ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⴷ-ⴼⴼⵖⴻⵏⵜ ⵜⴻⴷⵍⵉⵙⵉⵏ ⵖⴻⴼ ⵢⵉⵖⴻⵔⵎⴰⵏ ⵏ ⵢⴻⵖⵣⴻⵔ ⵏ ⵎⵥⴰⴱ (ⴰⵎⴰⵙⴰⵢ)

ⵡⴻⵀⵕⴰⵏ – ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⴻⵙⵙⵓⴼⴼⴻⵖ ⵓⴷⵉⵡⴰⵏ ⵏ ⵓⵎⵎⴻⵙⵜⴻⵏ ⴷ ⵡⴻⵙⵎⴰⵍ ⵏ ⵢⴻⵖⵣⴻⵔ ⵏ ⵎⵥⴰⴱ, ⴰⵎⴰⵣⵔⴰⵔ ⵏ ⵜⴻⴷⵍⵉⵙⵉⵏ ⵖⴻⴼ ⵓⵎⴻⵣⵔⵓⵢ ⴰⴷⴻⵍⵙⴰⵏ ⴷ ⵓⵙⴻⴳⴷⴰⵏ ⵏ ⵢⵉⵖⴻⵔⵎⴰⵏ ⵏ ⵜⵖⴻⵔⴷⴰⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⵉⵅⴻⴱⴱⴻⵔ ⵓⴷⵉⵡⴰⵏ-ⴰ ⴷⴻⴳ ⵡⴻⵀⵕⴰⵏ.

ⵜⵉⴷⵍⵉⵙⵉⵏ-ⴰ ⴰⴷ ⴷ-ⵙⵙⴻⴽⵏⴻⵏⵜ ⴰⵎⴻⵣⵔⵓⵢ ⵏ ⵢⵉⵖⴻⵔⵎⴰⵏ ⵏ ⵜⵖⴻⵔⴷⴰⵢⵜ, ⵜⴰⵙⴻⴳⴷⴰ-ⵏⵙⴻⵏ, ⵓⵏⴰⵏ-ⵏⵙⴻⵏ, ⵍⴱⴻⵏⵢⴰⵏⴰⵜ-ⵏⵙⴻⵏ ⵉⵇⴱⵓⵔⴻⵏ ⴷ ⵍⴻⴱⵕⵓⵊ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵓⵎⴻⵥⵍⵓ ⵏ ⵓⵏⴰⴷⵉ ⴷ ⵓⵙⵙⴻⴽⴼⴻⴹ ⴷⴻⴳ ⵓⴷⵉⵡⴰⵏ, ⵉ ⵍⵎⴻⵏⴷ ⵏ ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵖⴻⴼ ⵜⴳⴻⵎⵎⵉ ⵏ ⵢⴻⵖⵣⴻⵔ ⵏ ⵎⵥⴰⴱ ⴰⵢ ⵢⴻⵍⵍⴰⵏ ⵜⴻⵜⵜⴽⴻⵎⵎⵉⵍ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵓⵙⴰⵍⴰⵢ ⴰⵖⴻⵍⵏⴰⵡ ⴰⵏⴰⴳⴷⵓⴷ ⵏ « ⴰⵀⵎⴻⴷ-ⵣⴰⴱⴰⵏⴰ » ⵏ ⵡⴻⵀⵕⴰⵏ.

ⵢⴰⵍ ⵢⵉⵡⴻⵜ ⵙⴻⴳ ⵜⴻⴷⵍⵉⵙⵉⵏ-ⴰ ⴰⴷ ⴷ-ⵜⵉⵍⵉ ⵖⴻⴼ ⵢⵉⵡⴻⵏ ⵙⴻⴳ ⵢⵉⵖⴻⵔⵎⴰⵏ ⵏ ⵜⵖⴻⵔⴷⴰⵢⵜ ⵢⴻⵔⵏⵓ ⴰⴷ ⵜⴻⵙⵄⵓ ⵜⵓⴳⵏⵉⵡⵉⵏ ⵏ ⵢⵉⵔⵓⵙⴼⵓⵙⴻⵏ ⴷ ⵢⵉⵖⴻⵔⵎⴰⵏ-ⵏⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴰⵀⵉⴰ ⴱⴻⵏⵏⴰⵛⴻⵓⵔ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵎⴰⵣⵔⴰⵔ-ⴰ ⵏ ⵜⴻⴷⵍⵉⵙⵉⵏ ⴰⴷ ⴷ-ⵢⴻⵡⵊⴻⴷ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵓⵙⴻⴳⴳⴰⵙ ⵢⴻⵔⵏⵓ ⴰⴷ ⵓⵖⴰⵍⴻⵏⵜ ⴷ ⵜⵜⴰⵡⵉⵍ ⵉ ⵍⴼⴰⵢⴷⴰ ⵏ ⵓⵏⴰⴷⵉ ⵖⴻⴼ ⵜⵙⴻⴳⴷⴰ ⵏ ⵢⵉⵖⴻⵔⵎⴰⵏ-ⴰ.

ⵜⴰⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⵜⴻⵙⵄⴰ 9 ⵏ ⵢⵉⵖⴻⵔⵎⴰⵏ, ⴳⴰⵔ-ⴰⵙⴻⵏ 5 ⵓⵙⴰⵏ-ⴷ ⴷⴰⵅⴻⵍ ⵢⴻⵖⵣⴻⵔ ⵏ ⵎⵥⴰⴱ ⵢⴻⵔⵏⵓ ⵡⵉ ⴷ ⵍⵄⴰⵟⴻⴼ, ⴰⵢⵜ ⵢⴻⵣⴳⴻⵏ, ⴱⴻⵏⵏⵓⵕⴰ, ⵎⵍⵉⴽⴰ ⴷ ⵜⵖⴻⵔⴷⴰⵢⵜ, ⵎⴰ ⴷ 4 ⵏⵉⴹⴻⵏ ⵓⵙⴰⵏ-ⴷ ⴱⴻⵕⵕⴰ ⵏ ⵢⴻⵖⵣⴻⵔ-ⴰ ⵢⴻⵔⵏⵓ ⵡⵉ ⴷ ⵍⴻⵎⵏⵉⵄⴰ, ⵎⴻⵜⵍⵉⵍⵉ, ⴱⴻⵔⵔⴻⵢⵢⴰⵏ ⴷ ⵍⴻⴳⵕⴰⵕⴰ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴰⵖ ⵢⵉⵖⴻⵔⵎⴰⵏ ⴰⵢ ⴷⴻⵔⵎⴻⵏ.

ⵢⴻⵙⵙⵓⴼⴼⴻⵖ-ⴷ ⵓⴷⵉⵡⴰⵏ ⵏ ⵓⵎⵎⴻⵙⵜⴻⵏ ⴷ ⵡⴻⵙⵎⴰⵍ ⵏ ⵢⴻⵖⵣⴻⵔ ⵏ ⵎⵥⴰⴱ (ⴰⵢ ⵢⴻⵙⵄⴰⵏ ⵜⴰⵙⵖⵉⵎⵜ ⴷⴻⴳ ⵜⵖⴻⵔⴷⴰⵢⵜ) ⵓⴳⴰⵔ ⵏ 35 ⵏ ⵢⵉⵔⵓⵙⴼⵓⵙⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵏⵏⵓⵍⴼⴰ ⴷⴻⴳ 1992, ⴷ ⵉⵔⵓⵙⴼⵓⵙⴻⵏ ⴰⵢ ⴷ-ⵢⴻⵜⵜⵡⴰⵔⵓⵏ ⵖⴻⴼ ⵜⵏⴻⴳⵡⴰ ⵢⴻⵎⴳⴻⵔⵔⴰⴷⴻⵏ ⵏ ⵍⴻⴱⵏⵉ ⴰⵢ ⵍⵍⴰⵏ ⵙⵙⴻⵇⴷⴰⵛⴻⵏ-ⵜⴻⵏⵜ ⵣⵉⴽ ⴷⴻⴳ ⵢⵉⵖⴻⵔⵎⴰⵏ ⴰⵎ ⵜⴰⵍⴰⵖⵜ, ⵜⴰⵏⴰⴳⵔⴰⵡⵜ ⵏ ⵓⵙⵙⴻⴼⵔⴻⴽ ⴷ ⵡⴻⴼⵔⴰⵇ ⵏ ⵡⴰⵎⴰⵏ, ⵓⵏⴰⵏ, ⵉⵅⵅⴰⵎⴻⵏ ⵉⵏⵙⴰⵢⴰⵏⴻⵏ ⴷ ⵜⵕⴰⴽⵏⵉⵡⵉⵏ.

ⵏⵏⵉⴳ ⵡⴰⵢⴰ, ⵢⴻⵙⵙⵓⴼⴼⴻⵖ-ⴷ ⵓⴷⵉⵡⴰⵏ-ⴰ ⵉⴼⴻⵜⵔⴰⵡⴻⵏ ⵖⴻⴼ ⵜⴳⴻⵎⵎⵉ ⵜⴰⵏⴳⴰⵏⵜ ⴷ ⵜⵔⴰⵏⴳⴰⵏⵜ ⵏ ⵢⴻⵖⵣⴻⵔ ⵏ ⵎⵥⴰⴱ, ⴷ ⵜⴰⵎⵏⴰⴹⵜ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴷ ⵜⵉⴳⴻⵎⵎⵉ ⵜⴰⵖⴻⵍⵏⴰⵡⵜ ⴷ ⵜⴻⴳⵔⴰⵖⵍⴰⴱⵏⵜ ⵢⴻⵔⵏⵓ ⵍⴰ ⵢⴻⵜⵜⵎⴰⵀⴰⵍ ⵓⴷⵉⵡⴰⵏ-ⴰ ⴰⴽⴽⴻⵏ ⴰⴷ ⵢⴻⵙⵙⵉⴷⴻⴼ ⴷⴻⴳ ⵡⵓⵍⴰⵡⴻⵏ ⵏ ⵢⵉⴳⴻⵔⴷⴰⵏ ⵜⴰⵢⵔⵉ ⵏ ⵜⴳⴻⵎⵎⵉ ⵙ ⵡⵓⵏⵓⵖⴻⵏ ⵢⴻⵜⵜⴻⵡⵍⵉⵡⵉⵍⴻⵏ ⵖⴻⴼ ⵜⵖⴻⵔⵎⴰ ⵏ ⵢⴻⵖⵣⴻⵔ ⵏ ⵎⵥⴰⴱ ⴷ ⵓⵙⵙⵓⴼⴼⴻⵖ ⵏ ⵢⵉⵡⴻⵏ ⵏ ⵡⴻⵎⵏⵉⵔ ⴰⵎⴻⵔⵔⴰⵏ ⵉ ⵢⵉⴳⴻⵔⴷⴰⵏ, ⵉⵙⴻⵎ-ⵏⵏⴻⵙ « ⵡⴰⵜⴰⵏⵉ » (ⴰⵖⵍⴰⵏ-ⵉⵏⵓ).

ⵢⴻⵙⵙⴰⵀⴻⵍ ⵓⴷⵉⵡⴰⵏ-ⴰ, ⴷⴻⴳ ⵓⵙⴰⵍⴰⵢ ⴰⵖⴻⵍⵏⴰⵡ ⵏ « ⴰⵀⵎⴻⴷ-ⵣⴰⴱⴰⵏⴰ » ⵏ ⵡⴻⵀⵕⴰⵏ, ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵖⴻⴼ ⵜⵖⵓⵔⵉ ⵏ ⵜⴳⴻⵎⵎⵉ, ⴰⵙⵙⵓⵏⴻⵖ ⴷ ⵜⵕⴰⴽⵏⵉⵡⵉⵏ ⵙⴻⴳ 7 ⴷ 11 ⵎⴰⵢⵓ ⵉ ⵍⴼⴰⵢⴷⴰ ⵏ ⵢⵉⴳⴻⵔⴷⴰⵏ ⵏ ⵡⴻⵀⵕⴰⵏ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵡⴰⵢⵢⵓⵔ ⵏ ⵜⴳⴻⵎⵎⵉ.