ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵔⵉⵜ ⵏ ⵡⴰⵣⴰⵍ ⵉ ⵓⵅⴻⴷⴷⵉⵎ ⵏ ⵢⵉⵎⴰⵙⵡⴰⴹⴻⵏ ⵏ ⵓⵙⴻⴳⵎⵉ
ⵄⴻⵏⵏⴰⴱⴰ – ⵜⴰⵏⴻⵖⵍⴰⴼⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⵜⵃⴻⵜⵜⴻⵜ ⴰⵙⵙ ⵏ ⵍⵍⴻⵜⵏⵉⵢⴻⵏ ⴷⴻⴳ ⵄⴻⵏⵏⴰⴱⴰ ⵖⴻⴼ ⵍⵡⴰⴵⴻⴱ ⵏ ⵜⵔⵉⵔⵉⵜ ⵏ ⵡⴰⵣⴰⵍ ⵉ ⵓⵅⴻⴷⴷⵉⵎ ⵏ ⵢⵉⵎⴰⵙⵡⴰⴹⴻⵏ ⵏ ⵓⵙⴻⴳⵎⵉ ⴰⵖⵍⵏⴰⵡ.
ⴰⵢⴻⵏ ⵉ ⴷ-ⴰⵖ-ⵉⵛⴻⵖⴱⴻⵏ ⴷⴰⵖⴻⵏ, ⵉ ⵜⴻⵔⵏⴰ ⵜⴻⵏⵏⴰ-ⴷ ⴷⴻⴳ ⵜⴻⵎⵍⵉⵍⵉⵜ ⵏ ⵓⵅⴻⴷⴷⵉⵎ ⵢⴻⵙⴳⴻⵔⵡⴻⵏ ⵉⴽⴰⵜⴰⵔⴻⵏ ⵏ ⵓⵖⵍⵉⴼ-ⵉⵙ, ⴷ ‘’ⴰⵚⴻⴳⴳⴻⵎ’’ ⴽⵔⴰⵏ ⵜⵖⴰⵡⵙⵉⵡⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⴻⵏⴳⵎⵉⵜ (…) ⴰⴽⴽⴻⵏ ⴰⴷ ⵃⴰⵔⴻⴱ ⵖⴻⴼ ⵏⵏⴼⴻⵄ ⵏ ⵓⴱⴰⵍⵎⵓⴷ, ⴰⴽⴽⴻⵏ ⴰⴷ ⵏⴻⴼⵔⵓ ⴽⵔⴰ ⵏ ⵡⵓⴳⵓⵔⴻⵏ ⵉⴷⴻⴳ ⵢⴻⵍⵍⴰ ⵜⵓⵔⴰ ⵓⵖⴻⵔⴱⴰⵣ ⴰⵣⵣⴰⵢⵔⵉ ⴰⴽⴽⴻⴷ ⵓⵙⴻⵜⵔⴻⵔ-ⵉⵙ ⴰⴽⴽⴻⵏ ⴰⴷ ⵢⴰⵡⴻⴹ ⵙ ⴰⵙⵡⵉⵔ ⴰⴳⵔⴰⵖⵍⴰⵏ. ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵔⵏⴰ ⵜⴻⵏⵏⴰ-ⴷ, ⴷⴻⴳ ⵜⴻⵎⵍⵉⵍⵉⵜ ⵉ ⴷ-ⵢⴻⴹⵔⴰⵏ ⴷⴻⴳ ⵜⵣⴻⵇⵇⴰ ⵏ ⵜⵡⵉⵍⴰⵢⵜ, ⵜⴰⵎⵍⵉⵍⵜ ⵏ ⵢⵉⵎⴰⵙⵡⴰⴹⴻⵏ ⴷⴻⴳ ⵓⵙⴻⴷⴷⵓ, ⴰⵄⵉⵡⴻⵏ ⴰⴽⴽⴻⴷ ⵓⵡⵣⴰⵏ ⵏ ⵜⵎⵓⵙⵏⵉⵡⵉⵏ ⵏ ⵢⵉⵙⴻⵍⵎⴰⴷⴻⵏ ⴰⴽⴽⴻⴷ ⵡⵉⵏ ⵏ ⵢⵉⵖⴻⵍⵍⴰ ⵏ ⵢⵉⵖⴻⵔⴱⴰⵣⴻⵏ.
ⵜⴰⵏⴻⵖⵍⴰⴼⵜ, ⵜⴻⵙⵙⴻⵃⵔⴻⵙ ⵖⴻⴼ ⵜⵔⵓⵙⵉ ⵏ ⵜⴻⵍⵡⵉⵜ ⴷⴻⴳ ⵓⵃⵔⵉⵛ-ⴰ ⵏ ⵓⵙⴻⴳⵎⵉ, ⵜⴻⵙⵎⴻⴽⵜⵉ-ⴷ ⴱⴻⵍⵍⵉ ⵍⵉⵃⴰⵍⴰ ⵢⴻⵔⵡⵉⵏ ⵢⴻⴷⴷⴻⵔ ⵓⵃⵔⵉⵛ-ⴰ ⵉⵛⵓⴷ ⵙ ⴰⵙⴻⴼⵔⴻⴽ ⵉ ⵢⴻⵙ-ⵙ ⵙⴼⴻⵔⴽⴻⵏ ⵓⴳⵓⵔⴻⵏ ⵢⴻⵍⵍⴰⵏ ⴰⴽⴽⴻⴷ ⵢⵉⵙⵓⵜⵔⴻⵏ ⵉ ⴷ-ⵙⵙⵓⵜⵔⴻⵏ ⵢⵉⵙⴻⵍⵎⴰⴷⴻⵏ. ⵜⴻⵙⵃⴰⵙⵙⴻⴼ ⴰⵟⴰⵙ ⵙⴻⴳ ⵡⴰⵢⴻⵏ ⴰⴽⴽ ⵉ ⴷ-ⵙⵙⵓⵜⵔⴻⵏ ⵉⵙⴻⵍⵎⴰⴷⴻⵏ ⴰⵛⴽⵓ ⵓⵍⴰⵛ ⵓⵍⴰ ⴷ ⵢⵉⵡⴻⵏ ⵓⵙⵓⵜⴻⵔ ⵢⴻⵔⵣⴰⵏ ⵙⵔⵉⴷ ⴰⴱⴰⵍⵎⵓ, ⵉⵎⴰⵍ-ⵉⵙ ⴰⴽⴽⴻⴷ ⵡⵉⵏ ⵏ ⵓⵖⴻⵔⴱⴰⵣ ⴰⵣⵣⴰⵢⵔⵉ.
ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵔⵏⴰ ⵜⴻⵏⵏⴰ-ⴷ, ⵖⴻⴼ ⵡⴰⵢⴻⵏ ⵢⴻⵔⵣⴰⵏ ‘’ⴰⴷⵉⵡⴻⵏⵏⵉ ⴰⴽⴽⴻⴷ ⴱⴻⵇⵇⵓ-ⵏⵏⵉ ⵣⴻⴷⴷⵉⴳⴻⵏ’’ ⴰⵍⴰ ⵏⵉⵜⵏⵉ ⵉ ⴷ ⴰⴱⵔⵉⴷ ⵏ ⴼⴻⵔⵔⵓ ⵏ ⵡⵓⴳⵓⵔⴻⵏ ⵏ ⵓⵃⵔⵉⵛ ⵏ ⵓⵙⴻⴳⵎⵉ ⴰⵖⴻⵍⵏⴰⵡ.
ⵜⴻⵔⵣⴰ ⵢⵉⵡⴻⵜ ⵏ ⵜⵉⵔⵣⴰ ⵏ ⵓⵅⴻⴷⴷⵉⵎ ⵜⵏⴻⵖⵍⴰⴼⵜ ⴷⴻⴳ ⵜⴰⴳⴳⴰⵔⴰ ⵏ ⵡⴰⵙⵙ ⵖⴻⵔ ⵜⵡⵉⵍⴰⵢⵜ ⵏ ⴳⴰⵍⵎⴰ.
