ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⵕⴻⴱⵄⴰ , 8 ⵢⴻⴱⵔⵉⵔ 2015 14:17
ⵜⴰⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵡⴻⵙⵏⴻⵔⵏⵉ (ⴱⴰⴷ): ⴰⴱⴷⴰⵄ ⴷ ⵢⵉⵡⴻⵏ ⵙⴻⴳ ⵢⵉⴱⴻⵔⴷⴰⵏ ⵏ ⵓⵙⵙⴻⵍⵀⵓ ⵏ ⵓⴼⴰⵔⴻⵙ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ
ⵜⵓⵏⴻⵙ – ⴰⵙⵙⴻⵊⵀⴻⴷ ⵏ ⵡⴻⴱⴷⴰⵄ ⴷⴻⴳ ⵜⵎⵓⵔⴰ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵜⴰⵖⴰⵡⴰ ⴰⵢ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴷⴻⴳ ⵓⵙⵙⴻⵍⵀⵓ ⵏ ⵓⴼⴰⵔⴻⵙ, ⵖⴻⴼ ⵡⴰⴽⴽⴻⵏ ⴷ-ⵜⵡⴻⴽⴽⴻⴷ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵡⴻⵙⵏⴻⵔⵏⵉ (ⴱⴰⴷ) ⴷⴻⴳ ⵢⵉⵡⴻⵜ ⵏ ⵜⴻⵙⵍⴻⴹⵜ ⵖⴻⴼ ⵓⴼⴰⵔⴻⵙ ⴷⴻⴳ ⵜⵎⵓⵔⴰ ⵏ ⵜⴰⵎⴰ-ⴰ.
ⵜⴰⵣⵔⴰⵡⵜ ⵏ ⵜⴱⴰⵏⴽⴰ-ⴰ ⵜⴰⵡⴰⵥⵉⵜ ⴷ ⵜⵉⵏ ⴰⵢ ⵢⴻⵙⴱⴰⵏⴻⵏ ⵜⵉⵖⴰⵡⵙⵉⵡⵉⵏ ⵢⴻⵜⵜⵓⵔⴰⵔⴻⵏ ⴷⴷⵓⵕ ⴷⴻⴳ ⵡⴻⴱⴷⴰⵄ ⴻⴷ ⵍⴰⵜⴻⵕ ⴰⵢ ⵢⴻⵙⵄⴰ ⵡⴰⵢⴰ ⵖⴻⴼ ⵡⴰⵢⴻⵏ ⴰⵢ ⴷ-ⵢⴻⵜⵜⴰⴽⴼⴻⵏ ⵜⴽⴻⴱⴱⴰⵏⵉⵢⵉⵏ, ⵢⴻⵔⵏⴰ ⵜⴻⴱⴷⴻⵔ-ⴷ, ⴷⴻⴳ ⵡⴰⵢⴰ, ⵉⵎⴻⴷⵢⴰⵜⴻⵏ ⵏ ⵍⴻⵣⵣⴰⵢⴻⵔ ⴷ ⵎⴰⵚⴻⵔ, ⴰⵎ ⵡⴰⴽⴽⴻⵏ ⴷ-ⵜⴳⴻⵔ ⵜⴰⵎⴰⵡⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵢⵉⵏⴰⴳⵔⴰⵡⴻⵏ ⵉⵖⴻⵍⵏⴰⵡⴻⵏ ⵏ ⵡⴻⴱⴷⴰⵄ.
ⵉ ⵍⵎⴻⵏⴷ ⵏ ⵓⵙⵙⴰⴽⵉ ⵏ ⵡⴻⴱⴷⴰⵄ, ⵜⴰⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵡⴻⵙⵏⴻⵔⵏⵉ ⵜⴻⴼⴽⴰ ⴰⵣⴰⵍ ⵉ ⵓⵙⵙⴻⵊⵀⴻⴷ ⵏ ⵡⴻⵏⴱⴰⴹ ⵏ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵡⴻⴱⴷⴰⵄ ⴻⴷ ⵓⵙⵙⴻⵊⵀⴻⴷ ⵏ ⵓⵏⴰⴷⵉ ⴻⴷ ⵡⴻⵕⵎⴰⵙ ⴰⴽⴽⴻⵏ ⵙⵉⵏ-ⴰ ⵏ ⵢⴻⵃⵔⵉⵛⴻⵏ ⵓⵔ ⵜⵜⵖⵉⵎⵉⵏ ⴰⵔⴰ ⵡⴰ ⵢⴻⵄⵣⴻⵍ ⵖⴻⴼ ⵡⴰⵢⴻⴹ, ⵢⴻⵔⵏⴰ ⴰⴷ ⴷ-ⵢⵉⵍⵉ ⴳⴰⵔ-ⴰⵙⴻⵏ ⵡⵓⴳⴰⵔ ⵏ ⵡⴻⵎⵄⴰⵡⴻⵏ.
ⵢⴻⵙⵙⴻⴼⴽ ⴷⴰⵖ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵡⴻⵍⵎⵓⴷ ⵉⵎⵉⵏⴻⴳ ⴷ ⵓⵙⵙⵉⵍⴻⵖ ⴰⵎⵙⴰⴷⵓⵔ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵣⴻⵎⵎⴰⵔ ⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⴷ-ⵜⵜⴻⴽⴽⴰⵢⴻⵏ ⵅⵉⵔ ⴷⴻⴳ ⵓⴼⴰⵔⴻⵙ, ⵖⴻⴼ ⵡⴰⴽⴽⴻⵏ ⴷ-ⵜⴻⵔⵏⴰ ⵜⴱⴰⵏⴽⴰ.
ⵜⴻⵙⵙⵓⵎⴻⵔ-ⴷ ⴷⴰⵖ ⵜⴱⴰⵏⴽⴰ ⴰⴷ ⴷ-ⵉⵍⵉⵏ ⵡⴰⵀⵉⵍⴻⵏ ⴰⵔⴰ ⵢⴻⵜⵜⴳⴻⵏ ⵉⴼⴰⴷⴷⴻⵏ ⵢⴻⵔⵏⴰ ⴰⴷ ⴷ-ⵊⴻⴱⴷⴻⵏ ⵉⵙⵙⴻⴼⵜⵉⵢⴻⵏ ⵓⵙⵔⵉⴷⴻⵏ ⵉⴱⴻⵕⵕⴰⵏⵉⵢⴻⵏ ⴰⵢ ⴷ-ⵉⴱⴻⴷⴷⵄⴻⵏ ⵍⴰⴷⵖⴰ ⵜⵉⴷ ⴰⵢ ⵢⴻⵙⵄⴰⵏ ⵍⴼⴰⵢⴷⴰ ⴷ ⵜⴰⵎⴻⵇⵔⴰⵏⵜ ⵢⴻⵔⵏⴰ ⴹⴹⴼⴻⵏⵜ ⴰⵎⴽⴰⵏ-ⵏⵙⴻⵏⵜ ⴰⴽⴽⴻⵏ ⵢⴻⵙⵙⴻⴼⴽ ⴷⴻⴳ ⵜⴷⴰⵎⵙⴰ ⵜⴰⴷⵉⴳⴰⵏⵜ.
ⵙⴻⴳ ⵜⴰⵎⴰ ⵏⵉⴹⴻⵏ, ⴰ ⵡⵉⵏ ⵢⵓⴼⴰⵏ, ⵜⵉⵎⵓⵔⴰ ⵏ ⵜⴰⵎⴰ-ⴰ ⴰⴷ ⴷ-ⵙⴱⴻⴷⴷⴻⵏⵜ ⵢⴻⵔⵏⴰ ⴰⴷ ⵄⴰⵡⵏⴻⵏⵜ ⵉⴱⴻⵔⴷⴰⵏ ⴰⵔⴰ ⵢⴻⵊⵊⴻⵏ ⴰⴷ ⴷ-ⵉⵍⵉⵏ ⵍⴻⵄⵇⵓⴷⴰⵜ ⴷⴻⴳ ⵢⵉⵏⵓⵔⴰⵔ ⵏ ⵜⵓⵙⵙⵏⴰ ⴻⴷ ⵜⴻⴽⵏⵓⵙⵙⵏⴰ ⴳⴰⵔ ⵡⴰⵎⵎⴰⵙⴻⵏ ⵏ ⵓⵏⴰⴷⵉ, ⵜⵉⵙⴷⴰⵡⵉⵢⵉⵏ, ⵜⵉⴽⴻⴱⴱⴰⵏⵉⵢⵉⵏ ⵜⵉⴷⵉⴳⴰⵏⵉⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵙⵏⵓⵍⴼⵓⵏⵜ ⴰⴽⴽⴻⴷ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵢⴻⴱⵖⴰⵏ ⴰⴷ ⵙⴳⵉⵊⵊⴻⵏⵜ ⵉⵅⴻⴷⴷⵉⵎⴻⵏ-ⵏⵙⴻⵏⵜ ⵏ ⵓⵏⴰⴷⵉ ⴻⴷ ⵡⴻⵙⵏⴻⵔⵏⵉ ⵖⴻⵔ ⵜⵎⵓⵔⴰ ⵏⵉⴹⴻⵏ.
ⴰⵃⵔⵉⵛ-ⴰ ⴰⵏⴻⴳⴳⴰⵔⵓ ⵓⵔ ⴷ-ⵢⴻⴳⵍⵉ ⴰⵔⴰ ⵙ ⵡⴻⴱⴷⴰⵄ ⴷⴻⴳ ⵜⵎⵓⵔⴰ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵙⵃⴰⵙⵙⴻⴼ ⵜⴱⴰⵏⴽⴰ ⵜⴰⴼⵔⵉⵇⵉⵜ ⵏ ⵡⴻⵙⵏⴻⵔⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⴰⵢⴰ ⵢⴻⵜⵜⵉⵍⵉ-ⴷ ⵙ ⵜⵓⴷⴷⵎⴰ ⴻⴷ ⵓⵙⵙⴻⵣⴳⵉ ⵏ ⵜⴻⴽⵏⵓⵙⵙⵏⵉⵡⵉⵏ ⴰⵢ ⴷ-ⵢⴻⵜⵜⵏⵓⵍⴼⵓⵏ ⴰⵏⴷⴰ ⵏⵉⴹⴻⵏ ⵙ ⵡⴻⴱⵔⵉⴷ ⵏ ⵡⴻⵍⵎⴰⴷ ⴻⴷ ⵓⵙⵙⴻⴱⵍⴻⵄ, ⵢⴻⵔⵏⴰ ⴰⵢⴰ ⵢⴻⵃⵡⴰⵊ ⴰⵙⵙⵉⵍⴻⵖ ⵉⴳⴻⵔⵔⵣⴻⵏ ⵓⴳⴰⵔ ⵏ ⵢⵉⵅⴻⴷⴷⴰⵎⴻⵏ ⴻⴷ ⵓⵚⴻⴳⴳⴻⵎ ⵏ ⵜⵡⴻⵏⵏⴰⴹⵜ ⵏ ⵓⵙⵙⴻⴼⵜⵉ.
