ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵃⴻⴷⴷ, 05 ⵢⴻⴱⵔⵉⵔ 2015 15:51
ⵎⴰⵙⵙ ⵏⵧⵓⵔⵉ: ⵓⵔ ⵢⴻⵎⵎⵓⵜ ⵓⵍⴰ ⴷ ⵢⵉⵡⴻⵏ ⵏ ⵢⵉⵖⴻⴼ ⵏ ⵍⵎⴰⵍ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴱⴷⴰ ⵜⴰⵡⵍⴰ ⵜⴰⵜⵓⵍⴰⵏⵜ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⴰⴱⴷⴻⵍⵡⴰⵀⴰⴱ ⵏⵧⵓⵔⵉ ⵢⴻⵏⵏⴰ-ⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⵓⵔ ⵢⴻⵎⵎⵓⵜ ⵓⵍⴰ ⴷ ⵢⵉⵡⴻⵏ ⵏ ⵢⵉⵖⴻⴼ ⵏ ⵍⵎⴰⵍ ⵙⴻⴳ ⵡⴰⵙⵎⵉ ⴰⵢ ⴷ-ⵜⴱⴰⵏ ⵜⴰⵡⵍⴰ ⵜⴰⵜⵓⵍⴰⵏⵜ ⴷⴻⴳ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⵓⵔ ⵜⴻⵜⵜⵡⴰⴱⴷⴻⵔ ⵓⵍⴰ ⴷ ⵢⵉⵡⴻⵜ ⵏ ⵜⵎⴻⵜⵜⴰⵏⵜ ⵏ ⵢⵉⵖⴼⴰⵡⴻⵏ ⵏ ⵍⵎⴰⵍ ⵙⴻⴳ ⵡⴰⵙⵎⵉ ⴰⵢ ⴷ-ⵜⴱⴰⵏ ⵜⴰⵡⵍⴰ ⵜⴰⵜⵓⵍⴰⵏⵜ ⴷⴻⴳ ⴽⵔⴰ ⵏ ⵜⵡⵉⵍⴰⵢⵉⵏ ⴰⵎ ⵙⵙⵄⵉⴷⴰ, ⵍⴱⴻⵢⵢⴻⴹ ⴻⴷ ⵙⵉⴷⵉ ⴱⴻⵍⵄⴻⴱⴱⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⵔⵉ ⵉ ⵜⵖⴻⵎⵙⴰ ⵉ ⵍⵎⴻⵏⴷ ⵏ ⵡⴻⵍⴷⴰⵢ ⵏ ⵜⴻⵥⵔⵉⴳⵜ ⵜⵉⵙ 5 ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ.
ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵉ ⵍⵎⴻⵏⴷ ⵏ ⵡⴻⵃⴱⴰⵙ ⵏ ⵜⴰⵡⵍⴰ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⴰⴳⵏⵉⵜ-ⴰ ⴷ « ⵜⴰⵎⴰⴳⵏⵓⵜ » ⵉⵎⵉ ⴰⵟⵟⴰⵏ-ⴰ ⵢⴻⵣⵔⴻⵄ ⴷⴻⴳ ⵡⴰⵟⴰⵙ ⵏ ⵢⵉⵎⵓⴽⴰⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵏⴻⴱⴷⵓ ⵢⴻⵣⵔⵉⵏ.
ⵎⴰⵙⵙ ⵏⵧⵓⵔⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⵀⴻⵍⵜ ⵏ ⵡⴻⴱⵙⴰⴹ ⵏ ⵢⵉⵖⴻⵔⵙⵉⵡⴻⵏ ⴰⴽⴽⴻⵏ ⵓⵔ ⵜⵜⴰⴹⵏⴻⵏ ⴰⵔⴰ ⴰⵟⵟⴰⵏ-ⴰ ⵎⴰⵣⴰⵍ ⵍⴰ ⵜⴻⵜⵜⴽⴻⵎⵎⵉⵍ ⴰⴽⴽⴻⵏ ⴰⴷ ⵢⴻⵜⵜⵡⴰⴽⴽⴻⵙ ⵡⴰⵟⵟⴰⵏ-ⴰ ⵙⴻⴳ ⵍⵇⴰⵄⴰ.
