Asebter amenzawi

TADAMSA

Lḥedd, 05 Yebrir 2015 19:43

Asnulfu n tkebbaniyin timeẓyanin: Azal n 75% seg yireḍḍalen ay rran

LEZZAYER – Aneɣlaf n Uxeddim, Assemres ed Tɣellist tanmettit, Mohamed El Ghazi, yenna-d ass n lḥedd deg Lezzayer d akken azal 75% seg yedrimen ay reḍlent tbankiwin i yilemẓiyen i wesnulfu n tkebbaniyin timeẓyanin rran-ten yilemẓiyen-a i tbankiwin.

Deg yiwen n usarag n tɣemsa ay iga ɣer yidis n uneɣlaf n Ussileɣ d welmud amsadur, Nouredine Bedoui, i lmend n tmesrit taɣelnawt n ussemres, aneɣlaf n uxeddim yenna-d dakken « 25% seg yireṭṭalen ay d-yeqqimen werɛad ur t-rrin ara yimawlan-nnes ɣef ljal n wuguren ay d-ttemlilint tkebbaniyin timeẓyanin », am wakken ay d-yerna dakken « tineggura-a la d-sfaydayent seg ttawilat n weḍfar akken ad tent-ɛawnen ad frunt uguren-nsent. »

95% seg tkebbaniyin timeẓyanin ay d-yennulfan s ttawilat n uɛawen n ussemres (axeddim) rebḥent ɣef ljal n lmejhud ay d-yellan i lmend n uɛawen-a akked ussifses n tɣawsiwin i yilemẓiyen ddaw tsertit n ussemres, deg wakud aydeg 5% seg tkebbaniyin-a « xeṣren », ɣef wakken ay d-yenna.

Mass El Ghazi yesmekti-d dakken « 90.000 n tkebbaniyin timeẓyanin ara d-yennulfun deg tallit n 2015-2019, gar-asent 60.000 deg uqaleb n Tnegga taɣelnawt n uɛawen n ussemres n yilemẓiyen [ANSEJ] ed 30.000 deg uqaleb n Usenduq aɣelnaw n Usenkid n trebbawt [CNAC] ».

Aneɣlaf-a ixebber-d dakken tikebbaniyin-a timeẓyanin ad d-ḥazent aṭas n ṣṣenɛat d tmezzugin ay ḥwajen ssuq aɣelnaw n uxeddim d tdamsa.

Seg tama niḍen, aneɣlaf iḥettet-d ɣef wazal ay yesɛa ussileɣ akken ad ilin dima yixeddamen iwatan i ccɣel, am wakken ay d-yebder attekki n yeḥricen n uxeddim ed ussileɣ deg ussejhed n ussemres. Aneɣlaf n weḥric n uxeddim yesmekti-d dakken llan yemtawayen-ikataten i lmend n wesmal n ussemres, ttwastenyan ed waṭas n yeḥricen ay terza temsalt, gar-asen aɣlif n welmud aɛlayan ed unadi ussnan, aɣlif n tesreqqest d teknussniwin n usselɣu ed teɣwalt, aɣlif n yedles ed win n tfellaḥt.