Asebter amenzawi

AMAḌAL

Lḥedd, 05 Yebrir 2015 20:11

Isṛayil tɛuqeb Falesṭin s tin n ttaṛ ɣef unekcum n tneggarut-a ɣer Ccṛeɛ agraɣlan (imḍebber afalesṭini) Aselway n Useqqamu aɣelnaw afalesṭini, Salim Zaanoun

LEZZAYER – Aselway n Useqqamu aɣelnaw afalesṭini, Salim Zaanoun, iwekked-d ass n lḥedd deg Lezzayer dakken « Isṛayil la tettɛaqab awanak afalesṭini s tin n ttaṛ ɣef unekcum n uneggaru-a ɣer Ccṛeɛ n uɛaqeb agraɣlan ».

« Seg wasmi ay yekcem Uwanak afalesṭini ɣer Ccṛeɛ n uɛaqeb agraɣlan deg umenzu n Yebrir, Isṛayil yelha-d d uɛaqeb-nnes s weḥbas n wesɛeddi n yedrimen n leɣrama ay d-yettwajemɛen i lfayda n udabu afalesṭini », ay d-yenna Mass Zaanoun mi d-yuweḍ ɣer unafag n Houari Boumediene.

« Isṛayil tuwey-d tikli-a ɣer-s tlata n wayyuren aya, lmeɛna-nnes seg wasmi ay yettwastenya Uẓayer n Roma, yerna aya yegla-d s wuguren n tedrimt i Falesṭin », ay d-yerna.

Imḍebber-a afalesṭini yenna-d dakken tizri-nnes ɣer Ldzayer « tesɛa azal », d tirzi ay d-yellan s uneɛruḍ n uselway n Useqqamu n Weɣlan, Abdelkader Bensalah, imi tirzi-a ad tejj Lezzayer ed Falesṭin » ad d-sbanent « timuɣliwin tucrikin » deg wayen yerzan timsal aydeg ay tent-tecrek lfayda.

Aselway n Useqqamu aɣelnaw afalesṭini, Salim Zaanoun, yebda-d ass n lḥedd tirzi n xemsa wussan deg Ldzayer, d tirzi aydeg ara yemlil ed yemḍebbren n tsuda (institutions) tiɣelnawin ɣef tedyanin tineggura ay d-yellan deg yimenɣi afalesṭini ed ttawilat ay yessefken i ussebded n uwanak afalesṭini imzireg.

Imḍebber-a afalesṭini ad yeg daɣ asarag s usentel n « Imenɣi afalesṭini sdat yecqirrwen. »