ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴰⵍⵍⴻⵏ ⵙ ⵜⴻⵡⵣⴻⵍ ⵍⴻⵣⵣⴰⵢⴻⵔ
ⵎⴰⵙⵙ ⵙⴻⵍⵍⴰⵍ ⵢⴻⵎⵎⵓⴳⴻⵔ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ 6 ⵢⴻⴱⵔⵉⵔ 2015 ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵎⵎⵓⴳⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ, ⵙⴰⵍⵉⵎ ⵣⴰⴰⵏⵧⵓⵏ, ⵖⴻⴼ ⵡⴰⴽⴽⴻⵏ ⵜ-ⵉⴷ-ⵢⴻⴱⴷⴻⵔ ⵡⴻⵍⵖⵓ ⵏ ⵙⵙⵔⴰⴱⴻⵙ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.
ⴷⴻⴳ ⵜⴻⵎⵍⵉⵍⵉⵜ-ⴰ, ⵙⵙⴰⵡⵍⴻⵏ ⵙⵉⵏ-ⴰⴳⵉ ⵏ ⵢⵉⴷⵉⵙⴰⵏ ⵖⴻⴼ ⵜⴻⴳⵏⵉⵜ ⴷⴻⴳ ⵡⴰⴽⴰⵍ ⵢⴻⵜⵜⵡⴰⵟⵟⴼⴻⵏ ⴷ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⵍⴰ ⴷ-ⵉⴹⴻⵔⵔⵓⵏ ⴷⵉⵏ, ⵍⴰⴷⵖⴰ ⵜⵉⴷⵢⴰⵏⵉⵏ ⵜⵉⴷⵉⵒⵍⵓⵎⴰⵙⵉⵢⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴰⵍⴻⵙⵟⵉⵏ, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵉⵏⴻⴱⴳⵉ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵔⵔⴰ ⵜⴰⵊⵎⵉⵍⵜ ⵉ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵎⴻⵊⵀⵓⴷ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉ ⵍⵎⴻⵏⴷ ⵏ ⵜⵔⵉⵔⵉⵜ ⵏ ⵢⵉⵣⴻⵔⴼⴰⵏ-ⵏⵏⴻⵙ ⵉ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⴰⴳⵎⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵡⴻⵍⵖⵓ-ⴰ.
ⵜⵉⵎⵍⵉⵍⵉⵜ ⴳⴰⵔ ⵙⵉⵏ-ⴰ ⵏ ⵢⴻⵎⴹⴻⴱⴱⵔⴻⵏ ⵜⴻⵍⵍⴰ-ⴷ ⴷⴰⵖ ⴷ ⵜⴰⴳⵏⵉⵜ ⵉ ⵡⴻⵎⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⴽⵔⴰ ⵏ ⵜⴻⵎⵙⴰⵍ ⵜⵉⴳⵔⴰⵖⵍⴰⵏⵉⵏ ⴻⴷ ⵜⵡⴰⵥⵉⵢⵉⵏ ⴰⵢⴷⴻⴳ ⵢⴻⵍⵍⴰ ⵏⵏⴼⴻⵄ ⵓⵛⵔⵉⴽ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ.
