Asebter amenzawi

Tazmert 3 yebrir

Imuzzag deg wussan n tesnujjya d ucelleḥ deg Illizi

Illizi – Azal n tnac n yemsujjiyen imuzzag seg yinurar yemgaraden n tesnujjya, ara yettekkin deg temlilit tis tnac ɣef tesnujjya d ucelleḥ ay d-yebdan ass n ljemɛa deg Illizi, ɣef wakken ay d-nelqeḍ.

« Ad ttekkin, deg temlilit-a ara yeṭṭfen dduṛt, yemsujjiyen d-yusan seg yesbiṭaren yemgaraden n Lezzayer Tamaneɣt yerna d wid yemmuzzgen deg tesnajya n wul, tin n weglim, tasnajya tagensit , tasnajya n tlawin d rebbu », ɣef wakken aɣ-d-tenna tselwayt n tiddukla tadigant Ciffa Duklit ṭtamen Tamezwit, Suraya Buras, yerna d tiddukla-a yessuddsen tadyant-a.

Imsujjiyen-a ttwabḍan ɣef snat n tegrawin akken ad sɛeddin ɣef medden deg wesbiṭar n « Targi Wantimidi » d weɣsur azayez n tdawsa tuqribt « Ibn Sina » akken ad d-sfaydin waṭas n yimuḍinen seg waya, ɣef wakken ay d-tenna Massa Buras.

Iswi n wezwur-a netta d assenqes n leɛtab i yimuḍinen tettarra tmara ad ddun ɣer yesbiṭaren n Ugafa n tmurt, yerna yekcem deg uqaleb n wembaddel n ttejṛibat gar Wenẓul ed Ugafa.

Imsujjiyen-a imuzzag ad gen daɣ, deg uqaleb n wussan-a, timhal n ucelleḥ i kra n yimuḍinen yuḍnen aṭṭanen iweɛṛen, yerna ad d-yili waya ɣef leḥsab n ttawilat ay yellan deg yimukan-a n udawi n Illizi, ɣef wakken ay d-yettwawekked.