ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⵔⴰⵢ ⵡⴻⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴰⴷ ⴷ-ⵢⴻⵙⵙⵉⵍⴻⵖ ⵎⴻⴷⴷⴻⵏ ⴷⴻⴳ ⵕⵕⴰⴷⵢⵓ ⵜⴰⵃⴻⴼⴼⴰⴹⵜ ⴷⴻⴳ 48 ⵏ ⵜⵡⵉⵍⴰⵢⵉⵏ

ⵜⵍⴻⵎⵙⴰⵏ – ⵍⴰ ⵢⴻⵙⵙⴻⴼⵔⴰⵢ ⵡⴻⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⵉⵍⴻⵖ ⵏ ⵎⴻⴷⴷⴻⵏ ⴷⴻⴳ ⵕⵕⴰⴷⵢⵓ ⵜⴰⵃⴻⴼⴼⴰⴹⵜ ⴷⴻⴳ 48 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵙⵙⴻⴱⵜ, ⵓⵙⴻⵎⵜⴰⵔ ⵏ ⵜⴻⵖⵡⴰⵍⵜ ⵏ ⵡⴻⵖⵍⵉⴼ.

ⴰⵙⴻⵎⵜⴰⵔ ⵀⵉⵛⵀⴰⵎ ⵙⴻⵏⵧⵓⵙⵙⴰⵧⵓⵉ, ⴰⵢ ⴷ-ⵢⵓⵙⴰⵏ ⴷⴻⴳ ⵡⴻⵎⴽⴰⵏ ⵏ ⵓⵏⴻⵖⵍⴰⴼ ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵏ ⵡⴻⴳⵔⴰⵡ ⴰⵎⴰⵜⵓ ⴰⵏⵓⵎⴰⵏ ⵏ ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵢⵉⵃⴻⴼⴼⴰⴹⴻⵏ ⵉⴷⵣⴰⵢⵔⵉⵢⴻⵏ ⵏ ⵕⵕⴰⴷⵢⵓ (ⴰⵔⴰ), ⵢⴻⵏⵏⴰ-ⴷ ⴷⴰⴽⴽⴻⵏ ⴰⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵙⵙⵉⵍⴻⵖ ⴰⵢ ⵙⵙⴻⴼⵔⴰⵏ ⴰⴷ ⴷ-ⵢⵉⵍⵉ ⴷⴻⴳ ⵓⵙⴻⴳⴳⴰⵙ ⵏ 2018 ⴷⴻⴳ ⵓⴽⴰⵜⴰⵔ ⵏ ⵡⴻⵙⵎⵓⵏⵓ ⵏ ⵜⵉⴷⴷⵓⴽⵍⴰ-ⴰ ⴰⵢ ⴷ-ⵢⴻⴱⴷⴰⵏ ⴷⴻⴳ ⵓⵙⴻⴳⴳⴰⵙ ⵏ 2000 ⴷⴻⴳ ⵓⴽⴰⵜⴰⵔ ⵏ ⵢⴻⵎⵜⴰⵡⴰⵢⴻⵏ ⵉⵏⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⵉⵍⵉⵏ ⴳⴰⵔ ⵡⴻⵖⵍⵉⴼ ⴷ ⵜⵉⴷⴷⵓⴽⵍⴰ.

ⴰⴷ ⵢⴻⵜⵜⴻⴽⴽⵉ ⵡⴻⵖⵍⵉⴼ, ⴷⴰⵖ, ⴷⴻⴳ ⵓⵙⵙⵓⴷⴷⴻⵙ ⵏ « ⵡⴻⴳⵎⴰⵔ ⵏ ⵓⴱⴰⵔⴻⵖ », ⴷ ⵓⵔⴰⵔ ⵏ ⵓⵡⴻⵍⵍⴻⵀ ⵙ ⵕⵕⴰⴷⵢⵓ ⴰⵢⴷⴻⴳ ⵉⵃⴻⴼⴼⴰⴹⴻⵏ ⵜⵜⵏⴰⴷⵉⵏ ⴰⴷ ⴷ-ⴰⴼⴻⵏ ⵉⵎⴻⵙⴳⴰⵍⴻⵏ ⵢⴻⴼⴼⵔⴻⵏ ⴷⴻⴳ ⵜⴻⵥⴳⵉ, ⵢⴻⵔⵏⵓ ⴰⵢⴰ ⴷ ⴰⵃⵔⵉⵛ ⵙⴻⴳ ⵡⴰⵀⵉⵍ ⵏ ⵡⴻⵔⵎⵓⴷ ⵏ ⵜⵉⴷⴷⵓⴽⵍⴰ-ⴰ ⵉ ⵓⵙⴻⴳⴳⴰⵙ-ⴰ.

ⵎⴰ ⴷ ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ, ⴰⴼⵉⴼ ⴱⴻⵏ ⵍⴰⴳⵀⴰ, ⴷⴻⴼⴼⵉⵔ ⵎⴰ ⵢⴻⵙⵎⴻⴽⵜⵉ-ⴷ ⵙ ⵓⵎⴻⵣⵔⵓⵢ ⵏ ⵜⵉⴷⴷⵓⴽⵍⴰ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷ ⵙⵙⵓⴷⴷⵙⴻⵏ, ⴷⴻⴳ ⵡⴻⵎⵡⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⵎⴰⴳⴻⵔ ⴰⴽⴽⴻⵏ ⴰⴷ ⴷ-ⵙⵙⵉⵡⵍⴻⵏ ⵖⴻⴼ ⵓⵎⴻⵣⵔⵓⵢ ⵏ ⵜⵉⴷⴷⵓⴽⵍⴰ-ⴰ ⵢⴻⵔⵏⵓ ⴰⴷ ⴷ-ⴼⴽⴻⵏ ⵜⴰⴳⴳⵉⵡⵉⵏ ⵖⴻⴼ ⵡⴰⵎⴻⴽ ⴰⵢ ⴷ-ⵜⴻⵏⵏⵓⵍⴼⴰ ⴳⴰⵔ 1962 ⴷ 1966 ⴷ ⵜⵓⵇⵇⵏⴰ-ⵏⵏⴻⵙ ⵖⴻⵔ ⵜⴷⵓⴽⵍⵉ ⵜⴰⴳⵔⴰⵖⵍⴰⵏⵜ ⵏ ⵕⵕⴰⴷⵢⵓⵡⴰⵜ ⵜⵉⵃⴻⴼⴼⴰⴹⵉⵏ.

ⵜⵉⴷⴷⵓⴽⵍⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ, ⵜⵓⵔⴰⵔ ⵜⴰⵎⵍⵉⵍⵜ ⴷⴻⴳ ⵡⴻⵏⵔⴰⵔ ⴰⵍⵙⴰⵏ, ⵎⵉ ⴷ-ⵡⵜⴻⵏⵜ ⵜⵣⴻⵏⵣⵍⵉⵏ ⵏ ⵛⵛⵍⴻⴼ (1980) ⴷ ⴱⵓⵎⴻⵔⴷⴰⵙ (2003), ⴰⵏⴷⴰ ⵜⵉⵖⵍⴰⵎⵉⵏ ⵏ ⵜⵉⴷⴷⵓⴽⵍⴰ-ⴰ ⴼⴽⴰⵏⵜ-ⴷ ⵉⵙⴰⵍⴰⵏ ⵉ ⵜⵡⴰⵛⵓⵍⵉⵏ ⵏ ⵜⴻⵖⵜⴰⵙ ⴷ ⵢⵉⵎⴻⴹⵔⵓⵔⴻⵏ, ⵢⴻⵔⵏⵓ ⵙ ⵡⴰⵢⴰ, ⵜⴻⵇⵇⴻⵏ ⵕⵕⴰⴷⵢⵓ ⵜⴰⵃⴻⴼⴼⴰⴹⵜ ⴳⴰⵔ ⵜⴻⴷⴱⴻⵍⵜ ⴷ ⵜⵡⴰⵛⵓⵍⵉⵏ ⵏ ⵢⴻⵎⴷⴰⵏⴻⵏ-ⴰ.

ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷⴻⴳ ⵡⴻⴳⵔⵓⵔ ⵏ ⵢⵉⵍⴻⵎⵥⵉⵢⴻⵏ ⵏ ⵍⴰⵍⵍⴰ ⵙⴻⵜⵜⵉ, ⴷⴻⴳ ⵡⴻⵃⵔⵉⵛ ⵓⵏⵏⵉⴳ ⵏ ⵜⴻⵎⴷⵉⵏⵜ ⵏ ⵜⵍⴻⵎⵙⴰⵏ, ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙ ⴰⵣⴰⵍ ⵏ 100 ⵏ ⵢⵉⵎⴰⵙⵍⴰⴹⴻⵏ ⵙⴻⴳ 16 ⵏ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ. ⴷⴻⴳ ⵡⴻⴳⵔⴰⵡ-ⴰ, ⵙⵄⴻⴷⴷⴰⵏ ⵜⵉⵛⵔⴰⵡⵉⵏ ⵏ ⵜⵉⴷⴷⵓⴽⵍⴰ ⵉ ⵓⵙⴻⴳⴳⴰⵙ ⵏ 2017 ⵢⴻⵔⵏⵓ ⵀⴻⵢⵢⴰⵏ-ⴷ ⴰⵀⵉⵍ ⵏ ⵜⵉⴳⴰⵡⵜ ⵉ 2018.

ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵔⵔⴰ ⵜⵏⴰⵔⵉⵜ ⵜⴰⵙⵍⴻⴽⵎⴰⵏⵜ ⵜⴰⵊⵎⵉⵍⵜ ⵉ ⵓⵙⴻⵇⴷⴰⵛ ⵉⵎⵅⴻⵢⵢⴻⵔ ⵏ ⵕⵕⴰⴷⵢⵓ ⵜⴰⵃⴻⴼⴼⴰⴹⵜ ⴰⵢ ⴷ-ⵢⴻⴼⵔⵓⵔⵉⵏ ⵉⵍⵉⵏⴷⵉ, ⵢⴻⵔⵏⵓ ⵡⴰ ⴷ ⵙⴻⵉⴼ ⴰⵍⵍⴰⵀ ⵀⴻⵍⵉⴱ ⵙⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ, ⴰⵇⵓⵙⵉⵙ ⵏ ⵕⵕⴰⴷⵢⵓ ⵉⵎⵅⴻⵢⵢⴻⵔ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵖⵡⴰⵟ, ⵢⴻⵔⵏⵓ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵔⵔⴰⵏ ⵜⴰⵊⵎⵉⵍⵜ ⵉ ⵓⵙⵙⴻⴹⵔⵓ ⵉⵎⵅⴻⵢⵢⴻⵔ ⵏ ⵡⴻⵙⴳⴰⵍⴻⴼ ⵏ ⵕⵕⴰⴷⵢⵓ ⵉ ⵎⵧⵀⴰⵎⴻⴷ ⴽⵀⴰⵎⵍⴰ ⵏ ⵜⴱⴻⵙⴽⴻⵔⵜ.

ⵜⵉⴷⴷⵓⴽⵍⴰ-ⴰ ⵜⴻⵍⵍⴰ ⴷⴻⴳ ⵡⴰⴽⴽ ⵜⵉⵡⵉⵍⴰⵢⵉⵏ ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙ ⵢⵉⵇⵓⵙⵉⵙⴻⵏ ⵏ ⵕⵕⴰⴷⵢⵓ ⵙⴻⴳ 25 ⵏ ⵜⵡⵉⵍⴰⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ-ⵏⵏⴻⵙ.