ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴱⴷⴻⴷ ⵏ ⵜⵉⴷⴷⵓⴽⵍⴰ ⵏ ⵢⵉⵕⴻⵎⵎⴰⵙⴻⵏ ⵉⵣⵣⴰⵢⵔⵉⵢⴻⵏ ⴷ ⵢⵉⴱⵉⵍⵊⵉⴽⵉⵢⴻⵏ ⴷⴻⴳ ⵎⴰⵢⵢⵓ ⴷⵉ ⴱⵔⵓⵅⴻⵍⵍⴻⵙ
27 ⵎⴻⵖⵔⴻⵙ 2015
ⴱⵔⵓⵅⴻⵍⵍⴻⵙ – ⴰⴷ ⵢⴻⵜⵜⵡⴰⵙⵙⴻⴱⴷⴻⴷ, ⴷⴻⴳ ⵜⴰⴳⴳⴰⵔⴰ ⵏ ⵎⴰⵢⵢⵓ ⴷ-ⵉⵜⴻⴷⴷⵓⵏ ⴷⵉ ⴱⵔⵓⵅⴻⵍⵍⴻⵙ, ⵢⵉⵡⴻⵏ ⵏ ⵡⴻⵙⵔⵉⵔ ⵏ ⵢⴻⵎⵎⵄⴻⵍⵍⵎⴻⵏ ⵉⵕⴻⵎⵎⴰⵙⴻⵏ ⵉⵅⴻⴷⴷⵎⴻⵏ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⴷ ⵡⴻⴹⴼⴰⵔ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵣⵣⴰⵢⵔⵉⵢⵉⵏ ⵉⵅⴻⴷⴷⵎⴻⵏ ⴱⴻⵕⵕⴰ ⵉ ⵡⴻⵏⵏⴰⵔ ⵏ ⵓⵒⵉⵜⵕⵓⵍ ⴷ ⵍⴳⴰⵣ, ⴰⵎ ⵡⴰⴽⴽⴻⵏ ⴰⵔⴰ ⵢⴻⴱⴷⴻⴷ ⵉ ⵍⵎⴻⵏⴷⴰⴷ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵣⵓⵢⴰⵣ ⵏⴻⵖ ⵜⵓⵙⵍⵉⴳⵉⵏ ⵉ ⵍⵎⴻⵏⴷ ⵏ ⵓⵏⴻⴽⵛⵓⵎ ⵖⴻⵔ ⵍⴻⵙⵡⴰⵇ ⵏ ⴱⵉⵍⵊⵉⴽ ⴻⴷ ⵜⵓⵕⵓⴼⵜ, ⵖⴻⴼ ⵡⴰⴽⴽⴻⵏ ⴷ-ⵏⴻⵜⵜⵡⴰⵅⴻⴱⴱⴻⵔ ⴰⵙⵙ ⵏ ⵍⴻⵊⵎⵄⴰ ⵙⵖⵓⵔ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⴰⴷⵉⵒⵍⵓⵎⴰⵜⵉⵜ.
ⵜⵉⴷⴷⵓⴽⵍⴰ-ⴰ ⵓⵎⵉ ⵙⴻⵎⵎⴰⵏ ⴰⵉⵏ ⴻⵍ ⴽⵀⴻⵉⵔ, ⴷ ⵜⵉⴷⴷⵓⴽⵍⴰ ⵓⵔ ⵢⴻⵜⵜⵏⴰⴷⵉⵏ ⵖⴻⴼ ⵢⴻⴷⵔⵉⵎⴻⵏ, ⵢⴻⵔⵏⴰ ⴰⴷ ⴷ-ⵜⴻⵙⴷⵓⴽⴽⴻⵍ ⵜⵉⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⴻⵏ ⴻⴷ ⵜⴱⵉⵍⵊⵉⴽⵉⵢⵉⵏ ⴰⵢ ⵢⴻⵙⵙⴰⵔⴰⵎⴻⵏ « ⴰⴷ ⵙⵏⴻⵔⵏⵉⵏⵜ ⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴳⴰⵔ ⵍⴷⵣⴰⵢⴻⵔ ⴻⴷ ⴱⵉⵍⵊⵉⴽ ⵙ ⵕⵕⵓⵃ ⵏ ⵡⴻⵕⵎⴰⵙ [ⴻⵏⵜⵔⴻⵒⵔⴻⵏⴻⵓⵔⵉⴰⵜ] ⴳⴰⵙ ⵙⵏⴰⵜ-ⴰ ⵏ ⵜⵎⵓⵔⴰ, ⴷ ⵡⵉⵏ ⴰⵢⴷⴻⴳ ⴰⵔⴰ ⴷ-ⵢⵉⵍⵉ ⵡⴻⵙⵄⴻⴷⴷⵉ ⵏ ⵜⴻⴽⵏⵓⵙⵙⵏⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵜⵉⴷⴷⵓⴽⵍⴰ-ⴰ ⴰⵢ ⵢⴻⵙⵙⴰⵔⴰⵎⴻⵏ ⴰⴷ ⵜⴻⵙⵏⴻⵔⵏⵉ ⴰⴽⴽ ⵉⵅⴻⴷⴷⵉⵎⴻⵏ ⴰⵢ ⵉⵣⴻⵎⵔⴻⵏ ⴰⴷ ⵙⵊⵓⵊⴳⴻⵏ ⴰⵙⵙⴰⵖⴻⵏ ⵏ ⵢⵉⵡⴻⵥⵍⴰ ⴷ ⵓⵙⵙⴻⴼⵜⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵜⴻⴱⵖⴰ ⴷⴰⵖ ⴰⴷ ⴷ-ⵜⴻⵍⵀⵓ ⵙ ⵡⴻⵙⵏⴻⵔⵏⵉ ⵏ ⵏⵏⴼⴻⵄ ⵏ ⵜⴽⴻⴱⴱⴰⵏⵉⵢⵉⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ-ⵙ ⴰⵎⴰ ⴷⴻⴳ ⵡⴻⵏⵔⴰⵔ ⵏ ⵜⴷⴰⵎⵙⴰ, ⴰⵎⴰ ⴷⴻⴳ ⵡⵉⴷ ⵏ ⵜⵎⴻⵜⵜⵉ, ⵏ ⵜⵥⵓⵔⵉ, ⵏ ⵜⵜⴻⴽⵏⵉⵜ, ⵏ ⵜⵓⵙⵙⵏⴰ, ⵏ ⵍⴻⵖⵔⴰⵎⴰ ⴻⴷ ⵍⵇⴰⵏⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.
ⴰⵙⵔⵉⵔ-ⴰ ⵏ ⵢⵉⵕⴻⵎⵎⴰⵙⴻⵏ ⵢⴻⴱⵖⴰ ⴰⴷ ⵢⴻⵙⵄⵓ ⴰⵙⵙⴰⵖⴻⵏ « ⵢⴻⵙⵄⴰⵏ ⵛⵛⴰⵏ » ⴰⴽⴽ ⴷ ⵡⴻⵏⵎⴰⴳⴻⵔ ⵏ ⵢⴻⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴷ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵜⵊⴰⵕⴰ ⴷ ⵜⴻⵎⴳⵓⵔⵉ , ⵢⴻⵔⵏⴰ ⴰⴷ ⵢⴻⴱⴷⵓ ⵡⴻⵙⵔⵉⵔ-ⴰ ⴰⵅⴻⴷⴷⵉⵎ-ⵏⵏⴻⵙ ⵙ ⵡⵓⴷⴻⵎ ⵓⵏⵚⵉⴱ ⴰⵙⵙ ⵏ 28 ⵎⴰⵢⵢⵓ 2015 ⴷⴻⴳ ⴱⵔⵓⵅⴻⵍⵍⴻⵙ.
