ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵔⵡⴰ ⵏ ⵓⴳⴰⴼⴰ ⵏ ⵜⴻⴼⵔⵉⵇⵜ ⵉⵎⵓⵖⵜⴰⵔⴱⴻⵏ ⴷⵉ ⴰⵍ-ⵢⴰⵎⴻⵏ ⵏⴻⵎⵎⵔⴻⵏ ⴷⴷⵓⵔ ⵏ ⴷⵣⴰⵢⴻⵔ ⵖⴻⴼ ⵓⵙⴻⵎⵏⴻⵄ-ⵏⵏⵙⴻⵏ

ⴷⵣⴰⵢⴻⵔ – ⵏⴻⵎⵎⵔⴻⵏ ⵜⴰⵔⵡⴰ ⵏ ⵓⴳⴰⴼⴰ ⵏ ⵜⴻⴼⵔⵉⵇⵜ ⵢⴻⵜⵜⴻⴷⴷⵔⴻⵏ ⴷⵉ ⴰⵍ-ⵢⴰⵎⴻⵏ ⵖⴻⴼ ⵓⵙⴻⵎⵏⴻⵄ-ⵏⵏⵙⴻⵏ ⵖⴻⵔ ⵜⵎⵓⵔⵜ-ⵏⵏⴻⵖ ⴰⵙⵙ ⵏ ⵙⵙⴰⴱⵜ. ⵙⴷⴻⴼⴼⴻⵔ ⵏ ⵜⵎⴻⵏⵖⵉⵡⵉⵏ ⵢⴻⵙⵙⵓⴷⵔⴻⵏⵜ ⵍⵇⴰⵍⵜ ⵏ ⵍⴰⵎⴰⵏ ⴷⵉ « ⵙⴰⵏⵄⴰ ». ⵎⴰⵏⵉ ⵙⵜⴰⵄⵔⴼⴻⵏ ⵢⵓⴷⴰⵏ-ⴰⵢ ⵢⴻⵜⵜⵓⴼⵓⴽⴽⴻⵏ ⵙ ⵜⵉⴽⵍⵉ ⴰ ⵜⵓⴳⵓⵔ ⴷⵣⴰⵢⴻⵔ ⴷⵉ ⵜⴻⵎⵙⴰⵍⵜ-ⴰⵢⴰ, ⵖⴻⴼ ⵍⴰⵃⵙⴰⴱ-ⵏⵏⵙⴻⵏ ⴳⵉ ⴷ-ⵓⵜⵍⴰⵢⴻⵏ ⵉ « ⴰⵒⵙ ». ⵎⴰⵏⵉ ⴰⴷ ⵏⴰⴼ ⵀⵉⴱⴰ ⴼⴻⵔⵃⴰⵜ ⵙⵉ ⵜⵓⵏⴻⵙ ⴷ ⵜⴰⵄⴻⵣⵔⵉⵜ ⵍⴰⵍ ⵏ ⵡⵉⵙ 21 ⵏ ⵢⵉⵙⴻⴳⴳⴰⵙⴻⵏ. ⴷ ⵜⴰⵏⴻⵍⵎⴰⴷⵜ ⴷⴻⴳ ⵜⵓⵙⵙⵏⴰ ⴷ ⵓⴷⴰⵡⵉ ⵜⴻⵏⵏⴰⴷ « ⵜⴰⵏⴻⵎⵎⵉⵔⵜ ⵉ ⵙⴰⴼⴰⵔⵜ ⵏ ⴷⵣⴰⵢⴻⵔ ⴷⵉ ⴰⵍ-ⵢⴰⵎⴻⵏ ⵢⴻⵍⵍⴰⵏ ⵙ ⵍⴰⵊⵀⵓⴷ-ⵏⵏⴻⵙ ⵔⴳⴻⵖ-ⴷ ⵅⴰⵜⴻⵔ ⵍⴰⵎⴰⵏ ⴷⴻⴳ-ⵙ ⵓⵔ ⵢⴻⵍⵍⵉ », ⵜⴻⵔⵏⵉ ⵜⴻⵏⵏⴰⴷ « ⵜⵡⴰⵡⵜⴻⵖ ⵖⴻⴼ ⵓⴼⵓⵙ ⵏ ⵜⴰⵔⴱⴰⵄⵜ ⵜⵉⵎⵙⴻⵍⵃⴻⵜ ⴷⵉ ⵙⴰⵏⵄⴰ » ⵎⴰ ⵢⴻⵍⵍⴰ ⵎⴰⵙⵙ ⵢⴻⵙⵍⴰⵎ ⵃⴰⵎⵓⴷ ⵙⴻⴳ ⵎⵓⵔⵉⵜⴰⵏⵢⴰ ⵉⵍⴰ-ⵏⵏⴻⵙ ⵡⵉⵙ 30 ⴷ ⵢⵉⵙⴻⴳⴳⴰⵙⴻⵏ. ⵢⴻⵍⵍⴰ ⵉⵅⴻⴷⴷⴻⵎ ⴷⵉ ⵜⵉⴷⴷⵓⴽⵍⴰ ⵏ ⵓⵙⴰⵄⴻⴼ ⵏ ⵢⵓⴷⴰⵏ ⵎⴰⵏⵉ ⴰⴽⴽ ⴷ ⵏⴻⵜⵜⴰ ⵉⵏⴻⵎⵎⴻⵔ ⴷⵣⴰⵢⴻⵔ ⵏⴻⵣⵣⴻⵀ ⵖⴻⴼ ⵓⵙⴻⵎⵏⴻⵄ ⵏ ⵢⵓⴷⴰⵏ ⵉⴱⴻⵔⵔⴰⵏⴻⵢⴻⵏ ⵢⴻⵜⵜⴻⴷⴷⵔⴻⵏ ⴷⵉ ⴰⵍ-ⵢⴰⵎⴻⵏ. ⴰⵔⵏⵉ ⵢⴻⵙⵙⵜⴰⵄⵔⴻⴼ ⵙ ⵡⴰ ⵢⴻⵙⵙⴳⵓⵔⴰⵢⴻⵏ ⴷⵉ ⵜⵎⴰⴼⴰⴳⵜ ⵏ ⴷⵣⴰⵢⴻⵔ ⵉⵔⴻⴼⴼⴷⴻⵏ ⵉⵎⵙⴻⴱⵔⵉⴷⴻⵏ ⴷⵉ ⵍⴰⵃⴰⵡⵍ ⵓⵄⵔⴻⵏⵜ. Ɣⴻⴼ ⵓⵖⵉⵔ ⵢⵉⵛⵜ ⵎⴰⵙⵙⴰ ⵏⵉⵙⵙⴰ ⵙⴻⴳ ⵎⴰⵕⵕⵓⴽ ⵖⴻⵔ-ⵙ ⵙⴻⵏ ⵏ ⵜⴰⵔⵡⴰ-ⵏⵏⴻⵙ « ⵜⵏⴻⵎⵎⴻⵔ ⴷⴷⵓⵍⵜ ⵏ ⴷⵣⴰⵢⴻⵔ ⵖⴻⴼ ⵓⵙⵓⵔⵉⴼ-ⴰⵢ » ⵎⴰ ⵢⴻⵍⵍⴰ ⵎⵓⵃⴰⵎⴻⴷ ⵅⴰⵎⴻⵙ ⵙⴻⴳ ⵜⵓⵏⴻⵙ ⴷ ⴰⵄⴻⵣⵔⵉ ⴱⵓ ( 27 ⵏ ⵢⵉⵙⴻⴳⴳⴰⵙⴻⵏ ) ⵢⴻⵍⵍⴰ ⵉⵅⴻⴷⴷⴻⵎ ⴷⵉ ⵜⵜⵉⵊⴰⵔⵜ ⴷⵉ ⴰⵍ-ⵢⴰⵎⴻⵏ ⵢⴻⵏⵏⴰⴷ « ⴰⵙⵙ-ⴰ ⴳⵉ ⵏⴻⵞⵞ ⴷⵉ ⴷⵣⴰⵢⴻⵔ, ⵢⴻⵄⵏⵉ ⵏⴻⵞⵞ ⴷⵉ ⵍⴰⵀⵏⴰ ⴷ ⵍⴰⵎⴰⵏ ». ⴰⴷ ⵏⴻⵙⵎⴻⴽⵜⵉ ⴰⵙⵓⵔⵉⴼ-ⴰⵢ ⵏ ⵓⵙⴻⵎⵏⴻⵄ ⴷⴻⴳ-ⵙ ⵡⵉⵙ 160 ⵢⵉⴷⵣⵉⵔⴻⵢⴻⵏ, ⴷ ⵡⵉⵙ 40 ⵢⵉⵜⵓⵏⵙⴻⵢⴻⵏ, ⴷ ⵡⵉⵙ 15 ⵢⵉⵎⵓⵔⵉⵜⴰⵏⴻⵢⴻⵏ, ⴷ ⵡⵉⵙ 8 ⵢⵉⵍⵉⴱⴻⵢⴻⵏ, ⴷ ⵡⵉⵙ 3 ⵢⵉⵎⴻⵕⵕⵓⴽⴻⵢⴻⵏ, ⴰⵔⵏ-ⴰⵙ ⵡⵉⵛⵜ ⴷ ⴰⴼⴰⵍⴰⵙⵜⵉⵏⵉ. ⵢⵓⴷⴰⵏ-ⴰⵢⴰ ⴳⵉ ⴰⵡⴹⴻⵏ ⵖⴻⵔ ⵓⵎⴰⴼⴰⴳ ⵏ ⵀⴰⵡⴰⵔⵉ ⴱⵓⵎⴻⴷⵢⴻⵏ ⵍⴰⵇⵇⴰⵏ-ⵀⴻⵏ ⵓⵏⴻⵖⵍⴰⴼ ⵏ ⵍⵓⵎⵓⵔ ⵏ ⴱⴻⵔⵔⴰ ⵎⴰⵙⵙ ⵔⴰⵎⴹⴰⵏ ⵍⴰⵄⵎⴰⵎⵔⴰ ⴷ ⵜⵏⴻⵖⵍⴰⴼⵜ ⵏ ⵜⴰⴹⴰⵎⴻⵏ ⴰⵖⴻⵍⵏⴰⵡ ⴷ ⵜⵡⴰⵛⵓⵍⵜ ⴷ ⵍⵓⵎⵓⵔ ⵏ ⵜⵎⴻⵟⵟⵓⵜ ⵎⴰⵙⵙⴰ ⵎⵓⵏⵢⴰ ⵎⴰⵙⵍⴻⵎ. ⵓ ⴷⵉ ⵜⵎⵓⵔⴳⵉⵜ-ⴰⵢⴰ ⵢⴻⵏⵏⴰⴷ ⵎⴰⵙⵙ ⵍⴰⵄⵎⴰⵎⴰⵔⴰ ⴷⵉ ⵜⴻⵎⵍⵉⵍⵉⵜ ⵢⵉⴷ ⵏ ⵜⵖⴰⵎⵙⴰ : « ⵙ ⵍⴰⵊⵀⵓⴷ ⵉⵄⴻⵔⵔⵎⴻⵏ ⵏ ⵎⴻⵏⵏⴰⵡⵜ ⵏ ⵢⵉⵃⵔⵉⵛⴻⵏ ⵏ ⴷⴷⵓⵍⵜ ⵏⴻⵡⵡⴻⴹ ⵖⴻⵔ ⵓⵙⴻⵎⵏⴻⵄ ⵙⴻⴳ ⴰⵍ-ⵢⴰⵎⴻⵏ ⴰⵎⴰ ⴷ ⵢⵉⴷⵣⵉⵔⴻⵢⴻⵏ ⴷ ⵍⴰⴽ ⴷ ⵉⴱⴻⵔⵔⴰⵏⴻⵢⴻⵏ ⵉⵅⴻⴷⴷⵎⴻⵏ ⴷⵉⵏⵏⵉ. ⴰⵙⵓⵔⵉⴼ-ⴰⵢⴰ ⵢⴻⵡⵡⴻⴹ ⵖⴻⵔ ⵢⵉⵙⵡⵉ-ⵏⵏⴻⵙ ⵙⴷⴻⴼⴼⴻⵔ ⵏ ⵙⵙⵓⵄⵓⴱⴰⵜ ⵓⵄⵔⴻⵏⵜ ⴷⵉ ⵜⴰⴳⵔⴰⵔⵜ ⵏ ⴰⵍ-ⵢⴰⵎⴻⵏ ⵙⴰⵏⵄⴰ ». ⴰⵏⴻⵖⵍⴰⴼ ⵉⵡⴻⴽⴽⴻⴷ ⴱⴻⵍⵍⵉ ⴰⵙⵓⵔⵉⴼ-ⴰⵢ, ⵢⵓⵙⵉⴷ ⵙⴷⴻⴼⴼⴻⵔ ⵏ ⵓⵙⴻⵏⵏⴷⴰⵀ ⵙⵖⴻⵔ ⵓⵙⴻⵍⵡⴰⵢ ⵏ ⵜⵓⴳⴷⵓⴷⴰ ⵢⴻⵍⵍⴰⵏ - ⴰⵎⴻⴽ ⵉ ⴷ-ⵢⴻⵏⵏⴰ - « ⵢⴻⴹⴼⴻⵔ ⵜⵉⴽⵍⵉ-ⴰⵢⴰ ⴰⵎⴻⴽ ⵜⵓⴳⵓⵔ ⵓⵙⵙⴰⵏ ⵉⴼⴰⵜⴻⵏ ». ⴰⵔⵏⵉ ⵉⵡⴻⴹⴹⵃⴻⴷ ⵎⴰⵙⵙ ⵍⴰⵄⵎⴰⵎⴰⵔⴰ ⴱⴻⵍⵍⵉ ⵜⴰⵎⴰⵀⵉⵍⵜ-ⴰⵢⴰ ⵏⴻⵜⵜⴰⵜ « ⴰⵏⵜⵀⴰⵍⵍⵉ ⴷⴻⴳ ⵢⵓⴷⴰⵏ, ⵎⴰⵏⵉ ⵏⴻⵜⵇⴻⴷⴷ ⴰⴷ ⵏⴻⵙⵙⴻⵎⵏⴻⵄ ⵉⴷⵣⵉⵔⴻⵢⴻⵏ ⵜⵇⵉⵎⴰⵏ ⴷⵉ ⴰⵍ-ⵢⴰⵎⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵙⴰⴼⴰⵔⵜ ⵜⴰⴷⵣⴰⵢⵔⵉⵜ ⴷⵉ ⵙⴰⵏⵄⴰ ⴰⵔⵏⴰⵙ ⵜⴰⵔⴱⴰⵄⵜ ⵙⴻⴳ ⵢⵉⵎⵓⵖⵜⴰⵔⴱⴻⵏ ⵀⵢⵉⴹ ⴷ ⵢⵉⵎⴻⵄⵛⴰⵔ ⵙⴻⴳ ⵜⵓⵏⴻⵙ ⴷ ⵎⵓⵔⵉⵜⴰⵏⵢⴰ ⴷ ⵎⴰⵕⵕⵓⴽ ⴷ ⵍⵉⴱⵢⴰ ⴷ ⴼⴰⵍⴰⵙⵜⵉⵏ ». ⵢⴻⵔⵏⵉ ⵢⴻⵇⵇⴰⵔ « ⵢⵓⴷⴰⵏ-ⴰ ⴰ ⵢⴻⵍⵍⴰⵏ ⵏⴻⵔⴼⴻⴷ ⴼⴰⵜⴻⵏ ⵖⴻⴼ ⴰⵍ-ⵇⴰⵀⵉⵔⴰ ⴰⵍ ⴷⵉ ⴰⵡⴹⴻⵏⴷ ⵖⴻⵔ ⴷⵣⴰⵢⴻⵔ». ⵎⴰ ⵖⴻⴼ ⵓⵙⴻⵇⵙⵉ, ⴰⵡⴻⵍⵍⵉ ⴰⴷ ⵎⵎⵓⴳⴻⵏⵜ ⵜⵉⵎⵀⵉⵍⵉⵏ ⵀⵢⵉⴹⴰ ⴷⴻⴳ ⵢⵉⵎⴰⵍ, ⵢⵓⵄⴰⴷ ⵓⵏⴻⵖⵍⴰⴼ ⴱⴻⵍⵍⵉ « ⵉⴷⵣⵉⵔⴻⵢⴻⵏ ⵢⴻⵍⵍⴰⵏ ⵅⵙⴻⵏ ⴰⴷ ⴷ-ⵡⴻⵍⵍⴰⵏ ⵖⴻⵔ ⵜⵎⵓⵔⵜ ⵏⴻⵡⵡⵉ-ⵀⴻⵏⴷ » . ⴰⵔⵏⵉ ⵉⵡⴻⴽⴽⴻⴷ ⴱⴻⵍⵍⵉ « ⴷⵣⴰⵢⴻⵔ ⴰⴷ ⴷ-ⵜⴻⵏⵖⴻⵔ ⴰⴷ ⵜ-ⵃⴰⵎⴰ ⵡⴰⴷ ⵜⵉⵍⵉ ⵢⵉⴷ ⵏ ⵜⴰⵔⵡⴰ-ⵏⵏⴻⵙ ⴰⵏⵉ ⵍⵍⴰⵏ ». ⵎⴰ ⵢⴻⵍⵍⴰ ⵜⴰⵏⴻⵖⵍⴰⴼⵜ ⵏ ⵜⴰⴹⴰⵎⴻⵏ ⴰⵖⴻⵍⵏⴰⵡ ⴷ ⵜⵡⴰⵛⵓⵍⵜ ⴷ ⵍⵓⵎⵓⵔ ⵏ ⵜⵎⴻⵟⵟⵓⵜ ⵜⴻⵏⵏⴰⴷ ⴱⴻⵍⵍⵉ « ⵢⴻⵜⵜⵓⵡⴻⵊⵊⴻⴷ ⴷⵉ ⵜⵎⵓⵔⵜ-ⵏⵏⴻⵖ ⴹⵓⵔⵓⴼ ⴷ ⵍⴰⵃⵡⴰⵍ ⵍⵃⵍⴰⵏⵜ ⵉ ⴰⵢⴻⵜⵎⴰⵜⵏⴻⵖ ⵉⵄⵔⴰⴱⴻⵏ ⵢⴻⵍⵍⴰⵏ ⵏⴻⵙⵙⴻⵎⵏⴻⵄ-ⵉⵀⴻⵏ ⴱⴰⵛ ⴰⴷ ⵡⴻⵍⵍⴰⵏ ⵖⴻⵔ ⵜⵎⵓⵔⴰ-ⵏⵏⵙⴻⵏ ⴷⵉ ⵍⴰⵀⵏⴰ. ⵓ ⵙⴷⴻⴼⴼⴻⵔ ⵏ ⵍⵉⵙⵜⵉⵇⴱⴰⵍ ⵏ ⵢⵓⴷⴰⵏ ⴰⵎⴰ ⴷ ⵉⴷⵣⵉⵢⵔⴻⵢⴻⵏ ⵏⵉⵖ ⴷ ⵉⵄⵔⴰⴱⴻⵏ ⴰⴷ ⵢⵓⵙⵉⵏ ⵙⴻⴳ ⵙⴻⵏⵄⴰ ⴷⵉ ⵜⵎⴰⴼⴰⴳⵜ ⵉⴹⴻⴼⴼⵔⴻⵏ ⴰⵍⵅⵓⵟⵓⵟ ⵏ ⴷⵣⴰⵢⴻⵔ. ⵢⵓⵍⵉ ⵖⴻⵔ ⵜⵎⴰⴼⴰⴳⵜ ⵎⴰⵙⵙ ⵍⴰⵄⵎⴰⵎⴰⵔⴰ ⴷ ⵎⴰⵙⵙⴰ ⵎⵓⵏⵢⴰ ⵎⴰⵙⵍⴻⵎ, ⵎⴰⵏⵉ ⵢⴻⵜⵜⵓⵏⴻⵎⵎⴻⵔ ⵜⴰⵔⴱⴰⵄⵜ ⵜⴰ ⵢⴻⵙⵙⴳⵓⵔⴰⵢⴻⵏ ⴷⵉ ⵜⵎⴰⴼⴰⴳⵜ ⵖⴻⴼ ⵢⴻⵅⴼ-ⵏⵏⵙⴻⵏ ⵍⵄⴰⵎⵔⴰⵡⵉ ⵎⵓⵔⴰⴷ. ⴷⵉ ⵜⵉⵎⵍⵉⵍⵉⵜ-ⵏⵏⴻⵙ ⵎⴰⵙⵙ ⵍⴰⵄⵎⴰⵎⴰⵔⴰ ⵢⴻⵏⵏⴰ ⴼⴻⵍⵍ-ⴰⵙ- ⵉ (ⴰⵒⵙ) : « ⵉⵖⴰⵎⴻⵔ ⴰⵔⵏⵉ ⵉⵔⴰⴼⴻⵏ ⵙ ⵜⵉⵣⵔⴰⴳⵜ ⴷ ⵜⵜⴰⵎⴻⵇⵇⵔⴰⵏⵜ ⴰⵎⴻⴽ ⴰⴷ ⵢⴻⵙⵙⴻⵎⵏⴻⵄ ⵙ ⵍⴰⵎⴰⵏ ⴷ ⵍⴰⵀⵏⴰ ⵜⴰⵔⵡⴰ-ⵏⵏⴻⵖ ⴷ ⵢⵓⴷⴰⵏ ⵀⵢⵉⴹⴰ ⵜⴰⵔⵡⴰ ⵏ ⵜⵎⵓⵔⴰ ⵜⵉⵎⴷⴷⵓⴽⴰⵍⴰⵜⵉⵏ ⵏ ⵜⵎⵓⵔⵜ »