ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵔⵏⵉ ⵏ ⵢⵉⵖⴰⵍⵍⴻⵏ ⵉⵏⴻⵎⵍⴰⵢⴻⵏ (ⴼⴼⵙ) « ⵜⵄⴻⵡⵡⴻⵍ » ⴰⵙⵉⵡⴻⴹ ⵖⴻⵔ ⵢⵉⵙⵡⵉ ⵏ ⵡⴻⴱⵔⵉⴷ ⵜⴻⵏⵊⴻⵕ ⵖⴻⴼ ⵡⴻⵎⵙⴻⴼⵀⴰⵎ ⴰⵖⴻⵍⵏⴰⵡ (ⵏⴻⴱⴱⵧⵓ) 05 ⵢⴻⴱⵔⵉⵔ 2015

ⵍⴻⵣⵣⴰⵢⴻⵔ – ⴰⴽⴰⴱⴰⵔ ⵏ ⵜⴻⵔⵏⵉ ⵉⵖⴰⵍⵍⴻⵏ ⵉⵏⴻⵎⵍⴰⵢⴻⵏ (ⴼⴼⵙ) ⵢⴻⵏⵏⴰ-ⴷ ⴷⴰⴽⴽⴻⵏ « ⵉⵄⴻⵡⵡⴻⵍ » ⴰⴽⴽⴻⵏ ⴰⴷ ⵢⴻⵙⵙⴻⵎⵍⵉⵍ ⵉⴷⵣⴰⵢⵔⵉⵢⴻⵏ, ⴰⴷ ⵢⴰⵡⴻⴹ ⵖⴻⵔ ⵢⴻⵙⵡⵉ ⵏ ⵍⴻⴱⵏⵉ ⵏ ⵡⴻⵎⵙⴻⴼⵀⴰⵎ ⴰⵖⴻⵍⵏⴰⵡ.

ⴷⴻⴳ ⵢⵉⵡⴻⵜ ⵏ ⵜⴻⵖⵔⵉ ⴰⵢ ⴷ-ⵉⴳⴻⵔ ⵉ ⵢⵉⵎⴻⵖⵏⴰⵙⴻⵏ ⵏ ⵓⴽⴰⴱⴰⵔ, ⴷ ⵜⵉⵖⵔⵉ ⴷ-ⵢⵓⵡⴹⴻⵏ ⴰⵙⵙ ⵏ ⵍⵃⴻⴷⴷ ⵖⴻⵔ ⵏⴷƔ, ⴰⵎⴰⵔⵓ ⴰⵎⴻⵣⵡⴰⵔⵓ ⵏ ⵜⴻⵔⵏⵉ ⵏ ⵢⵉⵖⴰⵍⵍⴻⵏ ⵉⵏⴻⵎⵍⴰⵢⴻⵏ, ⵎⵧⵀⴰⵎⴻⴷ ⵏⴻⴱⴱⵧⵓ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴽⴰⴱⴰⵔ-ⵏⵏⴻⵙ « ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴰⵙⵙⴻⵡⵍⵉⵡⴻⵍ ⵏ ⵡⴻⴳⴷⵓⴷ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵢⴻⵙⵡⵉ-ⴰ ».

ⵎⴰⵙⵙ ⵏⴻⴱⴱⵧⵓ ⵢⴻⵜⵜⵡⴰⵍⵉ ⴷⴰⴽⴽⴻⵏ « ⴷ ⵡⴰ ⴰⵢ ⴷ ⴰⴱⵔⵉⴷ ⴰⵡⵃⵉⴷ ⵏ ⵓⴱⴻⴷⴷⴻⵍ ⵏ ⵜⵉⴷⴻⵜ ⴷⴻⴳ ⵜⵎⵓⵔⵜ, », ⴰⵎ ⵡⴰⴽⴽⴻⵏ ⴰⵢ ⵢⴻⵙⵜⴻⵄⵕⴻⴼ ⴱⴻⵍⵍⵉ « ⴰⴱⵔⵉⴷ ⵎⴰⵣⴰⵍ-ⵉⵜ ⵖⴻⵣⵣⵉⴼ ⵢⴻⵔⵏⴰ ⵢⴻⵡⵄⴻⵕ ».

ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵙⵙ ⵏⴻⴱⴱⵧⵓ ⵢⴻⵙⵎⴻⴽⵜⵉ-ⴷ « ⵍⵎⴻⵊⵀⵓⴷ ⴷ ⵡⴰⴽⵓⴷ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵍⵎⴻⵏⴷ ⵏ ⵓⵙⵙⴻⴹⵔⵓ ⵏ ⵜⵏⴻⵖⵜⵓⵙⵉⵏ ⵏ ⵡⴻⵙⵡⵉⵔ ⵡⵉⵙ 5 ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵡⴻⵎⵙⴻⴼⵀⴰⵎ ⴰⵖⴻⵍⵏⴰⵡ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵢⴻⵏ ⴰⵢ ⵢⴻⵜⵜⵡⴰⵅⴻⴷⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ « ⵎⴻⵇⵇⴻⵔ ».

ⴰⴽⴰⴱⴰⵔ ⵎⴰⵣⴰⵍ-ⵉⵜ « ⵢⴻⵜⵜⴽⴻⵎⵎⵉⵍ ⵢⴻⵜⵜⵏⴰⴷⵉ ⵉⴱⴻⵔⴷⴰⵏ ⵏ ⵡⴻⵎⵙⴻⴼⵀⴰⵎ, ⵜⵉⴽⵍⵉ-ⴰ ⵜⴳⴰ ⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ, ⵎⴰⵛⴰ ⵜⴻⵎⵍⴰⵍ-ⴷ ⴷⴰⵖ ⵓⴳⵓⵔⴻⵏ ⴻⴷ ⵜⴰⵖⴻⵔⵜ », ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵢⴻⵙⵄⴰ ⴰⵙⵙⵉⵔⴻⵎ ⴰⴷ ⵢⴻⵙⵙⵉⵡⴻⴹ ⵓⵙⴻⵏⴼⴰⵔ-ⴰ ⴰⴷ ⴷ-ⵢⴻⴳⵍⵓ « ⵙ ⵡⴰⵢⴻⵏ ⵉⵡⴰⵜⴰⵏ ⵉ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⵎⵓⵔⵜ ⵉⵎⵉⵔ-ⴰ ».

ⵎⴰⵙⵙ ⵏⴻⴱⴱⵧⵓ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⵜⴻⵃⵡⴰⵊ ⵉⴱⴻⴷⴷⵉⵍⴻⵏ ⵉⵙⴻⵔⵜⵉⵢⴻⵏ, ⵉⴷⴰⵎⵙⴰⵏⴻⵏ, ⵉⵏⵎⴻⵜⵜⵉⵢⴻⵏ ⴻⴷ ⵢⵉⴷⴻⵍⵙⴰⵏⴻⵏ ⴷⴻⴳ ⵜⴻⴳⵏⵉⵜ-ⴰ ⵓⵔ ⵢⴻⵔⴽⵉⴷⴻⵏ ⵢⴻⵔⵏⴰ ⵜⴻⵙⵙⴰⴳⴰⴷ ⴰⵎⴰ ⵙⴷⴰⵅⴻⵍ ⵜⵎⵓⵔⵜ, ⴰⵎⴰ ⴷⴻⴳ ⵡⴰⵢⴻⵏ ⴰⵢ ⴷ-ⵢⴻⵣⵣⵉⵏ ⵉ ⵜⵎⵓⵔⵜ, ⴰⵎⴰ ⴷⴻⴳ ⵓⵎⴰⴹⴰⵍ », ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵄⴰ « ⵍⵇⴰⵏⴰⵄⴰ » ⴷⴰⴽⴽⴻⵏ ⴰⵙⴻⵏⴼⴰⵔ-ⵏⵏⴻⵙ ⴰⴷ ⵢⴻⵔⴱⴻⵃ.

Ɣⴻⴼ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵎⴻⵖⵏⴰⵙⴻⵏ ⴰⴽⴽⴻⵏ « ⴰⴷ ⵙⵔⴻⴱⵃⴻⵏ » ⴰⵎⵙⴻⴳⵔⴰⵡ ⵏ ⴼⴼⵙ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 18 ⵢⴻⴱⵔⵉⵔ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵜⵣⴻⵇⵇⴰ ⵏ ⴰⵟⵍⴰⵙ ⴷⴻⴳ ⴱⴰⴱ ⵍⵡⴰⴷ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵉ ⵍⵎⴻⵏⴷ ⵏ « ⵓⵙⵙⴻⵊⵀⴻⴷ ⵏ ⵓⴽⴰⴱⴰⵔ ⴷ ⵓⴽⴻⵎⵎⴻⵍ ⵏ ⵜⵉⴽⵍⵉ ⵉ ⵍⴼⴰⵢⴷⴰ ⵏ ⵜⵎⵓⵔⵜ-ⵏⵏⴻⵖ ».