Asebter amenzawi

LEZZAYER Adiwenni n Mali : Yesnemmer CMA Lezzayer ɣef ‘’uɛiwen-is imezdi’’

LEZZAYER – Amussu n Uzawad yenna-d, deg yiwen n welɣu i d-yewḍen ass n letniyen ɣer APS, yesnemmer deg-s aselway Abdelaziz Bouteflika d unabaḍ n Lezzayer ɣef ‘’uɛiwen-nsen’’ d ’’tinnubga-nsen yettwasnen’’.

Amussu CMA, yekfan tirza-s ɣer tmurt n Lezzayer, yusa-d akken ad yemlil adabu azzayri akken ad mmeslayen ɣef telwit i bɣan ad tili, ‘’yesnemmer aṭas aselway n tegduda n Lezzayer tamagdayt taɣerfant, Mass Abdelaziz Bouteflika, gmat-neɣ aɣref d unabaḍ azzayri, ɣef tilin-nsen s idis-nneɣ d tinnubga-nsen’’, i d-yenna welɣu.

Deg tirza-nsen mi llan da, tamagla n CMA terna temlal imceyyeɛ n amuzzgan n umaray amatu n yiwunak yedduklen, aɣella n Minusma, Mongi Hamdi. Deg temlilit i d-yeḍran yella-d umciwer d’’amerkanti’’ akken ad ddun lecɣal s lɛejlan ‘’deg nnfeɛ n uzawad s timmad-is d tmurt n Mali s umata d trusi n telwit deg temnaḍt’’, i dyenna welɣu n CMA.

‘’Rnan-d deg tmuɣli-nni, yessumer-d CMA kra tektiwin akken ad afen tifrat i kra n wuguren d-mlalen imira’’, i d-tenna teɣbalut-nni. Yesnemmer daɣen CMA Mass Mongi Hamdi ɣer tikkin-is ‘’akken ad yefru ṭṭrad d uɛiwen n Minusma akken ad ters telwit.