Asebter amenzawi

ISALLEN S TEWZEL Lezzayer

Mass Sellal yemmuger aselway n Useqqamu aɣelnaw afalesṭini 6 Yebrir 2015 LEZZAYER – Aneɣlaf amezwaru, Abdelmalek Sellal, yemmuger ass n letniyen deg Lezzayer Tamaneɣt aselway n Useqqamu aɣelnaw afalesṭini, Salim Zaanoun, ɣef wakken t-id-yebder welɣu n Ssrabes n Uneɣlaf amezwaru.

Deg temlilit-a, ssawlen sin-agi n yidisan ɣef tegnit deg wakal yettwaṭṭfen d tedyanin tineggura la d-iḍerrun din, ladɣa tidyanin tidiplumasiyin deg wayen yerzan Falesṭin, ɣef wakken d-tenna teɣbalut-a.

« Inebgi n Uneɣlaf amezwaru yerra tajmilt i dduṛ n Lezzayer deg wayen yerzan lmejhud ay la d-yettilin i lmend n tririt n yizerfan-nnes i weɣref afalesṭini agmat », ɣef wakken ay d-yerna welɣu-a.

Timlilit gar sin-a n yemḍebbren tella-d daɣ d tagnit i wembaddel n tmuɣliwin ɣef kra n temsal tigraɣlanin ed twaẓiyin aydeg yella nnfeɛ ucrik, ɣef leḥsab n teɣbalut-a.