴻⵍⵍⵉⵙⴰⵏⵜ ⴷⴻⴳ ⵡⴻⵀⵕⴰⵏ (ⴰⵎⴰⵙⴰⵢ)

ⵡⴻⵀⵕⴰⵏ – ⴰⴷ ⵜⴰⵡⴻⴹ ⵜⴷⵓⵍⵉ ⵜⴰⵖⴻⵍⵍⵉⵙⴰⵏⵜ ⵏ ⵡⴻⵀⵕⴰⵏ ⵖⴻⵔ « 100% » ⵎⵉ ⴰⵔⴰ ⴼⵓⴽⴻⵏ ⵡⴰⵎⵎⴰⵙⴻⵏ ⵉⵎⴰⵢⵏⵓⵜⴻⵏ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵙ ⵍⴻⴱⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵢⵉⵖⴻⴼ ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ, ⴰⵙⴻⴼⵇⴰⴷ ⵏ ⵜⴻⵎⵙⵓⵍⵜⴰ ⵙⴰⵍⴰⵀ ⵏⵧⵓⴰⵙⵔⵉ.

« 6 ⵏ ⵜⴷⵓⵎⵚⵓⴽⵉⵏ ⵜⵉⵎⴰⵢⵏⵓⵜⵉⵏ, ⴳⴰⵔ ⵡⴰⵎⵎⴰⵙⴻⵏ ⵏ ⵜⵖⴻⵍⵍⵉⵙⵜ ⵜⴰⵎⴷⵉⵏⴰⵏⵜ ⴷ ⵡⴰⵎⵎⴰⵙⴻⵏ ⵏ ⵜⵖⴻⵍⵍⵉⵙⵜ ⵏ ⵜⴷⴰⵢⵕⴰ, ⴰⵔⴰ ⵉⵔⴻⵥⵎⴻⵏ ⴷⴻⴳ ⵡⴻⵀⵕⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⴰⵙⵔⵉ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵎⵉ ⵜⴼⵓⴽ ⵢⵉⵡⴻⵜ ⵏ ⵜⴼⵓⴳⵍⴰ ⴰⵢⴷⴻⴳ ⵔⵔⴰⵏ ⵜⴰⵊⵎⵉⵍⵜ ⵉ 30 ⵙⴻⴳ ⵢⵉⵅⴻⴷⴷⴰⵎⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵢ ⵢⵓⵡⵢⴻⵏ ⵜⴰⵙⵜⴰⵖⵜ (ⵜⴰⵇⴰⵄⵓⴷ).

ⴰⵎⵎⴰⵙⴻⵏ-ⴰ ⵏ ⵜⵖⴻⵍⵍⵉⵙⵜ ⴰⴷ ⵜⵜⵡⴰⴱⵏⵓⵏ ⴷⴻⴳ ⵙⵉⴷⵉ ⵍⴱⴰⵛⵉⵔ, ⵍⵃⴰⵙⵉ, ⵡⴰⴷ ⵜⵍⵉⵍⴰⵜ, ⵄⵉⵏ ⵟⵟⴻⵔⴽ ⴷ ⴰⵔⵣⴻⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴹⵔⵓ ⵏ ⵜⵙⴻⵔⵜⵉⵜ ⵏ ⵓⵙⵙⴻⵜⵔⴻⵔ (ⵄⴰⵙⵕⴰⵏⴰ) ⴰⵢ ⴷ-ⵉⴳⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ.

Ɣⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ (ⵎⴰⵚⴷⴰⵔ), ⵜⴰⴷⵓⵍⵉ ⵜⴰⵖⴻⵍⵍⵉⵙⴰⵏⵜ ⵏ ⵜⵡⵉⵍⴰⵢⵜ ⵏ ⵡⴻⵀⵕⴰⵏ ⵜⵓⵡⴻⴹ ⵉⵎⵉⵔ-ⴰ ⵖⴻⵔ 90%.

« ⴰⵎⵎⴰⵙⴻⵏ-ⴰ ⵉⵎⴰⵢⵏⵓⵜⴻⵏ ⴰⴷ ⵙⵙⵉⵡⴹⴻⵏ ⴰⴽⵜⴰⵎⵓⵔ-ⴰ ⵖⴻⵔ 100% », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⴰⵙⵔⵉ ⴰⵢ ⴷ-ⵉⵃⴻⵜⵜⴻⵜⴻⵏ ⵖⴻⴼ ⵢⴻⴳⵎⴰⴹ ⴰⵢ ⴳⴰⵏ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⵎⴳⴰⵍ ⵜⴻⵔⵏⴻⴳⴳⴰ ⴷ ⵜⴻⵊⵔⵉⵎⵜ.

« ⴰⴽⵙⴰⴱ-ⴰ ⵢⴻⵙⵄⴰ ⴰⵣⴰⵍ ⴰⵎⴰ ⵉ ⵢⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ), ⴰⵎⴰ ⵉ ⵢⵉⵅⴻⴷⴷⴰⵎⴻⵏ ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵎⵎⴰⵙⴻⵏ ⴰⵔⴰ ⵢⴻⵜⵜⵡⴰⴱⵏⵓⵏ ⴷ ⵉⵎⴰⵢⵏⵓⵜⴻⵏ ⴰⴷ ⵙⵄⵓⵏ ⵜⵜⴰⵡⵉⵍⴰⵜ ⵉⵜⵔⴰⵔⴻⵏ ⴰⵔⴰ ⵢⴻⵙⵙⴻⵍⵀⵓⵏ ⵜⴰⴳⵏⵉⵜ ⵏ ⵓⵎⴰⵀⵉⵍ (ⵄⴰⵎⴰⵍ) ⴷ ⵓⵙⵙⵉⵍⴻⵖ.