Asebter amenzawi

Abdelkader Messahel iqubel amazun uzzig n uselway n iran

LEZZAYER – Aneɣlaf anesmigal (délégué) i d-yelhan s tɣawsiwin n tmazɣa d tid n tefriqt; Abdelkader Messahel, iqubel ass n letniyen deg lezzayer tamanaɣt Morteza Sarmadi, amazun (envoyé) n uneɣlaf n tɣawsiwin n berra, d amazun uzzig (spécial) daɣen n uselway n tegduda tineslemt n Iran, Hassan Rouhani, i d-yenna uɣlif n tɣawsiwin n berra. Tella-d temlilit deg uxxam n uɣlif n tɣawsiwin n berra, wwin-d awal abeɛda ɣef wayen yerzan ‘’ayen i ɣer ṣṣawḍen deg ukaram (dossier) imiɣes (nucléaire) irani’’, i d-tenna teɣbalut-nni deg welɣu-s. Timlilit-nni daɣen tefka tagnit i snat tamiwin akken ‘’ad mbiddalen timuɣliwin ɣef kra n wuguren akked iseqsiyen yerzan assaɣen yellan ger snat tmura akked tid n tsertit tagraɣlant’’, i yerna yenna-t-id welɣu. Mass Messahel, iqubel ass n letniyen ṣbeḥ, deg uɣlif n tɣawsiwin n berra, win i d-yelhan s tɣawsiwin n tmahelt (ambassade) n yiwanaken yedduklen deg Lezzayer tamanaɣt, i t-yesselɣan (informé) ɣef ugmuḍ (resutat) iɣef d-yella umciwer deg temdint n Lausanne deg wayen yerzan akaram imiɣes n Iran’’, i terna tenna-d teɣbalut-nni. I wakken ad nesmekti, Lezzayer, seg yimi n umwekkel n uɣlif n tɣawsiwin n berra, yesnemmer wid yekkin akked ugmuḍ i ɣer ssawḍen ɣer-s.