Asebter amenzawi

TADAMSA

Ssebt, 04 Yebrir 2015 19:30

Wehṛan: ugar n 5.000 n yinerzafen ɣer tmesrit tagraɣlant n « SIAHA 2015 »

WEHṚAN – Taẓrigt tis setta n Tmesrit tagraɣlant n tmerrit , n uṣafer d umesni « SIAHA 2015 », ay ifuken iḍelli ssebt tameddit deg Wehṛan, yejbed-d ugar n 5000 n yinerzafen, amur ameqran seg-sen d imsaduren, ɣef wakken ay d-nnan yemsuddsen n tmesrit-a.

Deg tedyant-a n ṛebɛa n wussan, yella-d westenyi n yiwen n wemtawa gar tmehliwin n tmerrit d tenḍi, assemres, assileɣ d welmud amsadur, n texxamt n tinḍi ed ṣṣenɛat d tiddukla n wesmal n tmeṭṭut n tmurt « Afus deg Ufus » n Wehṛan.

Iswi n wemtawa-a netta d assileɣ n tmeṭṭut n tmurt deg ṣṣenɛat n tenḍi deg wammasen n ussileɣ amsadur akken ad sɛunt igerdasen, ad kecment ɣer ssuq n uxeddim yerna ad ḥerzent, s waya, ifarisen n tenḍi tamensayt ay yellan deg Wehṛan, ɣef leḥsab n tnegga n « Astra » ay yessuddsen tamesrit-a.

Tamesrit « SIAHAN 2015 » tejja daɣ asalay aɣelnaw n « Ahmed Zabana » n Wehṛan, taxxamt n tenḍi d ṣṣenɛat akked tiddukliwin ay terza temsalt n lmunimat ed yideggen isenziken ad d-qeddmen tigemmi tangawit d trangawit n Wehṛan i lmend n wesnerni n tmerrit tadelsant ed tukci n wazal i yifarisen n tenḍi tamensayt ay yellan d aḥric seg temguri n tmerrit, ɣef wakken ay d-yenna yiwen n yemḍebber n Texxamt n tenḍi.

Tadyant-a n uxebber aydeg ttekkan 200 n yinemzikknen seg Ldzayer, Tunes, Meṛṛuk, Luṛdun, Spenyul, Puṛtugal, Ṭṭerk ed Malṭa, tella-d d tagnit i wesbani n yiɣawasen n wesnulfu n tmiwa n tmerrit deg kra n twilayin, isenfaren n ussefti azayez ed wuslig deg yisensa ed wucci, issumar n ussileɣ deg ṣṣenɛat n tmerrit ed ssrabes n tkebbaniyin n ussefrek n tmerrit.

Tamesrit n « SIAHA 2015 » tebda-tt-id Tnarit taɣelnawt n tmerrit (ONAT) ed tkebbanit n waffug « Air Algérie ». azul si Lezzayer