Asebter amenzawi

Lḥedd, 05 Yebrir 2015 15:51

Mass Nouri: Ur yemmut ula d yiwen n yiɣef n lmal seg wasmi ay d-tebda tawla tatulant

LEZZAYER – Aneɣlaf n tfellaḥt, Abdelwahab Nouri yenna-d, ass n lḥedd deg Lezzayer, dakken ur yemmut ula d yiwen n yiɣef n lmal seg wasmi ay d-tban tawla tatulant deg kra n twilayin n tmurt.

Ur tettwabder ula d yiwet n tmettant n yiɣfawen n lmal seg wasmi ay d-tban tawla tatulant deg kra n twilayin am Ssɛida, Lbeyyeḍ ed Sidi Belɛebbas, ɣef wakken ay d-yenna Mass Nouri i tɣemsa i lmend n welday n teẓrigt tis 5 n Tmesrit taɣelnawt n ussemres.

Yenna-d, deg temsalt-a, dakken aneɣlaf n tfellaḥt yeddem iḥezziben i lmend n weḥbas n tawla-a, am wakken ay d-yenna dakken tagnit-a d « tamagnut » imi aṭṭan-a yezreɛ deg waṭas n yimukan deg Lezzayer deg unebdu yezrin.

Mass Nouri yenna-d dakken tamhelt n websaḍ n yiɣersiwen akken ur ttaḍnen ara aṭṭan-a mazal la tettkemmil akken ad yettwakkes waṭṭan-a seg lqaɛa.