Asebter amenzawi

AMAḌAL

Lḥedd, 05 Yebrir 2015, 09:42

318 n yiḥerraqen ay d-ssukksen deg lebḥeṛ n Libya

ROMA – 318 n yiminigen irusḍifen (mebla ttesriḥ) , gar-asen telṭac n tlawin, ay d-yessukkes, ass n ssebt, yiwen n uɣerrabu aserdasi islandi deg wazzi n Siqilya, akkin i wakal n Libya, ɣef wakken ay d-nnan ttawilat n yisalan iṭelyaniyen.

Aɣerrabu-a, Landhelgisgaeslan, yuweḍ tameddit ɣer usagen (port) n Pozzallo. Gar yiminigen-a ay d-yusan seg telṭac n tmura, xemsa d tilawin yellan s tadist, yerna uwyen-tent ɣer wesbiṭar, am wakken ay llan daɣ 14 n yigerdan.

Tamsulta (police) taṭelyanit telha-d ed ussefqed n tmagiyin (identités) n tmanya seg yemsezriyen-nni (passeurs) ay izemren ad ilin d itunsiyen.