ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⴰⵎⵙⴰ

ⵙⵙⴻⴱⵜ, 04 ⵢⴻⴱⵔⵉⵔ 2015 19:30

ⵡⴻⵀⵕⴰⵏ: ⵓⴳⴰⵔ ⵏ 5.000 ⵏ ⵢⵉⵏⴻⵔⵣⴰⴼⴻⵏ ⵖⴻⵔ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ « ⵙⵉⴰⵀⴰ 2015 »

ⵡⴻⵀⵕⴰⵏ – ⵜⴰⵥⵔⵉⴳⵜ ⵜⵉⵙ ⵙⴻⵜⵜⴰ ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ , ⵏ ⵓⵚⴰⴼⴻⵔ ⴷ ⵓⵎⴻⵙⵏⵉ « ⵙⵉⴰⵀⴰ 2015 », ⴰⵢ ⵉⴼⵓⴽⴻⵏ ⵉⴹⴻⵍⵍⵉ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵡⴻⵀⵕⴰⵏ, ⵢⴻⵊⴱⴻⴷ-ⴷ ⵓⴳⴰⵔ ⵏ 5000 ⵏ ⵢⵉⵏⴻⵔⵣⴰⴼⴻⵏ, ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙⴻⵏ ⴷ ⵉⵎⵙⴰⴷⵓⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵙⵓⴷⴷⵙⴻⵏ ⵏ ⵜⵎⴻⵙⵔⵉⵜ-ⴰ.

ⴷⴻⴳ ⵜⴻⴷⵢⴰⵏⵜ-ⴰ ⵏ ⵕⴻⴱⵄⴰ ⵏ ⵡⵓⵙⵙⴰⵏ, ⵢⴻⵍⵍⴰ-ⴷ ⵡⴻⵙⵜⴻⵏⵢⵉ ⵏ ⵢⵉⵡⴻⵏ ⵏ ⵡⴻⵎⵜⴰⵡⴰ ⴳⴰⵔ ⵜⵎⴻⵀⵍⵉⵡⵉⵏ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵙⵙⴻⵎⵔⴻⵙ, ⴰⵙⵙⵉⵍⴻⵖ ⴷ ⵡⴻⵍⵎⵓⴷ ⴰⵎⵙⴰⴷⵓⵔ, ⵏ ⵜⴻⵅⵅⴰⵎⵜ ⵏ ⵜⵉⵏⴹⵉ ⴻⴷ ⵚⵚⴻⵏⵄⴰⵜ ⴷ ⵜⵉⴷⴷⵓⴽⵍⴰ ⵏ ⵡⴻⵙⵎⴰⵍ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ « ⴰⴼⵓⵙ ⴷⴻⴳ ⵓⴼⵓⵙ » ⵏ ⵡⴻⵀⵕⴰⵏ.

ⵉⵙⵡⵉ ⵏ ⵡⴻⵎⵜⴰⵡⴰ-ⴰ ⵏⴻⵜⵜⴰ ⴷ ⴰⵙⵙⵉⵍⴻⵖ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ ⴷⴻⴳ ⵚⵚⴻⵏⵄⴰⵜ ⵏ ⵜⴻⵏⴹⵉ ⴷⴻⴳ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⴰⵎⵙⴰⴷⵓⵔ ⴰⴽⴽⴻⵏ ⴰⴷ ⵙⵄⵓⵏⵜ ⵉⴳⴻⵔⴷⴰⵙⴻⵏ, ⴰⴷ ⴽⴻⵛⵎⴻⵏⵜ ⵖⴻⵔ ⵙⵙⵓⵇ ⵏ ⵓⵅⴻⴷⴷⵉⵎ ⵢⴻⵔⵏⴰ ⴰⴷ ⵃⴻⵔⵣⴻⵏⵜ, ⵙ ⵡⴰⵢⴰ, ⵉⴼⴰⵔⵉⵙⴻⵏ ⵏ ⵜⴻⵏⴹⵉ ⵜⴰⵎⴻⵏⵙⴰⵢⵜ ⴰⵢ ⵢⴻⵍⵍⴰⵏ ⴷⴻⴳ ⵡⴻⵀⵕⴰⵏ, ⵖⴻⴼ ⵍⴻⵃⵙⴰⴱ ⵏ ⵜⵏⴻⴳⴳⴰ ⵏ « ⴰⵙⵜⵔⴰ » ⴰⵢ ⵢⴻⵙⵙⵓⴷⴷⵙⴻⵏ ⵜⴰⵎⴻⵙⵔⵉⵜ-ⴰ.

ⵜⴰⵎⴻⵙⵔⵉⵜ « ⵙⵉⴰⵀⴰⵏ 2015 » ⵜⴻⵊⵊⴰ ⴷⴰⵖ ⴰⵙⴰⵍⴰⵢ ⴰⵖⴻⵍⵏⴰⵡ ⵏ « ⴰⵀⵎⴻⴷ ⵣⴰⴱⴰⵏⴰ » ⵏ ⵡⴻⵀⵕⴰⵏ, ⵜⴰⵅⵅⴰⵎⵜ ⵏ ⵜⴻⵏⴹⵉ ⴷ ⵚⵚⴻⵏⵄⴰⵜ ⴰⴽⴽⴻⴷ ⵜⵉⴷⴷⵓⴽⵍⵉⵡⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵍⵎⵓⵏⵉⵎⴰⵜ ⴻⴷ ⵢⵉⴷⴻⴳⴳⴻⵏ ⵉⵙⴻⵏⵣⵉⴽⴻⵏ ⴰⴷ ⴷ-ⵇⴻⴷⴷⵎⴻⵏ ⵜⵉⴳⴻⵎⵎⵉ ⵜⴰⵏⴳⴰⵡⵉⵜ ⴷ ⵜⵔⴰⵏⴳⴰⵡⵉⵜ ⵏ ⵡⴻⵀⵕⴰⵏ ⵉ ⵍⵎⴻⵏⴷ ⵏ ⵡⴻⵙⵏⴻⵔⵏⵉ ⵏ ⵜⵎⴻⵔⵔⵉⵜ ⵜⴰⴷⴻⵍⵙⴰⵏⵜ ⴻⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵢⵉⴼⴰⵔⵉⵙⴻⵏ ⵏ ⵜⴻⵏⴹⵉ ⵜⴰⵎⴻⵏⵙⴰⵢⵜ ⴰⵢ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵜⴻⵎⴳⵓⵔⵉ ⵏ ⵜⵎⴻⵔⵔⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⴻⵎⴹⴻⴱⴱⴻⵔ ⵏ ⵜⴻⵅⵅⴰⵎⵜ ⵏ ⵜⴻⵏⴹⵉ.

ⵜⴰⴷⵢⴰⵏⵜ-ⴰ ⵏ ⵓⵅⴻⴱⴱⴻⵔ ⴰⵢⴷⴻⴳ ⵜⵜⴻⴽⴽⴰⵏ 200 ⵏ ⵢⵉⵏⴻⵎⵣⵉⴽⴽⵏⴻⵏ ⵙⴻⴳ ⵍⴷⵣⴰⵢⴻⵔ, ⵜⵓⵏⴻⵙ, ⵎⴻⵕⵕⵓⴽ, ⵍⵓⵕⴷⵓⵏ, ⵙⵒⴻⵏⵢⵓⵍ, ⵒⵓⵕⵜⵓⴳⴰⵍ, ⵟⵟⴻⵔⴽ ⴻⴷ ⵎⴰⵍⵟⴰ, ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴻⵙⴱⴰⵏⵉ ⵏ ⵢⵉⵖⴰⵡⴰⵙⴻⵏ ⵏ ⵡⴻⵙⵏⵓⵍⴼⵓ ⵏ ⵜⵎⵉⵡⴰ ⵏ ⵜⵎⴻⵔⵔⵉⵜ ⴷⴻⴳ ⴽⵔⴰ ⵏ ⵜⵡⵉⵍⴰⵢⵉⵏ, ⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ ⴰⵣⴰⵢⴻⵣ ⴻⴷ ⵡⵓⵙⵍⵉⴳ ⴷⴻⴳ ⵢⵉⵙⴻⵏⵙⴰ ⴻⴷ ⵡⵓⵛⵛⵉ, ⵉⵙⵙⵓⵎⴰⵔ ⵏ ⵓⵙⵙⵉⵍⴻⵖ ⴷⴻⴳ ⵚⵚⴻⵏⵄⴰⵜ ⵏ ⵜⵎⴻⵔⵔⵉⵜ ⴻⴷ ⵙⵙⵔⴰⴱⴻⵙ ⵏ ⵜⴽⴻⴱⴱⴰⵏⵉⵢⵉⵏ ⵏ ⵓⵙⵙⴻⴼⵔⴻⴽ ⵏ ⵜⵎⴻⵔⵔⵉⵜ.

ⵜⴰⵎⴻⵙⵔⵉⵜ ⵏ « ⵙⵉⴰⵀⴰ 2015 » ⵜⴻⴱⴷⴰ-ⵜⵜ-ⵉⴷ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵔⵔⵉⵜ (ⵧⵏⴰⵜ) ⴻⴷ ⵜⴽⴻⴱⴱⴰⵏⵉⵜ ⵏ ⵡⴰⴼⴼⵓⴳ « ⴰⵉⵔ ⴰⵍⴳéⵔⵉⴻ ». ⴰⵣⵓⵍ ⵙⵉ ⵍⴻⵣⵣⴰⵢⴻⵔ