ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵣⵎⴻⵔⵜ 3 ⵢⴻⴱⵔⵉⵔ
ⵉⵎⵓⵣⵣⴰⴳ ⴷⴻⴳ ⵡⵓⵙⵙⴰⵏ ⵏ ⵜⴻⵙⵏⵓⵊⵊⵢⴰ ⴷ ⵓⵛⴻⵍⵍⴻⵃ ⴷⴻⴳ ⵉⵍⵍⵉⵣⵉ
ⵉⵍⵍⵉⵣⵉ – ⴰⵣⴰⵍ ⵏ ⵜⵏⴰⵛ ⵏ ⵢⴻⵎⵙⵓⵊⵊⵉⵢⴻⵏ ⵉⵎⵓⵣⵣⴰⴳ ⵙⴻⴳ ⵢⵉⵏⵓⵔⴰⵔ ⵢⴻⵎⴳⴰⵔⴰⴷⴻⵏ ⵏ ⵜⴻⵙⵏⵓⵊⵊⵢⴰ, ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵎⵍⵉⵍⵉⵜ ⵜⵉⵙ ⵜⵏⴰⵛ ⵖⴻⴼ ⵜⴻⵙⵏⵓⵊⵊⵢⴰ ⴷ ⵓⵛⴻⵍⵍⴻⵃ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵉⵍⵍⵉⵣⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵍⵇⴻⴹ.
« ⴰⴷ ⵜⵜⴻⴽⴽⵉⵏ, ⴷⴻⴳ ⵜⴻⵎⵍⵉⵍⵉⵜ-ⴰ ⴰⵔⴰ ⵢⴻⵟⵟⴼⴻⵏ ⴷⴷⵓⵕⵜ, ⵢⴻⵎⵙⵓⵊⵊⵉⵢⴻⵏ ⴷ-ⵢⵓⵙⴰⵏ ⵙⴻⴳ ⵢⴻⵙⴱⵉⵟⴰⵔⴻⵏ ⵢⴻⵎⴳⴰⵔⴰⴷⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵔⵏⴰ ⴷ ⵡⵉⴷ ⵢⴻⵎⵎⵓⵣⵣⴳⴻⵏ ⴷⴻⴳ ⵜⴻⵙⵏⴰⵊⵢⴰ ⵏ ⵡⵓⵍ, ⵜⵉⵏ ⵏ ⵡⴻⴳⵍⵉⵎ, ⵜⴰⵙⵏⴰⵊⵢⴰ ⵜⴰⴳⴻⵏⵙⵉⵜ , ⵜⴰⵙⵏⴰⵊⵢⴰ ⵏ ⵜⵍⴰⵡⵉⵏ ⴷ ⵔⴻⴱⴱⵓ », ⵖⴻⴼ ⵡⴰⴽⴽⴻⵏ ⴰⵖ-ⴷ-ⵜⴻⵏⵏⴰ ⵜⵙⴻⵍⵡⴰⵢⵜ ⵏ ⵜⵉⴷⴷⵓⴽⵍⴰ ⵜⴰⴷⵉⴳⴰⵏⵜ ⵛⵉⴼⴼⴰ ⴷⵓⴽⵍⵉⵜ ⵟⵜⴰⵎⴻⵏ ⵜⴰⵎⴻⵣⵡⵉⵜ, ⵙⵓⵔⴰⵢⴰ ⴱⵓⵔⴰⵙ, ⵢⴻⵔⵏⴰ ⴷ ⵜⵉⴷⴷⵓⴽⵍⴰ-ⴰ ⵢⴻⵙⵙⵓⴷⴷⵙⴻⵏ ⵜⴰⴷⵢⴰⵏⵜ-ⴰ.
ⵉⵎⵙⵓⵊⵊⵉⵢⴻⵏ-ⴰ ⵜⵜⵡⴰⴱⴹⴰⵏ ⵖⴻⴼ ⵙⵏⴰⵜ ⵏ ⵜⴻⴳⵔⴰⵡⵉⵏ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵖⴻⴼ ⵎⴻⴷⴷⴻⵏ ⴷⴻⴳ ⵡⴻⵙⴱⵉⵟⴰⵔ ⵏ « ⵜⴰⵔⴳⵉ ⵡⴰⵏⵜⵉⵎⵉⴷⵉ » ⴷ ⵡⴻⵖⵙⵓⵔ ⴰⵣⴰⵢⴻⵣ ⵏ ⵜⴷⴰⵡⵙⴰ ⵜⵓⵇⵔⵉⴱⵜ « ⵉⴱⵏ ⵙⵉⵏⴰ » ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏ ⵡⴰⵟⴰⵙ ⵏ ⵢⵉⵎⵓⴹⵉⵏⴻⵏ ⵙⴻⴳ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⵓⵔⴰⵙ.
ⵉⵙⵡⵉ ⵏ ⵡⴻⵣⵡⵓⵔ-ⴰ ⵏⴻⵜⵜⴰ ⴷ ⴰⵙⵙⴻⵏⵇⴻⵙ ⵏ ⵍⴻⵄⵜⴰⴱ ⵉ ⵢⵉⵎⵓⴹⵉⵏⴻⵏ ⵜⴻⵜⵜⴰⵔⵔⴰ ⵜⵎⴰⵔⴰ ⴰⴷ ⴷⴷⵓⵏ ⵖⴻⵔ ⵢⴻⵙⴱⵉⵟⴰⵔⴻⵏ ⵏ ⵓⴳⴰⴼⴰ ⵏ ⵜⵎⵓⵔⵜ, ⵢⴻⵔⵏⴰ ⵢⴻⴽⵛⴻⵎ ⴷⴻⴳ ⵓⵇⴰⵍⴻⴱ ⵏ ⵡⴻⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴳⴰⵔ ⵡⴻⵏⵥⵓⵍ ⴻⴷ ⵓⴳⴰⴼⴰ.
ⵉⵎⵙⵓⵊⵊⵉⵢⴻⵏ-ⴰ ⵉⵎⵓⵣⵣⴰⴳ ⴰⴷ ⴳⴻⵏ ⴷⴰⵖ, ⴷⴻⴳ ⵓⵇⴰⵍⴻⴱ ⵏ ⵡⵓⵙⵙⴰⵏ-ⴰ, ⵜⵉⵎⵀⴰⵍ ⵏ ⵓⵛⴻⵍⵍⴻⵃ ⵉ ⴽⵔⴰ ⵏ ⵢⵉⵎⵓⴹⵉⵏⴻⵏ ⵢⵓⴹⵏⴻⵏ ⴰⵟⵟⴰⵏⴻⵏ ⵉⵡⴻⵄⵕⴻⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵖⴻⴼ ⵍⴻⵃⵙⴰⴱ ⵏ ⵜⵜⴰⵡⵉⵍⴰⵜ ⴰⵢ ⵢⴻⵍⵍⴰⵏ ⴷⴻⴳ ⵢⵉⵎⵓⴽⴰⵏ-ⴰ ⵏ ⵓⴷⴰⵡⵉ ⵏ ⵉⵍⵍⵉⵣⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⵡⴻⴽⴽⴻⴷ.
