ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵣⵉⴽⴽⴻⵏⵜ ⵏ ⵢⵉⵅⴻⴷⴷⵉⵎⴻⵏ ⴰⵢ ⴷ-ⴳⴰⵏ ⵢⵉⵎⵓⵔⴰ ⵏ ⵜⵙⴻⵎⵙⵉⵍⵜ 01 ⵢⴻⴱⵔⵉⵔ 2015
ⵜⴻⵜⵜⵡⴰⵙⵙⵓⴷⴷⴻⵙ ⵜⴻⴷⵢⴰⵏⵜ-ⴰ ⴷⴻⴳ ⵓⵇⴰⵍⴻⴱ ⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⴰⴷⵉⴳⴰⵏⵜ ⵜⵉⵙ ⵅⴻⵎⵙⴰ « ⵜⴰⵖⵓⵔⵉ ⴷⴻⴳ ⵜⵎⴻⵖⵔⴰ », ⵢⴻⵔⵏⴰ ⴷ ⵜⵉⵏ ⴷⴻⴳ ⴷ-ⵔⵙⴻⵏ ⴰⵟⴰⵙ ⵏ ⵢⴻⴷⵍⵉⵙⴻⵏ ⵏ ⵡⴰⴳⴳⴰⴳⴻⵏ ⵏ ⵜⵡⵉⵍⴰⵢⵜ, ⴳⴰⵔ-ⴰⵙⴻⵏ « ⴰⵍ-ⵎⵓⵔⵛⵉⴷ ⴰⵍ-ⴰⵏⵉⵙ », ⴷ ⴰⴷⵍⵉⵙ ⵏ ⵓⵎⴻⵣⵔⵓⵢ ⵏ ⵡⴰⵔⴻⵙⵏⵉⵙ ⴰⵢ ⴷ-ⵢⵓⵔⴰ ⴰⴱⴷⴻⵍⴽⴰⴷⴻⵔ ⴷⴻⵀⴷⵧⵓⵀ, « ⴰⵙⵙⴻⵇⵔⴻⴱ ⵏ ⵡⴻⵍⵎⵓⴷ ⴷⴻⴳ ⵍⴻⵣⵣⴰⵢⴻⵔ, ⴳⴰⵔ ⵜⵙⴻⵔⵙⵉⵜ ⴻⴷ ⵡⴻⵙⵏⴰⴽⵜⴰⵏ » ⵏ ⴰⵀⵎⴻⴷ ⵏⴰⵛⵀⴻⴼ ⴰⴽⴽ ⴷ « ⵙⵉⴳⵏⴻⵙ ⵠⵧⵛⴰⵍⴻⵙ ⴰⵔⴰⴱⴻⵙ » ⵏ ⴰⴱⴷⴻⵍⴽⴰⴷⴻⵔ ⵛⵀⴰⴽⴻⵔ.
ⵢⴻⵜⵜⵓⵏⴻⴼⴽ ⴷⴰⵖ ⵡⴻⵎⴽⴰⵏ, ⴷⴻⴳ ⵜⴻⵎⵣⵉⴽⴽⴻⵏⵜ-ⴰ, ⵉ ⵢⵉⵡⴻⵏ ⵏ ⵓⴹⴻⴱⵙⵉ ⵏ ⵓⵙⵉⴷⵉ ⴷⴻⴳ ⵍⵍⴰⵏⵜ ⵜⴻⵎⵙⵉⵔⵉⵏ ⵏ ⵡⴻⵙⵃⵓⵍⴼⵓ ⵖⴻⴼ ⵜⴻⵎⵙⴰⵍ ⵏ ⵜⵡⴻⵏⵏⴰⴹⵜ, ⵏ ⵜⵜⴻⵕⴱⴻⵢⵢⴰ, ⵏ ⵜⵥⵓⵔⵉ ⴷ ⵜⵎⴻⵜⵜⵉ ⴷ ⵓⴹⴻⴱⵙⵉ ⵏⵉⴹⴻⵏ ⵖⴻⴼ ⵜⵙⴻⴷⴽⴰⵍⵉⵏ.
ⴰⴷ ⴷ-ⵜⵉⵍⵉ ⴷⴰⵖ ⵜⴻⵎⵍⵉⵍⵉⵜ ⴰⴽⴽ ⴷ ⵓⵎⴰⵔⵓ, ⴰⵎⴻⴷⵢⴰⵣ ⴷ ⵓⵎⴰⵙⵍⴰⴹ ⵏ ⵜⴷⵓⴽⵍⵉ ⵏ ⵢⵉⵎⵓⵔⴰ ⵉⴷⵣⴰⵢⵔⵉⵢⴻⵏ, ⴰⴱⴷⴻⵍⴽⴰⴷⴻⵔ ⵎⴻⴽⴰⵔⵉⴰ ⴷⴻⴳ ⵜⴻⵎⵣⵉⴽⴽⴻⵏⵜ-ⴰ ⴰⵔⴰ ⵢⴻⵟⵟⴼⴻⵏ ⵕⴻⴱⵄⴰ ⵏ ⵡⵓⵙⵙⴰⵏ, ⴷ ⵜⵉⵎⵍⵉⵍⵉⵜ ⴷⴻⴳ ⴰⵔⴰ ⴷ-ⵢⵉⵍⵉ ⵡⴰⵡⴰⵍ ⵖⴻⴼ ⵜⵉⵔⴰ ⵏ ⵡⵓⵏⴳⴰⵍⴻⵏ ⴰⵙⵙ-ⴰ ⴷⵉ ⵍⴻⵣⵣⴰⵢⴻⵔ, ⴷ ⵜⴻⵣⵔⵉⵔⵜ ⵢⴻⵙⵄⴰ ⵡⴰⵢⴰ ⵖⴻⴼ ⵜⵎⴻⵜⵜⵉ.
ⴰⵣⵡⵓⵔ-ⴰ ⵢⴻⴽⵛⴻⵎ ⴷⴻⴳ ⵜⵉⴽⵍⵉ ⴷ-ⵜⴻⵡⵡⵉ ⵜⵎⴻⵀⵍⴰ ⵏ ⵢⴻⴷⵍⴻⵙ ⵏ ⵜⵡⵉⵍⴰⵢⵜ ⴷⴻⴳ ⵜⵔⵉⵔⵉⵜ ⵏ ⵡⴰⵣⴰⵍ ⵉ ⵡⵓⴷⵎⴰⵡⴻⵏ ⴷ-ⵢⴻⵊⵊⴰⵏ ⵉⵙⵎⴰⵡⴻⵏ-ⵏⵙⴻⵏ ⴷⴻⴳ ⵢⴻⴷⵍⴻⵙ ⵏ ⵜⴰⵎⴰ ⵏ ⵜⵙⴻⵎⵙⵉⵍⵜ.
ⵜⴰⴼⴰⵙⴽⴰ ⵏ « ⵜⴰⵖⵓⵔⵉ ⴷⴻⴳ ⵜⵎⴻⵖⵔⴰ » ⵍⴰ ⵜⴻⵜⵜⴽⴻⵎⵎⵉⵍ ⵙ ⵢⴻⵔⵎⵓⴷⴻⵏ-ⵏⵏⴻⵙ ⵏ ⵢⴻⴷⵍⴻⵙ ⴷ ⵣⵣⵀⵓ, ⴷ ⵡⵉⴷ ⴷⴻⴳ ⵍⵍⴰⵏⵜ ⵜⵏⴻⵎⵙⴰⵍⵉⵏ ⵏ ⵓⵙⵙⵓⵏⴻⵖ, ⵏ ⵢⴻⵙⵍⵉⵥⵔⵉ ⴷ ⵜⵖⵓⵔⵉ, ⵉⵎⵙⴰⵣⵡⴰⵔⴻⵏ ⵏ ⵓⵙⵙⵓⵏⴻⵖ, ⵜⴰⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ, ⵜⴰⵙⵔⴻⵇⵇⴰ, ⵜⴰⵎⴻⴷⵢⴻⵣⵜ ⴷ ⵓⵙⵙⵉⵡⴻⵍ ⵏ ⵜⵎⵓⵛⵓⵀⴰ, ⴰⴽⴽ ⴷ ⵜⵎⴻⵣⴳⵓⵏⵉⵏ ⴷ ⵢⵉⵀⴰⵏⴰⵢⴻⵏ ⵢⴻⵙⵙⴻⴹⵙⴰⵢⴻⵏ ⵉ ⵢⵉⴳⴻⵔⴷⴰⵏ.
