Asebter amenzawi

Tirni n Yiɣallen Inemlayen (FFS) « tɛewwel » asiweḍ ɣer yiswi n webrid tenjeṛ ɣef wemsefham aɣelnaw (Nebbou) 05 Yebrir 2015

LEZZAYER – Akabar n Terni iɣallen inemlayen (FFS) yenna-d dakken « iɛewweL » akken ad yessemlil Idzayriyen, ad yaweḍ ɣer yeswi n lebni n wemsefham aɣelnaw.

Deg yiwet n teɣri ay d-iger i yimeɣnasen n ukabar, d tiɣri d-yuwḍen ass n lḥedd ɣer NDƔ, amaru amezwaru n Terni n yiɣallen inemlayen, Mohamed Nebbou, yenna-d d akken akabar-nnes « iɛewwel akken ad ikemmel assewliwel n wegdud akken ad yaweḍ ɣer yeswi-a ».

Mass Nebbou yettwali dakken « d wa ay d abrid awḥid n ubeddel n tidet deg tmurt, », am wakken ay yesteɛṛef belli « abrid mazal-it ɣezzif yerna yewɛeṛ ».

Deg temsalt-a, Mass Nebbou yesmekti-d « lmejhud d wakud ay yettunefken i lmend n usseḍru n tneɣtusin n weswir wis 5 ay d-yellan i lmend n uɛawed n lebni n wemsefham aɣelnaw », am wakken ay d-yenna dakken ayen ay yettwaxedmen i lmend n waya « meqqer ».

Akabar mazal-it « yettkemmil yettnadi iberdan n wemsefham, tikli-a tga isurifen ɣer sdat, maca temlal-d daɣ uguren ed taɣert », ɣef leḥsab-nnes, am wakken ay d-yenna d akken yesɛa assirem ad yessiweḍ usenfar-a ad d-yeglu « s wayen iwatan i tegnit aydeg tella tmurt imir-a ».

Mass Nebbou ay d-yennan dakken Lezzayer « teḥwaj ibeddilen isertiyen, idamsanen, inmettiyen ed yidelsanen deg tegnit-a ur yerkiden yerna tessagad ama sdaxel tmurt, ama deg wayen ay d-yezzin i tmurt, ama deg umaḍal », yenna-d daɣ dakken yesɛa « lqanaɛa » dakken asenfar-nnes ad yerbeḥ.

Ɣef waya, iger-d tiɣri i yimeɣnasen akken « ad srebḥen » amsegraw n FFS ara d-yilin ass n 18 Yebrir ay d-yetteddun deg tzeqqa n Aṭlas deg Bab Lwad (Lezzayer Tamaneɣt) i lmend n « ussejhed n ukabar d ukemmel n tikli i lfayda n tmurt-nneɣ ».