ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴷⴰⵎⵙⴰ

ⵍⴰⵕⴻⴱⵄⴰ, 08 ⵢⴻⴱⵔⵉⵔ 2015 13:12

ⴰⵅⴻⴷⴷⵉⵎ: ⵏⵉⵛⵧⵍⴰⵙ ⵙⵛⵀⵎⵉⵜⵉⴳⴻⵔ-ⴷ ⵜⵉⵖⵔⵉ ⵉ “ⵡⵓⴳⴰⵔ” ⵡⴻⵎⵄⴰⵡⴻⵏⴳⴰⵔⵜⴷⵓⴽⵍⵉⵜⵓⵕⵓⴼⵉⵜⴻⴷⵍⵎⴻⵖⵔⴻⴱ

ⴰⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⵏ ⵓⵙⵙⴻⵎⵔⴻⵙ ⴷ ⵜⴷⴰⵎⵙⴰ ⵜⴰⵏⵎⴻⵜⵜⵉⵜ ⵏ ⵍⵓⵅⴻⵎⴱⵧⵓⵔⴳ, ⵏⵉⵛⵧⵍⴰⵙ ⵙⵛⵀⵎⵉⵜ, ⵉⴳⴰ-ⴷ ⵜⵉⵔⵣⵉⵖⴻⵔ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ ⴷ-ⵢⴻⵍⵍⴰⵏ ⴷⴻⴳ ⵙⴰⴼⴻⵅ (ⵍⴻⵣⵣⴰⵢⴻⵔⵜⴰⵎⴰⵏⴻⵖⵜ).

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⵏ ⵓⵙⵙⴻⵎⵔⴻⵙ ⴷ ⵜⴷⴰⵎⵙⴰ ⵜⴰⵏⵎⴻⵜⵜⵉⵜ ⵏ ⵍⵓⵅⴻⵎⴱⵧⵓⵔⴳ, ⵏⵉⵛⵧⵍⴰⵙ ⵙⵛⵀⵎⵉⵜ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵍⴰⵕⴻⴱⵄⴰ ⵉ « ⵡⵓⴳⴰⵔ » ⵏ ⵡⴻⵎⵄⴰⵡⴻⵏ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜⴻⴷ ⵜⵎⵓⵔⴰ ⵏ ⵍⵎⴻⵖⵔⴻⴱ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ.

« ⵢⴻⵙⵙⴻⴼⴽ ⵡⵓⴳⴰⵔ ⵏ ⵡⴻⵎⵄⴰⵡⴻⵏ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵜⵎⵓⵔⴰ ⵏ ⵍⵎⴻⵖⵔⴻⴱ », ⴰⵢ ⴷ-ⵢⴻⵏⵏⴰ ⵢⴻⵎⴹⴻⴱⴱⴻⵔ-ⴰ ⴷ-ⵉⴳⴰⵏ ⵜⵉⵔⵣⴰ ⵖⴻⴼ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ ⵍⴰ ⴷ-ⵢⴻⵜⵜⵉⵍⵉⵏ ⵙⴻⴳ 5 ⵖⴻⵔ 12 ⵢⴻⴱⵔⵉⵔ 2015 ⴷⴻⴳ ⵙⴰⴼⴻⵅ, ⴰⵎ ⵡⴰⴽⴽⴻⵏ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ « ⵍⵍⴰⵏ ⵢⵉⵙⴻⵏⴼⴰⵔⴻⵏ ⴰⵢ ⵢⵓⴽⵍⴰⵍⴻⵏ ⴰⴷ ⵜⵜⵡⴰⵙⴱⴻⵖⵙⴻⵏ  ».

ⴰⵏⴻⵖⵍⴰⴼ ⴰⵍⵓⵅⴻⵎⴱⵧⵓⵔⴳⵉ ⴷ-ⵢⴻⵏⵏⴰⵏ ⴷ ⴰⴽⴽⴻⵏ « ⵢⴻⵡⵀⴻⵎ » ⵙ « ⵜⴷⵉⵏⴰⵎⵉⵜ ⵏ ⵢⵉⵍⴻⵎⵥⵉⵢⴻⵏ ⵉⴷⵣⴰⵢⵔⵉⵢⴻⵏ ⵍⴰ ⵢⴻⵜⵜⴰⴷⴷⴰⵎⴻⵏ ⵉⵎⴰⵍ-ⵏⵙⴻⵏ ⴳⴰⵔ ⵢⵉⴼⴰⵙⵙⴻⵏ-ⵏⵙⴻⵏ”, ⵢⴻⵙⵙⴻⴱⵖⴻⵙ ⵉⵎⴹⴻⴱⴱⵔⴻⵏ ⵉⴷⵣⴰⵢⵔⵉⵢⴻⵏ ⴰⴽⴽⴻⵏ « ⴰⴷ ⵙⵏⴻⵔⵏⵉⵏ ⴰⵕⵎⴰⵙ » ⵢⴻⵔⵏⴰ « ⴰⴷ ⵄⴰⵡⵏⴻⵏ ⵉⵍⴻⵎⵥⵉⵢⴻⵏ ⵢⴻⴱⵖⴰⵏ ⴰⴷ ⴷ-ⵙⵏⵓⵍⴼⵓⵏ ⵜⵉⴽⴻⴱⴱⴰⵏⵉⵢⵉⵏ ».

ⵏⵉⵛⵧⵍⴰⵙ ⵙⵛⵀⵎⵉⵜ ⵢⴻⴷⴷⴰ-ⴷ ⵢⵉⴷ-ⵙ, ⴷⴻⴳ ⵜⵓⵣⵣⵢⴰ-ⴰ ⵏⵜⵎⴻⵙⵔⵉⵜ ⵏ ⵓⵙⵙⴻⵎⵔⴻⵙ, ⵓⵏⴻⵎⵀⴰⵍ ⴰⵎⴰⵜⵓ ⵏ ⴰⵏⴻⵎ (ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵎⵔⴻⵙ), ⵎⵧⵀⴰⵏⴷ ⵜⴰⵀⴰⵔ ⵛⵀⴰⵍⵍⴰⵍ, ⴰⵏⴻⵎⵀⴰⵍ ⴰⵎⴰⵜⵓ ⵏ ⴰⵏⵙⴻⵊ (ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵄⴰⵡⴻⵏ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ), ⵎⵧⵓⵔⴰⴷ ⵣⴻⵎⴰⵍⵉ ⴻⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵛⵏⴰⵛ (ⴰⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⵏ ⵜⵔⴻⴱⴱⴰⵡⵜ), ⵜⴰⵍⴻⴱ ⴰⵀⵎⴻⴷ ⵛⵀⴰⵡⴽⵉ.

ⵏⵉⵛⵧⵍⴰⵙ ⵙⵛⵀⵎⵉⵜ ⵢⴻⵎⵎⵓⴳⴻⵔ-ⵉⵜ ⵢⴰⴳⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵔⵏⴰ ⴰⵜⴰⵏ ⴷⴻⴳ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵏ ⵜⵙⴻⵍⵡⵉⵜ ⵜⴰⵍⵓⵅⴻⵎⴱⵧⵓⵔⴳⵉⵜ ⴷⴻⴳ ⵜⴷⵓⴽⵍⵉ ⵜⵓⵕⵓⴼⵉⵜ ⴷⴻⴳ ⵡⴻⵎⵙⴻⴷⴷⵉⵙ ⵡⵉⵙ ⵙⵉⵏ ⵏ 2015.