Asebter amenzawi

Timlilit deg Sṭif ɣef tsertiyin n usseqdec n teɣbula n wafud

Sḍif – Tisertiyin n usseqdec n teɣbula n wafud gar wayen yeḥwaj unnerni n tmurt d tɣellis n yesraten igraɣlanen d asentel n weskasi ara d-yilin deg temlilit tussnant ay ssefran ad tt-gen ass n ttlata d-itteddun deg Sṭif, ɣef wakken ay d-nettwaxebber ass n lexmis sɣur yemsuddsen n tedyant-a.

Imttekkiyen ad xedmen ladɣa deg snat n tnemsalin, yiwet ɣef « tsertiyin ed teknussniwin n uɣellet n lgaz n wesgin d wafud n tafukt ed lateṛ-nsen deg tdamsa tazzayrit », ma d wis sin ad d-yelhu s « Lateṛ ay yezmer ad t-yesɛu wenqas n ssuma n upitṛul deg tdamsa tadzayrit s lmuda tuqribt ed tlemmast », ɣef wakken ay d-yenna i NDɣ wemɣar n tesdawit n Tussniwin tidamsanin, timsenziyin ed ussefrek n tesdawit n Sṭif-1, Mass Salah Salhi.

Iswan n temlilit-a rzan ṛebɛa n temsal timeqranin, nitenti d tamussni n tzemmar tigamanin ay iwejden am lɛula n upitṛul, lgaz agaman ed lgaz n wesgin, aqeyyem n lateṛ ayyes ara d-yeglu wenqas n ssuma n upitṛul deg tdamsa tadzayrit akked lateṛ ara yesɛu waya ɣef wahilen n ussefti azayez , akked webdar n teknussniwin timaynutin ay yerzan ajbad ed ufares n upitṛul ed lgaz n wesgin, tamellilt-nsent d wamek ara tessiweḍ Lezzayer ad tfaṛes seg waya, ɣef leḥsab n teɣbalut-a.

Wid ara yettekkin deg temlilit-a n sin n wussan ad d-qeddmen tamuɣli ara yemṣadan ed tikliwin igerrzen akk i lmend n uɣellet ara idumen n teɣbula n wafud deg Ldzayer akken ad tessiweḍ tmurt ad d-teg tanḍa deg tdamsa-nnes akked wemnekni gar wayen ay teḥwaj tmurt i unnerni-nnes ara idumen ed weḍman n wayen ara teḥwij d afud deg leswaq igraɣlanen.

Timlilit-a tella-d s wemɛawen akked Yinegmi n ticcurka ed ussefti deg tkebbaniyin timeẓyanin ed tlemmasin deg Tuṛuft ed Lmeɣreb akked Tegrawt n unadi « ticcurka Tuṛuft-Lezzayer deg wenrar n weḍman aduman n wafud ».