Asebter amenzawi

Laṛebɛa, 08 Yebrir 2015 15:24

Xemsa n yiseggasen yettwaṭṭfen mgal uselway anemhal amatu aqdim n Sonatrach, Mohamed Meziane

LEZZAYER – Yeṭṭef wemwekkel xemsa n yiseggasen n lḥebs d lexṭiyya n 122 n yimelyunen n yidinaṛen mgal uselway anemhal amatu aqbur n Sonatrach, Mohamed Meziane akk d wenmazul n uselway n yermuden n usawen Boumediene Belkacem, ɣef wakken ay d-nelqeḍ.

Deg tgara n ccṛeɛ-a yeqqimen armi d tameddit deg wexxam n ccṛeɛ n tejrimin n Lezzayer tamaneɣt, Mohamed Meziane ed Boumediene Belkacem yettwaḥkem fell-asen s xemsa n yiseggasen n lḥebs ed lexḍeyya n 122 n yimelyunen n yidinaṛen, meḥsub snat n tikkal n wazal n yedrimen ay sxeṣren i tkebbanit, ɣef leḥsab n ussuter n yemwekkel.

Aselway anemhal amatu aqbur n tegrawt n Sonatrach (ay yellan ddaw weswaḍ n lqanun) yebded deg wexxam n ccṛeɛ, deg wakud deg anmazul n uselway aqbur n yermuden n usawen n Sonatrach yebded deg ccṛeɛ maca deg tegnit n yettwaḥbes. Yuɣ lḥal, yettwaḥbes seg 2010.

Anṭaq n leḥkem aneggaru, sdeffir tɣuri n yinawen n temḥaddit, ad d-yili dduṛt d-yetteddun, ɣef wakken d-yenna lqaḍi.

Sin-a n yemdanen ttwacaṛɛen, ɣef leḥsab n ṛṛay n uwexxer, ɣef ljal n weɛfas ay ɛefsen lqanun deg wayen yerzan asseqdec n yedrimen n lbeṛṛani ed westenyi n leɛqudat.

Tamsalt-a texḍa tamsalt-nni niḍen umi semman Sonatrach 1.