ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵄⴻⵏⵏⴰⴱⴰ: 80.000 ⵏ ⵢⴻⵣⵡⴰⵍ ⵏ ⵢⴻⴷⵍⵉⵙⴻⵏ ⴰⵢ ⴷ-ⵣⵣⴰⴽⴽⵏⴻⵏ ⴷⴻⴳ ⵜⵎⴻⵙⵔⵉⵜ ⵏ ⵜⴻⴼⵙⵓⵜ ⵏ ⵡⴻⴷⵍⵉⵙ
ⵄⴻⵏⵏⴰⴱⴰ– ⵙ ⵓⵊⴻⵎⵎⴰⵍ, 80.000 ⵏ ⵢⴻⴷⵍⵉⵙⴻⵏ ⴰⵢ ⴷ-ⵣⵣⴰⴽⴽⵏⴻⵏ ⴷⴻⴳ ⵜⵎⴻⵙⵔⵉⵜ ⵏ ⵜⴻⴼⵙⵓⵜ ⵏ ⵡⴻⴷⵍⵉⵙ ⴰⵢ ⵉⵔⴻⵥⵎⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴻⵎⵕⴰⵃ ⵏ ⵜⴻⴳⵔⴰⵡⵍⴰ ⵏ ⵄⴻⵏⵏⴰⴱⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.
ⵜⴰⵎⴻⵙⵔⵉⵜ-ⴰ ⵉⵔⴻⵥⵎⴻⵏ ⴷⴻⴳ ⴱⴻⵕⵕⴰ ⵜⵜⴻⴽⴽⴰⵏ ⴷⴻⴳ-ⵙ 14 ⵏ ⵢⴻⵅⵅⴰⵎⴻⵏ ⵏ ⵜⴻⵥⵔⵉⴳⵉⵏ, ⵢⴻⵔⵏⵓ ⵓⵡⵢⴻⵏⵜ-ⵉⴷ ⴰⵟⴰⵙ ⵏ ⵢⴻⴷⵍⵉⵙⴻⵏ ⵢⴻⵇⵇⵏⴻⵏ ⵖⴻⵔ ⵜⵙⴻⴽⵍⴰ, ⵜⵓⵙⵙⵏⵉⵡⵉⵏ ⴷ ⵜⴻⵙⵏⴰⵜⵡⵉⵍⵉⵏ ⵜⵉⵎⴰⵢⵏⵓⵜⵉⵏ, ⵜⵓⵜⵍⴰⵢⵉⵏ, ⵜⵉⵥⵓⵔⵉⵢⵉⵏ ⴷ ⵢⴻⴷⵍⴻⵙ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴷⴰⵖ ⵢⴻⴷⵍⵉⵙⴻⵏ ⵉⵙⴷⴰⵡⴰⵏⴻⵏ ⴷ ⵢⴻⴷⵍⵉⵙⴻⵏ ⵏ ⵢⵉⴳⴻⵔⴷⴰⵏ.
ⵏⵏⵉⴳ ⵡⴰⵢⴰ, ⵀⴻⵢⵢⴰⵏ-ⴷ ⵉⴼⴻⵔ ⵉ ⵜⵙⴻⴽⵍⴰ ⵜⴰⴷⵣⴰⵢⵔⵉⵜ ⴷ ⵢⴻⴷⵍⵉⵙⴻⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵀⴻⵢⵢⴰⵏ ⵜⴰⵍⵍⵓⵏⵉⵏ ⵉ ⵢⵉⵎⴻⵖⵔⵉⵢⴻⵏ ⵙⴻⴳ ⵢⴻⵙⵡⵉⵔⴻⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⵜⴻⵏ-ⵙⵃⵓⵍⴼⵓⵏ ⵖⴻⴼ ⵜⵉⵅⵅⵓⵜⴻⵔⵜ ⵏ ⵜⵖⵓⵔⵉ ⵏ ⵢⴻⴷⵍⵉⵙⴻⵏ ⴰⵎ ⵡⴰⴽⴽⴻⵏ ⴰⵔⴰ ⴷ-ⵊⴻⴱⴷⴻⵏ ⵉⴳⴻⵔⴷⴰⵏ ⴷ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⵖⵔⴻⵏ.
ⵜⴰⴷⵢⴰⵏⵜ-ⴰ ⴰⴷ ⵜⴽⴻⵎⵎⴻⵍ ⴰⵔⵎⴰ ⴷ 23 ⵎⴰⵢⵓ, ⵢⴻⵔⵏⵓ ⴰⴷ ⴼⴰⵔⵚⴻⵏ ⴰⴷ ⴰⵙ-ⵔⵔⴻⵏ ⴷⴻⴳ-ⵙ ⵜⴰⵊⵎⵉⵍⵜ ⵉ ⴰⵀⵎⴻⴷ ⵛⵀⵔⵉⴱⴻⵜ ⴰⵢ ⴷ-ⵢⴻⵙⵙⵓⴼⴼⵖⴻⵏ ⵓⴳⴰⵔ ⵏ 30 ⵏ ⵢⴻⴷⵍⵉⵙⴻⵏ ⵢⴻⵇⵇⵏⴻⵏ ⵖⴻⵔ ⵓⵎⴻⵣⵔⵓⵢ, ⵜⵉⴳⴻⵎⵎⵉ ⴷ ⵜⵙⴻⴽⵍⴰ ⵜⴰⴷⵣⴰⵢⵔⵉⵜ.
ⵢⴻⵙⵙⴰⵀⴻⵍ ⵓⴷⵉⵡⴰⵏ-ⴰ, ⴷⴻⴳ ⵓⵙⴰⵍⴰⵢ ⴰⵖⴻⵍⵏⴰⵡ ⵏ « ⴰⵀⵎⴻⴷ-ⵣⴰⴱⴰⵏⴰ » ⵏ ⵡⴻⵀⵕⴰⵏ, ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵖⴻⴼ ⵜⵖⵓⵔⵉ ⵏ ⵜⴳⴻⵎⵎⵉ, ⴰⵙⵙⵓⵏⴻⵖ ⴷ ⵜⵕⴰⴽⵏⵉⵡⵉⵏ ⵙⴻⴳ 7 ⴷ 11 ⵎⴰⵢⵓ ⵉ ⵍⴼⴰⵢⴷⴰ ⵏ ⵢⵉⴳⴻⵔⴷⴰⵏ ⵏ ⵡⴻⵀⵕⴰⵏ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵡⴰⵢⵢⵓⵔ ⵏ ⵜⴳⴻⵎⵎⵉ.
