Asebter amenzawi

Tafaska n « Taɣuri deg tmeɣra » : tukci n 4 .700 n yedlisen i 9 n tɣiwanin n ɛin Timucent 31 Meɣres 2015

Iswi n wezwur-a netta d asnerni n tɣuri d wesmeṛkanti n temkarḍiyin n tɣiwanin, yerna yella-d deg uqaleb n tfaska tadelsant n « Taɣuri deg tmeɣra », d tin ara d-yilin i tikkelt tis 4 gar 21 Meɣres ed 2 Yebrir ay d-yetteddun, ɣef wakken ay d-tebder teɣbalut-a.

Tiɣiwanin ara d-yesfaydin seg waya ad zemrent ad smeṛkantint timkarḍiyin-nsent ed tzeɣwin-nsent n tɣuri s yedlisen imaynuten, ɣef wakken ay d-tenna teɣbalut-a, am wakken d-terna d akken kra seg tɣiwanin-a d-yezgan deg tmurt am Centuf, Sidi Uryac ed ɛamreyya, bɣant ad yennerni deg-sent ṛṛuḥ n tmussni yerna aya ad yekkes fad i wid ay iḥemmlen taɣuri.

Seg tama niḍen, aseqqamu n tfaska n « Taɣuri deg tmeɣra » iheyya-d yiwen n wahil i lfayda n yigerdan imeɛdaṛ n wammas n ummager (centre ḍaccueil n Bni ṣaf) akked yimuḍinen n wammas n udawi n yigerdan, d win aydeg yella uẓawan, uraren n sseḥreyya ed ussiwel n tmucuha.