Asebter amenzawi

Timetti

Mmuten tlata, jerḥen sin deg yiwen n usehwu deg webrid n Zribet Lwad (Tibeskert)

07 Yebrir 2015 TIBESKERT – Tlata n yemdanen i yemmuten, gar-asen yiwen n ulufan n 5 n wayyuren, rnan jerḥen sin deg yiwen n usehwu n webrid ay d-yellan ass n letniyen tameddit deg webrid aɣelnaw wis 83 (Tibeskert-Tixencelt) deg tɣiwan n Zribet Lwad (Tibeskert), ɣef wakken ay d-tettwaxebber NDƔ ass n ttlata sɣur Uḥuddu aɣarim.

Deg usehwu-a, snat n tkeṛṛusin n tmerrit ay yemyewwaten « s ljehd », yerna yegla-d waya s tmettant n tlata n yemdanen deg wemkan-nni ya kan, d wejraḥ n 2 seg wid ay d-irekben deg tkeṛṛust-nni tis snat, ɣef leḥsab n teɣbalut-a.

Ass-nni, daɣ, deg webrid aɣelnaw 46 (Tibeskert-Tamsilt), setta n yemdanen ay ijerḥen lejruḥ d ifessasen deg yiwen n wemyewwat ay yecban amezwaru-nni, d win ay d-yellan deg tɣiwant n Bucegṛun, ɣef wakken ay d-nnan ssrabes n uḥuddu aɣarim, am wakken ay d-nnan dakken ledyent tsestanin i wakken ad d-sbeyynen ssebbat n sin-a n yisehwa.