ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⵜⵎⴻⵏⵖⵉⵡⵜ ⵏ ⴰⵍⵉ ⵜⵧⵓⵏⵙⵉ: ⴰⴷ ⵢⴻⴱⴷⵓ ⵛⵛⵕⴻⵄ ⴰⵙⵙ ⵏ ⵍⵃⴻⴷⴷ ⵙ ⵡⴻⵃⴷⴰⵕ ⵏ ⵢⵉⵏⴰⴳⴰⵏ ⴷ ⵢⵉⵎⴰⵣⵣⴰⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵢⴻⴱⴷⵓ ⵛⵛⵕⴻⵄ ⵏ ⵢⵉⵖⴻⴼ ⵏ ⵜⵉⴳⴳⴻⵜ ⵜⴰⴳⴻⵏⵡⴰⵏⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⴽⵏⴰⵏⴻⵔ ⵛⵀⵧⵓⴰⵉⴱ ⵧⵓⵍⵜⴰⵛⵀⴻ, ⵢⴻⵜⵜⵡⴰⵜⵜⴻⵀⵎⴻⵏ ⵙ ⵜⵎⴻⵏⵖⵉⵡⵜ ⵏ ⵓⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵜⵎⴻⵀⵍⴰ-ⴰ, ⴰⵍⵉ ⵜⵧⵓⵏⵙⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵙ ⵡⴻⵃⴷⴰⵕ ⵏ ⵢⵉⵏⴰⴳⴰⵏ ⴷ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵣⴷⴰⵢ ⵏ ⵢⵉⴱⵓⴳⴰⵟⵓⵜⴻⵏ ⵏ ⵓⵎⴻⵜⵜⵀⵓⵎ-ⴰ.

« ⵜⴰⵎⵃⴰⴷⴷⵉⵜ ⴰⴷ ⴷ-ⵜⵖⴻⵔ ⵉ 54 ⵏ ⵢⵉⵏⴰⴳⴰⵏ ⴷ 8 ⵏ ⵢⵉⵎⴰⵣⵣⴰⵢⴻⵏ ⵓⵎⵉ ⵙⵍⴰⵏ ⴷⴻⴳ ⵡⴻⵃⵜⴰⵛ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⵙⵓⴼⴼⵖⴻⵏ ⵜⵜⴱⵓⵜⴰⵜ ⵓⵇⴱⴻⵍ ⵎⴰ ⵢⴻⴱⴷⴰ ⵛⵛⵕⴻⵄ ⵏ ⵡⴰⵙⵙ ⵏ ⵍⵃⴻⴷⴷ », ⵉⵎⵉ ⴰⵢ « ⵢⴻⵙⵙⴻⴼⴽ ⵡⴰⵢⴰ ⵉ ⵍⵎⴻⵏⴷ ⵏ ⵡⴻⵃⴽⴰⵎ ⵙ ⵜⴻⵖⴷⴻⵎⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴽⴻⵔⵡⴰ ⵎⵧⵀⴰⵎⴻⴷ ⵜⴰⵢⴻⴱ ⴱⴻⵍⴰⴰⵔⵉⴼ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ. ⴰⴱⵓⴳⴰⵟⵓ-ⴰ ⴷ ⵏⴻⵜⵜⴰ ⴷ ⵢⵉⵡⴻⵏ ⵙⴻⴳ ⵡⵉⴷ ⴰⵢ ⴷ-ⵢⴻⵍⵀⴰⵏ ⵙ ⵜⴻⵎⵃⴰⴷⴷⵉⵜ ⵏ ⵓⵎⴻⵜⵜⵀⵓⵎ ⵖⴻⵔ ⵢⵉⴷⵉⵙ ⵏ ⵢⵉⴽⴻⵔⵡⴰⵜⴻⵏ ⵎⵧⵀⴰⵎⴻⴷ ⴰⵎⵉⵏⴻ ⵙⵉⴷⵀⵧⵓⵎ ⴷ ⵏⵧⵔⴰ ⴳⵀⴰⴼⴼⴰⵔ.

ⵜⴰⵎⵃⴰⴷⴷⵉⵜ « ⴰⴷ ⴷ-ⵜⴻⴼⴽ ⵓⵎⵓⵖ (ⵇⴰ’ⵉⵎⴰ) ⵏ ⵢⵉⵏⴰⴳⴰⵏ ⵉⵎⴰⵢⵏⵓⵜⴻⵏ ⵓⵎⵉ ⵓⵔ ⵙⵍⵉⵏ ⴷⴻⴳ ⵡⴻⵃⵜⴰⵛ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴱⵓⴳⴰⵟⵓ-ⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵍⵇⴰⵏⵓⵏ ⵢⴻⴼⴽⴰ ⴰⵣⵔⴻⴼ ⵉ ⵡⴰⵢⴰ.

ⵛⵀⵧⵓⴰⵉⴱ ⵧⵓⵍⵜⴰⵛⵀⴻ ⵢⴻⵜⵜⵡⴰⵛⴰⵕⴻⵄ ⵖⴻⴼ « ⵜⵎⴻⵏⵖⵉⵡⵜ ⵙ ⵜⵎⴻⵄⵎⴰⴷⴰ ⵢⴻⵔⵏⵓ ⵙ ⵍⴻⵃⵙⴰⴱ, ⴰⵏⴻⵄⵔⵓⴹ ⵏ ⵜⵎⴻⵏⵖⵉⵡⵜ ⴷ ⵡⴰⵢⵍⴰ ⵏ ⵍⴻⵙⵍⴰⵃ ⵏ ⵜⵎⴻⵙ ⵡⴰⵔ ⵜⵜⴻⵙⵔⵉⵃ », ⵖⴻⴼ ⵍⴻⵃⵙⴰⴱ ⵏ ⵜⴻⵎⵍⵉⵍⵜ ⵜⴰⵙⴻⵎⵎⴰⴷⵜ ⵏ ⵜⴻⴷⵡⵉⵍⵜ ⵜⴰⵊⵔⵉⵎⴰⵏⵜ ⵜⵉⵙ ⵙⵏⴰⵜ ⵏ 2016.

ⴰⵍⵉ ⵜⵧⵓⵏⵙⵉ ⵢⴻⵏⵖⴰ-ⵜ ⵓⵎⴻⵜⵜⵀⵓⵎ ⵧⵓⵍⵜⴰⵛⵀⴻ ⴰⵙⵙ ⵏ 25 ⴼⵓⵕⴰⵕ 2010, ⵙⴰⴽⴽⵉⵏ ⵢⴻⵄⵔⴻⴹ ⴰⴷ ⵉⵏⴻⵖ ⵉⵎⴰⵏ-ⵏⵏⴻⵙ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔⵔ) ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ.