ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⴻⵜⵜⵉ

ⵎⵎⵓⵜⴻⵏ ⵜⵍⴰⵜⴰ, ⵊⴻⵔⵃⴻⵏ ⵙⵉⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⴷⴻⴳ ⵡⴻⴱⵔⵉⴷ ⵏ ⵣⵔⵉⴱⴻⵜ ⵍⵡⴰⴷ (ⵜⵉⴱⴻⵙⴽⴻⵔⵜ)

07 ⵢⴻⴱⵔⵉⵔ 2015 ⵜⵉⴱⴻⵙⴽⴻⵔⵜ – ⵜⵍⴰⵜⴰ ⵏ ⵢⴻⵎⴷⴰⵏⴻⵏ ⵉ ⵢⴻⵎⵎⵓⵜⴻⵏ, ⴳⴰⵔ-ⴰⵙⴻⵏ ⵢⵉⵡⴻⵏ ⵏ ⵓⵍⵓⴼⴰⵏ ⵏ 5 ⵏ ⵡⴰⵢⵢⵓⵔⴻⵏ, ⵔⵏⴰⵏ ⵊⴻⵔⵃⴻⵏ ⵙⵉⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵡⴻⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 83 (ⵜⵉⴱⴻⵙⴽⴻⵔⵜ-ⵜⵉⵅⴻⵏⵛⴻⵍⵜ) ⴷⴻⴳ ⵜⵖⵉⵡⴰⵏ ⵏ ⵣⵔⵉⴱⴻⵜ ⵍⵡⴰⴷ (ⵜⵉⴱⴻⵙⴽⴻⵔⵜ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵜⵜⵡⴰⵅⴻⴱⴱⴻⵔ ⵏⴷƔ ⴰⵙⵙ ⵏ ⵜⵜⵍⴰⵜⴰ ⵙⵖⵓⵔ ⵓⵃⵓⴷⴷⵓ ⴰⵖⴰⵔⵉⵎ.

ⴷⴻⴳ ⵓⵙⴻⵀⵡⵓ-ⴰ, ⵙⵏⴰⵜ ⵏ ⵜⴽⴻⵕⵕⵓⵙⵉⵏ ⵏ ⵜⵎⴻⵔⵔⵉⵜ ⴰⵢ ⵢⴻⵎⵢⴻⵡⵡⴰⵜⴻⵏ « ⵙ ⵍⵊⴻⵀⴷ », ⵢⴻⵔⵏⴰ ⵢⴻⴳⵍⴰ-ⴷ ⵡⴰⵢⴰ ⵙ ⵜⵎⴻⵜⵜⴰⵏⵜ ⵏ ⵜⵍⴰⵜⴰ ⵏ ⵢⴻⵎⴷⴰⵏⴻⵏ ⴷⴻⴳ ⵡⴻⵎⴽⴰⵏ-ⵏⵏⵉ ⵢⴰ ⴽⴰⵏ, ⴷ ⵡⴻⵊⵔⴰⵃ ⵏ 2 ⵙⴻⴳ ⵡⵉⴷ ⴰⵢ ⴷ-ⵉⵔⴻⴽⴱⴻⵏ ⴷⴻⴳ ⵜⴽⴻⵕⵕⵓⵙⵜ-ⵏⵏⵉ ⵜⵉⵙ ⵙⵏⴰⵜ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ.

ⴰⵙⵙ-ⵏⵏⵉ, ⴷⴰⵖ, ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ 46 (ⵜⵉⴱⴻⵙⴽⴻⵔⵜ-ⵜⴰⵎⵙⵉⵍⵜ), ⵙⴻⵜⵜⴰ ⵏ ⵢⴻⵎⴷⴰⵏⴻⵏ ⴰⵢ ⵉⵊⴻⵔⵃⴻⵏ ⵍⴻⵊⵔⵓⵃ ⴷ ⵉⴼⴻⵙⵙⴰⵙⴻⵏ ⴷⴻⴳ ⵢⵉⵡⴻⵏ ⵏ ⵡⴻⵎⵢⴻⵡⵡⴰⵜ ⴰⵢ ⵢⴻⵛⴱⴰⵏ ⴰⵎⴻⵣⵡⴰⵔⵓ-ⵏⵏⵉ, ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵖⵉⵡⴰⵏⵜ ⵏ ⴱⵓⵛⴻⴳⵕⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵙⵙⵔⴰⴱⴻⵙ ⵏ ⵓⵃⵓⴷⴷⵓ ⴰⵖⴰⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⵍⴻⴷⵢⴻⵏⵜ ⵜⵙⴻⵙⵜⴰⵏⵉⵏ ⵉ ⵡⴰⴽⴽⴻⵏ ⴰⴷ ⴷ-ⵙⴱⴻⵢⵢⵏⴻⵏ ⵙⵙⴻⴱⴱⴰⵜ ⵏ ⵙⵉⵏ-ⴰ ⵏ ⵢⵉⵙⴻⵀⵡⴰ.