Asebter amenzawi

ADDAL

Lḥedd, 05 Yebrir 2015 09:22

Aseqqamu ulimpi azzayri: Massa Bounemri (takurt n ufus) ed Oukazi (takurt tamafagt) deg wegraw amatu

LEZZAYER – Massa Saliha Bounemri (takurt n ufus) d Fatma Zahra Oukazi (takurt tamafagt) d nitenti ay snat n tmaslaḍin timaynutin wegraw amatu n Useqqamu ulimpi ed unaddal adzayri (COA), ɣef wakken ay d-yenna ass n ssebt uselway n tsudut-a tulimpit, Mustapha Berraf, deg wegraw amatu amagnu (ordinaire) ay d-yellan deg wexxam n Mobilis n Bab Zzewwaṛ (Lezzayer Tamaneɣt)

« S ussefɛel n yilugan d yiẓuyar n Useqqamu ulimpi ed unaddal adzayri (COA), Massa Bounemri ed Fatma Zahra Oukazi qqlent d timaslaḍin tummidin deg wegraw amatu », ay d-yenna Berraf deg tezwara n yixeddimen n wegraw amatu amagnu.

S tmerniwt n snat-a n tugniwin n waddal adzayri, agraw n Useqqamu ulimpi yeqqel yesɛa 81 n yimaslaḍen.

« Seg zik ay ttekkayeɣ deg tedyanin ay yetteg Useqqamu ulimpi adzayri da neɣ dihin, s yisem-inu d timttekkit. Ass-a, tessumer-iyi-d tsudut-a akken ad ttekkiɣ deg yixeddimen-nnes deg wayen yerzan anrar-inu. Feṛḥeɣ imi ay d-nudan ɣef tzemmar-inu, » ay d-tenna Massa Bounemri ay yellan d tasleɣmayt taqburt n teɣlamt taɣelnawt n tlawin n tkurt n ufus.

Massa Bounemri, ay yessaramen ad tettekki deg uxeddim ulimpi d waddal azzayri s umata, txeddem daɣ d taselmadt deg ISTS n Dely Brahim (Ldzayer), am wakken ay tessaram ad tettekki deg tseqqamut n teẓwar tilmeẓiyin (jeunes talents) n Useqqamu ulimpi adzayri. « S tidet, bɣiɣ ad ttekkiɣ deg ussileɣ [formation], aḍfar ed webdad yilemẓiyen uẓwiren deg tmezzugt-inu [spécialité] n tkurt n ufus, ladɣa ».

Ma d Fatma Zahra Oukazi, ur yeḥdiṛen ara deg wegraw-nni amatu amagnu, d tamarirt tagraɣlant n tkurt tamafagt, yerna la tetturar deg teɣlamt n Groupement Sportif Pétroliers (GSP). Teqqel d talɣuɣt n Tefriqt deg teɣlamt taɣelnawt tadzayrit deg 2009.