ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⴷⴻⴳ ⵙⵟⵉⴼ ⵖⴻⴼ ⵜⵙⴻⵔⵜⵉⵢⵉⵏ ⵏ ⵓⵙⵙⴻⵇⴷⴻⵛ ⵏ ⵜⴻⵖⴱⵓⵍⴰ ⵏ ⵡⴰⴼⵓⴷ
ⵙⴹⵉⴼ – ⵜⵉⵙⴻⵔⵜⵉⵢⵉⵏ ⵏ ⵓⵙⵙⴻⵇⴷⴻⵛ ⵏ ⵜⴻⵖⴱⵓⵍⴰ ⵏ ⵡⴰⴼⵓⴷ ⴳⴰⵔ ⵡⴰⵢⴻⵏ ⵢⴻⵃⵡⴰⵊ ⵓⵏⵏⴻⵔⵏⵉ ⵏ ⵜⵎⵓⵔⵜ ⴷ ⵜⵖⴻⵍⵍⵉⵙ ⵏ ⵢⴻⵙⵔⴰⵜⴻⵏ ⵉⴳⵔⴰⵖⵍⴰⵏⴻⵏ ⴷ ⴰⵙⴻⵏⵜⴻⵍ ⵏ ⵡⴻⵙⴽⴰⵙⵉ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ⴰⵢ ⵙⵙⴻⴼⵔⴰⵏ ⴰⴷ ⵜⵜ-ⴳⴻⵏ ⴰⵙⵙ ⵏ ⵜⵜⵍⴰⵜⴰ ⴷ-ⵉⵜⵜⴻⴷⴷⵓⵏ ⴷⴻⴳ ⵙⵟⵉⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ ⴰⵙⵙ ⵏ ⵍⴻⵅⵎⵉⵙ ⵙⵖⵓⵔ ⵢⴻⵎⵙⵓⴷⴷⵙⴻⵏ ⵏ ⵜⴻⴷⵢⴰⵏⵜ-ⴰ.
ⵉⵎⵜⵜⴻⴽⴽⵉⵢⴻⵏ ⴰⴷ ⵅⴻⴷⵎⴻⵏ ⵍⴰⴷⵖⴰ ⴷⴻⴳ ⵙⵏⴰⵜ ⵏ ⵜⵏⴻⵎⵙⴰⵍⵉⵏ, ⵢⵉⵡⴻⵜ ⵖⴻⴼ « ⵜⵙⴻⵔⵜⵉⵢⵉⵏ ⴻⴷ ⵜⴻⴽⵏⵓⵙⵙⵏⵉⵡⵉⵏ ⵏ ⵓⵖⴻⵍⵍⴻⵜ ⵏ ⵍⴳⴰⵣ ⵏ ⵡⴻⵙⴳⵉⵏ ⴷ ⵡⴰⴼⵓⴷ ⵏ ⵜⴰⴼⵓⴽⵜ ⴻⴷ ⵍⴰⵜⴻⵕ-ⵏⵙⴻⵏ ⴷⴻⴳ ⵜⴷⴰⵎⵙⴰ ⵜⴰⵣⵣⴰⵢⵔⵉⵜ », ⵎⴰ ⴷ ⵡⵉⵙ ⵙⵉⵏ ⴰⴷ ⴷ-ⵢⴻⵍⵀⵓ ⵙ « ⵍⴰⵜⴻⵕ ⴰⵢ ⵢⴻⵣⵎⴻⵔ ⴰⴷ ⵜ-ⵢⴻⵙⵄⵓ ⵡⴻⵏⵇⴰⵙ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ⴷⴻⴳ ⵜⴷⴰⵎⵙⴰ ⵜⴰⴷⵣⴰⵢⵔⵉⵜ ⵙ ⵍⵎⵓⴷⴰ ⵜⵓⵇⵔⵉⴱⵜ ⴻⴷ ⵜⵍⴻⵎⵎⴰⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵏⴷⵖ ⵡⴻⵎⵖⴰⵔ ⵏ ⵜⴻⵙⴷⴰⵡⵉⵜ ⵏ ⵜⵓⵙⵙⵏⵉⵡⵉⵏ ⵜⵉⴷⴰⵎⵙⴰⵏⵉⵏ, ⵜⵉⵎⵙⴻⵏⵣⵉⵢⵉⵏ ⴻⴷ ⵓⵙⵙⴻⴼⵔⴻⴽ ⵏ ⵜⴻⵙⴷⴰⵡⵉⵜ ⵏ ⵙⵟⵉⴼ-1, ⵎⴰⵙⵙ ⵙⴰⵍⴰⵀ ⵙⴰⵍⵀⵉ.
ⵉⵙⵡⴰⵏ ⵏ ⵜⴻⵎⵍⵉⵍⵉⵜ-ⴰ ⵔⵣⴰⵏ ⵕⴻⴱⵄⴰ ⵏ ⵜⴻⵎⵙⴰⵍ ⵜⵉⵎⴻⵇⵔⴰⵏⵉⵏ, ⵏⵉⵜⴻⵏⵜⵉ ⴷ ⵜⴰⵎⵓⵙⵙⵏⵉ ⵏ ⵜⵣⴻⵎⵎⴰⵔ ⵜⵉⴳⴰⵎⴰⵏⵉⵏ ⴰⵢ ⵉⵡⴻⵊⴷⴻⵏ ⴰⵎ ⵍⵄⵓⵍⴰ ⵏ ⵓⵒⵉⵜⵕⵓⵍ, ⵍⴳⴰⵣ ⴰⴳⴰⵎⴰⵏ ⴻⴷ ⵍⴳⴰⵣ ⵏ ⵡⴻⵙⴳⵉⵏ, ⴰⵇⴻⵢⵢⴻⵎ ⵏ ⵍⴰⵜⴻⵕ ⴰⵢⵢⴻⵙ ⴰⵔⴰ ⴷ-ⵢⴻⴳⵍⵓ ⵡⴻⵏⵇⴰⵙ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ⴷⴻⴳ ⵜⴷⴰⵎⵙⴰ ⵜⴰⴷⵣⴰⵢⵔⵉⵜ ⴰⴽⴽⴻⴷ ⵍⴰⵜⴻⵕ ⴰⵔⴰ ⵢⴻⵙⵄⵓ ⵡⴰⵢⴰ ⵖⴻⴼ ⵡⴰⵀⵉⵍⴻⵏ ⵏ ⵓⵙⵙⴻⴼⵜⵉ ⴰⵣⴰⵢⴻⵣ , ⴰⴽⴽⴻⴷ ⵡⴻⴱⴷⴰⵔ ⵏ ⵜⴻⴽⵏⵓⵙⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⵔⵣⴰⵏ ⴰⵊⴱⴰⴷ ⴻⴷ ⵓⴼⴰⵔⴻⵙ ⵏ ⵓⵒⵉⵜⵕⵓⵍ ⴻⴷ ⵍⴳⴰⵣ ⵏ ⵡⴻⵙⴳⵉⵏ, ⵜⴰⵎⴻⵍⵍⵉⵍⵜ-ⵏⵙⴻⵏⵜ ⴷ ⵡⴰⵎⴻⴽ ⴰⵔⴰ ⵜⴻⵙⵙⵉⵡⴻⴹ ⵍⴻⵣⵣⴰⵢⴻⵔ ⴰⴷ ⵜⴼⴰⵕⴻⵙ ⵙⴻⴳ ⵡⴰⵢⴰ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ.
ⵡⵉⴷ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⴰⴷ ⴷ-ⵇⴻⴷⴷⵎⴻⵏ ⵜⴰⵎⵓⵖⵍⵉ ⴰⵔⴰ ⵢⴻⵎⵚⴰⴷⴰⵏ ⴻⴷ ⵜⵉⴽⵍⵉⵡⵉⵏ ⵉⴳⴻⵔⵔⵣⴻⵏ ⴰⴽⴽ ⵉ ⵍⵎⴻⵏⴷ ⵏ ⵓⵖⴻⵍⵍⴻⵜ ⴰⵔⴰ ⵉⴷⵓⵎⴻⵏ ⵏ ⵜⴻⵖⴱⵓⵍⴰ ⵏ ⵡⴰⴼⵓⴷ ⴷⴻⴳ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵜⵎⵓⵔⵜ ⴰⴷ ⴷ-ⵜⴻⴳ ⵜⴰⵏⴹⴰ ⴷⴻⴳ ⵜⴷⴰⵎⵙⴰ-ⵏⵏⴻⵙ ⴰⴽⴽⴻⴷ ⵡⴻⵎⵏⴻⴽⵏⵉ ⴳⴰⵔ ⵡⴰⵢⴻⵏ ⴰⵢ ⵜⴻⵃⵡⴰⵊ ⵜⵎⵓⵔⵜ ⵉ ⵓⵏⵏⴻⵔⵏⵉ-ⵏⵏⴻⵙ ⴰⵔⴰ ⵉⴷⵓⵎⴻⵏ ⴻⴷ ⵡⴻⴹⵎⴰⵏ ⵏ ⵡⴰⵢⴻⵏ ⴰⵔⴰ ⵜⴻⵃⵡⵉⵊ ⴷ ⴰⴼⵓⴷ ⴷⴻⴳ ⵍⴻⵙⵡⴰⵇ ⵉⴳⵔⴰⵖⵍⴰⵏⴻⵏ.
ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⵙ ⵡⴻⵎⵄⴰⵡⴻⵏ ⴰⴽⴽⴻⴷ ⵢⵉⵏⴻⴳⵎⵉ ⵏ ⵜⵉⵛⵛⵓⵔⴽⴰ ⴻⴷ ⵓⵙⵙⴻⴼⵜⵉ ⴷⴻⴳ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴻⴷ ⵜⵍⴻⵎⵎⴰⵙⵉⵏ ⴷⴻⴳ ⵜⵓⵕⵓⴼⵜ ⴻⴷ ⵍⵎⴻⵖⵔⴻⴱ ⴰⴽⴽⴻⴷ ⵜⴻⴳⵔⴰⵡⵜ ⵏ ⵓⵏⴰⴷⵉ « ⵜⵉⵛⵛⵓⵔⴽⴰ ⵜⵓⵕⵓⴼⵜ-ⵍⴻⵣⵣⴰⵢⴻⵔ ⴷⴻⴳ ⵡⴻⵏⵔⴰⵔ ⵏ ⵡⴻⴹⵎⴰⵏ ⴰⴷⵓⵎⴰⵏ ⵏ ⵡⴰⴼⵓⴷ ».
