ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ

ⵜⴰⴷⴰⵎⵙⴰ

ⵍⴰⵕⴻⴱⵄⴰ, 01 ⵢⴻⴱⵔⵉⵔ 2015 18:14

ⴰⵙⵏⵓⵍⴼⵓ ⵏ 50 ⵏ ⵜⵎⵉⵡⴰ ⵏ ⵓⵎⴻⵔⵔⴻⵃ ⵓⵇⴱⴻⵍ ⵜⴰⴳⴳⴰⵔⴰ ⵏ 2015

ⵡⴻⵀⵕⴰⵏ – ⵅⴻⵎⵙⵉⵏ ⵏ ⵜⵎⵉⵡⴰ ⵏ ⵜⵎⴻⵔⵔⵉⵜ ⴰⵔⴰ ⴷ-ⵢⴻⵏⵏⵓⵍⴼⵓⵏ ⵙⴻⴳ-ⴰ ⵖⴻⵔ ⵜⴰⴳⴳⴰⵔⴰ ⵏ 2015 ⴷⴻⴳ ⵜⵎⵉⵡⴰ ⵢⴻⵎⴳⴰⵔⴰⴷⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⵙⵏⴻⵔⵏⵉ ⵏ ⵜⵎⴻⵔⵔⵉⵜ (ⴰⵏⴷⵜ). ⵜⵉⵎⵉⵡⴰ-ⴰ ⵏ ⵜⵎⴻⵔⵔⵉⵜ ⵡⴻⵊⴷⴻⵏ ⵢⵉⴽⴰⵔⴰⵎⴻⵏ-ⵏⵙⴻⵏⵜ (ⴷⵧⵙⵙⵉⴻⵔⵙ) ⵖⴻⵔ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ), ⵢⴻⵔⵏⴰ ⴰⵎⵓⵔ ⴰⵎⴻⵇⵇⵔⴰⵏ ⵙⴻⴳ-ⵙⴻⵏⵜ ⵢⴻⵣⴳⴰ-ⴷ ⴷⴻⴳ ⵢⴻⴳⵏⴰⵏ ⵉⵄⵍⴰⵢⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⵔⴻⴷⴷⵉⵏⴻ ⵏⴻⴷⵔⵉ ⵉ ⵏⴷƔ ⴷⴻⴳ ⵜⴻⵥⵔⵉⴳⵜ ⵜⵉⵙ ⵙⴻⵜⵜⴰ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ, ⴰⵚⴰⴼⴻⵔ ⴷ ⵓⵎⴻⵙⵏⵉ « ⵙⵉⴰⵀⴰ 2015 » ⴰⵢ ⵢⴻⵍⴷⵉⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴰⵎⵎⴰⵙ ⵏ ⵜⴻⵎⵍⵉⵍⵉⵢⵉⵏ ⵎⵧⵀⴰⵎⴻⴷ ⴱⴻⵏⴰⵀⵎⴻⴷ ⵏ ⵡⴻⵀⵕⴰⵏ (ⵛⵛⵧ). « ⵜⵉⵎⵉⵡⴰ-ⵢⴰ ⴰⴷ ⴷ-ⵙⴱⴰⵏⴻⵏⵜ ⵜⵉⵖⴰⵡⵙⵉⵡⵉⵏ ⵢⴻⵍⵀⴰⵏ ⴷⴻⴳ ⵡⴻⵃⵔⵉⵛ-ⴰ ⵏ ⵜⵎⵓⵔⵜ (ⵉⴳⵏⴰⵏ ⵉⵄⵍⴰⵢⴰⵏⴻⵏ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵏⴻⵔⵏⵉ ⵏ ⵜⵎⴻⵔⵔⵉⵜ (ⵜⵧⵓⵔⵉⵙⵎⴻ) ⵏ ⵜⵡⴻⵏⵏⴰⴹⵜ ⴷ ⵍⵃⴻⵎⵎⴰⵎⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⴷⴰⴽⴽⴻⵏ ⵙⴻⴳ ⵓⴳⴰⵔ 205 ⵏ ⵜⵎⵉⵡⴰ ⵏ ⵜⵎⴻⵔⵔⵉⵜ ⴰⵢ ⴷ-ⵙⵏⵓⵍⴼⴰⵏ ⴷⴻⴳ ⵜⵎⵉⵡⴰ ⵢⴻⵎⴳⴰⵔⴰⴷⴻⵏ ⵏ ⵜⵎⵓⵔⵜ, 70% ⵙⴻⴳ-ⵙⴻⵏⵜ ⵣⴳⴰⵏⵜ-ⴷ ⵖⴻⴼ ⵢⵉⵔⵉ ⵏ ⵍⴻⴱⵃⴻⵕ.

ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⵙⵏⴻⵔⵏⵉ ⵏ ⵜⵎⴻⵔⵔⵉⵜ ⵜⴻⵍⵀⴰ-ⴷ ⵙ ⵓⵄⴰⵡⴻⴷ ⵏ ⵜⵎⵓⵖⵍⵉ ⵏ ⵜⵎⵉⵡⴰ-ⴰ, ⴷ ⵛⵛⵖⴻⵍ ⴰⵢ ⴷ-ⵜⴻⴱⴷⴰ ⴰⵙⴻⴳⴳⴰⵙ ⵢⴻⵣⵔⵉⵏ. ⵛⵛⵖⴻⵍ-ⴰ ⴰⵔⴰ ⵉⴼⴰⴽⴻⵏ ⴷⴻⴳ ⵎⴰⵢⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵡⵉⵏ ⴰⵢⴷⴻⴳ ⴰⵔⴰ ⵜⵜⵡⴰⴽⴽⵙⴻⵏⵜ ⴽⵔⴰ ⵏ ⵜⵎⵉⵡⴰ ⵙⴻⴳ ⵍⴻⵃⵙⴰⴱ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⴱⴰⵏⴻⵏ ⵜⵉⵍⵉⵙⴰ ⵏ ⴽⵔⴰ ⵙⴻⴳ ⵜⵉⴷ ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⴻⵎⴷⵉⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⴰⵏⴷⵜ.

ⵜⵉⵎⵉⵡⴰ ⵏ ⵜⵎⴻⵔⵔⵉⵜ ⵜⵜⵡⴰⵚⴻⵏⵏⴼⴻⵏⵜ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1998, 2009 ⴻⴷ 2010, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⵎⴰⵙⵙ ⵏⴻⴷⵔⵉ ⵢⴻⵏⵏⴰ-ⴷ ⴷⴰⴽⴽⴻⵏ 140 ⵏ ⵜⴻⵣⵔⴰⵡⵉⵏ ⵉ ⵓⵙⵙⴻⵇⵄⴻⴷ ⵏ ⵜⵎⵉⵡⴰ ⵏ ⵜⵎⴻⵔⵔⵉⵜ ⴰⵢ ⴷ-ⵢⴻⴱⴷⴰⵏ, 15 ⵏ ⵢⵉⵣⴻⵏⵣⵉⵖⴻⵏ ⵏ ⵓⵙⵙⴻⵇⵄⴻⴷ ⵏ ⵜⵎⴻⵔⵔⵉⵜ (ⵙⴷⴰⵜ) ⴰⵢ ⵢⴻⵜⵜⵡⴰⵇⴻⴱⵍⴻⵏ, ⵢⴻⵔⵏⴰ ⵍⵍⴰⵏ ⵡⵉⵢⴰⴹ ⵍⴰ ⴷ-ⵜⵜⵡⴰⵀⴻⵢⵢⴰⵢⴻⵏ ⵖⴻⵔ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴱⴷⴰⵏ-ⴷ ⵍⴻⵛⵖⴰⵍ ⵏ ⵓⵙⵙⴻⵇⵄⴻⴷ ⵏ ⵡⴰⵟⴰⵙ ⵏ ⵜⵎⵉⵡⴰ ⴷⴻⴳ ⵜⵡⵉⵍⴰⵢⵉⵏ ⵏ ⵄⴻⵏⵏⴰⴱⴰ, ⵎⴻⵙⵜⵖⴰⵏⴻⵎ, ⴱⴳⴰⵢⴻⵜ ⴷ ⵊⵉⵊⴻⵍ.

ⵜⴰⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ, ⴰⵚⴰⴼⴻⵔ ⴷ ⵓⵎⴻⵙⵏⵉ « ⵙⵉⴰⵀⴰ » ⴰⴷ ⵜⴻⵊⵊ ⵎⴻⴷⴷⴻⵏ ⴷ ⵢⴻⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵏ ⵡⴻⵃⵔⵉⵛ-ⴰ ⴰⴷ ⵙⵙⵏⴻⵏ ⵍⴻⵛⵖⴰⵍ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⵙⵏⴻⵔⵏⵉ ⵏ ⵜⵎⴻⵔⵔⵉⵜ ⴰⵢ ⵉⵅⴻⴷⴷⵎⴻⵏ ⵉ ⵍⵎⴻⵏⴷ ⵏ ⵜⵔⵉⵔⵉⵜ ⵏ ⵡⴰⵣⴰⵍ ⵏ ⵜⵎⵉⵡⴰ ⵏ ⵜⵎⴻⵔⵔⵉⵜ ⴷ ⵓⵙⵙⴻⵡⵊⴻⴷ ⵏ ⵢⵉⵣⴻⵏⵣⵉⵖⴻⵏ ⴰⵔⴰ ⵢⴻⵙⵏⴻⵔⵏⵉⵏ ⵜⴰⵎⴻⵔⵔⵉⵜ.

ⵜⴰⴷⵢⴰⵏⵜ-ⴰ ⵏ ⵕⴻⴱⵄⴰ ⵏ ⵡⵓⵙⵙⴰⵏ, ⴰⵢ ⴷ-ⵜⴳⴰ ⵜⵏⴻⴳⴳⴰ ⵏ « ⴰⵙⵜⵔⴰ » ⴰⵢ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵜⵎⴻⵙⵔⵉⵢⵉⵏ ⴷ ⵜⴻⵎⵣⵉⴽⴽⵏⵉⵢⵉⵏ, ⴷ ⵜⵉⵏ ⴰⵢⴷⴻⴳ ⴰⵔⴰ ⴷ-ⵎⵍⵉⵍⴻⵏ 100 ⵏ ⵢⵉⵏⴻⵎⵣⵉⴽⴽⵏⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵍⴻⵣⵣⴰⵢⴻⵔ, ⵜⵓⵏⴻⵙ, ⵎⴻⵕⵕⵓⴽ, ⵟⵟⴻⵔⴽ, ⵒⵓⵕⵜⵓⴳⴰⵍ, ⵙⵒⴻⵏⵢⵓⵍ ⴻⴷ ⵎⴰⵍⵟⴰ.