ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⴻⵜⵜⵉ

ⵍⵃⴻⴷⴷ, 05 ⵢⴻⴱⵔⵉⵔ 2015 18:29

ⵄⴻⵔⵇⴻⵏ ⵙⵉⵏ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵓⴳⴻⵍⵎⵉⵎ ⵏ ⵓⴱⴻⵢⵔⴰ, ⵙⴷⴰⵍ ⵍⵇⴰⵍⴰ

ⵟⵟⴰⵔⴻⴼ – ⵙⵉⵏ ⵏ ⵢⵉⵏⵓⴱⵉⵢⴻⵏ ⴰⵢ ⵉⵄⴻⵔⵇⴻⵏ ⵙⴻⴳ ⵡⴰⵙⵙ ⵏ ⵍⵊⴻⵎⵄⴰ ⴷⴻⴳ ⵓⴳⴻⵍⵎⵉⵎ ⵏ ⵓⴱⴻⵢⵔⴰ (ⵍⵇⴰⵍⴰ), ⴷⴻⴳ ⵡⴰⴽⵓⴷ ⴰⵢⴷⴻⴳ ⵡⵉⵙ ⵜⵍⴰⵜⴰ ⵢⴻⵙⵍⴻⴽ ⵙⴻⴳ ⵜⵎⴻⵜⵜⴰⵏⵜ ⵎⵉ ⵇⵔⵉⴱ ⴰⵢ ⵢⴻⵖⵔⵉⵇ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵙⵙⵔⴰⴱⴻⵙ ⵏ ⵓⵃⵓⴷⴷⵓ ⴰⵖⴰⵔⵉⵎ ⵏ ⵟⵟⴰⵔⴻⴼ.

ⵉⵏⵓⴱⵉⵢⴻⵏ-ⴰ ⵢⴻⵙⵄⴰⵏ ⴳⴰⵔ 14 ⴻⴷ 16 ⵏ ⵢⵉⵙⴻⴳⴳⴰⵙⴻⵏ, ⴷⴷⵓⴽⴽⵍⴻⵏ ⴷⴻⴳ ⵜⵍⴰⵜⴰ ⵢⵉⴷ-ⵙⴻⵏ ⴰⴽⴽⴻⵏ ⴰⴷ ⴷ-ⵚⴻⵢⵢⴷⴻⵏ ⵉⵙⴻⵍⵎⴰⵏ ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ, ⴷⵖⴰ ⵢⴻⴽⴽⴻⵔ-ⴰⵙⴻⵏ ⵡⴰⴹⵓ ⵉⵊⴻⵀⴷⴻⵏ, ⴷ ⴰⵢⴻⵏ ⴰⵢ ⵢⴻⵜⵜⵉⵏ ⵜⴰⴼⵍⵓⴽⵜ ⵏ ⵓⵔⴻⵇⵇⴻⵄ ⴰⵢⴷⴻⴳ ⵔⴻⴽⴱⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵔⵏⴰⵏ ⵙⵙⵔⴰⴱⴻⵙ-ⴰ.

ⵙⵉⵏ ⵙⴻⴳ ⵢⵉⵏⵓⴱⵉⵢⴻⵏ-ⴰ ⵖⵍⵉⵏ ⵖⴻⵔ ⵡⴰⵎⴰⵏ, ⵎⴰ ⴷ ⵡⵉⵙ ⵜⵍⴰⵜⴰ-ⵏⵏⵉ ⵢⴻⵙⵍⴻⴽ ⵉⵎⵉ ⴰⵢ ⵢⴻⵙⵙⴻⵏ ⴰⴷ ⵉⵄⵓⵎ, ⵢⴻⵔⵏⴰ ⵉⵎⵉⵔ-ⵏⵏⵉ ⴽⴰⵏ ⴰⵢ ⵉⵄⴻⵢⵢⴻⵏ ⵖⴻⴼ ⵜⴻⴷⵢⴰⵏⵜ-ⴰ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ ⵢⴻⵔⵏⴰ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵓⵏⴰⴷⵉ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⴻⴽⴽⵉⵡⵉⵏ ⵏ ⵜⴻⵖⵜⴰⵙ-ⴰ .

ⴰⵣⴰⵍ ⵏ ⵄⴻⵛⵕⴰ ⵏ ⵢⵉⵏⴻⴹⴹⴰⴱⴻⵏ ⴷ ⵕⴻⴱⵄⴰ ⵏ ⵜⴻⴼⵍⵉⴽⵉⵏ ⵢⴻⵜⵜⵛⵓⴼⴼⵓⵏ ⵏ ⵚⵚⴻⵏⴼ ⵏ ⵣⵧⴷⵉⴰⵛ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵏⴰⴷⵉ-ⴰ ⵏ ⵜⴼⴻⴽⴽⵉⵡⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⵓⵃⵓⴷⴷⵓ ⴰⵖⴰⵔⵉⵎ.