Asebter amenzawi

Assebded n tiddukla n yiṛemmasen izzayriyen d yibiljikiyen deg Mayyu di Bruxelles

27 Meɣres 2015

BRUXELLES – Ad yettwassebded, deg taggara n Mayyu d-iteddun di Bruxelles, yiwen n wesrir n yemmɛellmen iṛemmasen ixeddmen i lmend n uɛawen d weḍfar n tkebbaniyin tizzayriyin ixeddmen beṛṛa i wennar n upitṛul d lgaz, am wakken ara yebded i lmendad n tkebbaniyin tizuyaz neɣ tusligin i lmend n unekcum ɣer leswaq n Biljik ed Tuṛuft, ɣef wakken d-nettwaxebber ass n lejmɛa sɣur yiwet n teɣbalut tadiplumatit.

Tiddukla-a umi semman Ain El Kheir, d tiddukla ur yettnadin ɣef yedrimen, yerna ad d-tesdukkel tikebbaniyin tidzayriyen ed tbiljikiyin ay yessaramen « ad snernint assaɣen idamsanen gar Ldzayer ed Biljik s ṛṛuḥ n weṛmas [entrepreneuriat] gas snat-a n tmura, d win aydeg ara d-yili wesɛeddi n teknussniwin  », ɣef wakken ay d-tenna teɣbalut-a.

Tiddukla-a ay yessaramen ad tesnerni akk ixeddimen ay izemren ad sjujgen assaɣen n yiweẓla d ussefti gar snat-a n tmura, tebɣa daɣ ad d-telhu s wesnerni n nnfeɛ n tkebbaniyin ara yettekkin deg-s ama deg wenrar n tdamsa, ama deg wid n tmetti, n tẓuri, n tteknit, n tussna, n leɣrama ed lqanun, ɣef wakken ay d-terna teɣbalut-a.

Asrir-a n yiṛemmasen yebɣa ad yesɛu assaɣen « yesɛan ccan » akk d Wenmager n yemḍebbren n tkebbaniyin d Texxamt tadzayrit n ttjaṛa d temguri , yerna ad yebdu wesrir-a axeddim-nnes s wudem unṣib ass n 28 Mayyu 2015 deg Bruxelles.