Asebter amenzawi

Amaḍal Uzbikistan: aselway Karimov iɛawed yettwafren i tselwit tamaynut

07 Yebrir 2015

TACKENT – Taseqqamut talemmast n tefranin n Uzbikistan tenna-d, ass n letniyen, d akken aselway Islam Karimov iɛawed yettwafren ɣef yixef n tmurt.

Mass Karimov yettwafren s 90,39% n tuɣac, ɣef wakken ay d-tebder tseqqamut n tefranin.

Ɣef leḥsab n lqanun n Uzbikistan, amazwar deg tefranin n tselwit yessekf ad yerbeḥ s wugar n 50% n tuɣac akken ad yettwafren d aselway deg tmurt-a n Asya talemmast.

Aselway uzbiki ay iɛawden yettwafren seg melmi kan, ad yeḥkem xemsa n yiseggasen, ɣef leḥsab n ubeddel n tmenḍawt ay d-yellan deg 2011, d win ay d-yesneqsen tallit n leḥkem n uselway seg sebɛa ɣer xemsa n yiseggasen.