ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴰⵕⴻⴱⵄⴰ, 15 ⵢⴻⴱⵔⵉⵔ 2015

ⵜⴰⵎⵙⵓⵍⵜⴰ ⵖⵔⴰⵏ-ⴰⵙ-ⴷ 185 000 ⵏ ⵜⵉⴽⴽⴰⵍ ⴷⴻⴳ ⵡⵓⵟⵟⵓⵏ ⴰⵣⴻⴳⵣⴰⵡ « 1548 » ⴷⴻⴳ ⴽⵔⴰⴹ ⵏ ⵡⵓⵙⵙⴰⵏ ⵉⵎⴻⵣⵡⵓⵔⴰ ⵏ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵏⴰⵔⵉⵜ ⵏ ⵜⴻⵖⵡⴰⵍⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴰⴽⴽⴻⵏ ⵜⵉⵣⴻⵖⵣⵉⵏ ⵏ ⵜⴻⵎⵀⴰⵍ ⵏ ⵜⴻⵎⵙⵓⵍⵜⴰ ⴰⵢ ⵢⴻⵍⵍⴰⵏ ⴷⴻⴳ ⵡⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ ⵖⵔⴰⵏ-ⴰⵙⴻⵏⵜ-ⴷ 184 729 ⵏ ⵜⵉⴽⴽⴰⵍ ⵙ ⵓⵙⴰⵡⴰⵍ ⴷⴻⴳ ⵡⵓⵟⵟⵓⵏ ⴰⵣⴻⴳⵣⴰⵡ “1548” ⴷⴻⴳ ⴽⵔⴰⴹ ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵖⴻⴼ ⵡⴰⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.

ⵜⵉⵖⵔⴰ-ⴰ ⵊⵊⴰⵏⵜ « ⵉⵎⵙⵓⵍⵜⴰ ⴰⴷ ⴼⵔⵓⵏ ⴰⵟⴰⵙ ⵏ ⵜⵍⵓⴼⴰ ⵢⴻⵇⵇⵏⴻⵏ ⵖⴻⵔ ⵓⵙⵙⵓⵜⴻⵔ ⵏ ⵜⴳⴻⵔⵎⴰⵏⵜ ⴷ ⵓⵄⴰⵡⴻⵏ, ⵜⵉⵖⵔⴰ ⴰⴽⴽⴻⵏ ⴰⴷ ⴰⵙⴻⵏ-ⵄⴻⵢⵢⵏⴻⵏ ⵎⴻⴷⴷⴻⵏ ⵖⴻⴼ ⵢⵉⵙⴻⵀⵡⴰ ⵏ ⵡⴻⴱⵔⵉⴷ, ⴰⴷ ⴰⵙⴻⵏ-ⵙⵙⵓⵜⵔⴻⵏ ⵓⵎⵍⴰⵏ ⵏⴻⵖ ⴰⴷ ⵜⴻⵏ-ⵡⴻⵀⵀⵉⵏ ⴷⴻⴳ ⵜⴻⵎⵙⴰⵍ ⴰⵢ ⵢⴻⵔⵣⴰⵏ ⴰⵖⴻⵔⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵜⴰⵎⵙⵓⵍⵜⴰ ⵜⴻⵔⵔⴰ-ⴷ ⵖⴻⴼ ⵜⴻⵖⵔⴰ-ⴰ ⴰⵎ ⵡⴰⴽⴽⴻⵏ ⴰⵢ ⵜⴳⴰ ⵉ ⵎⴻⴷⴷⴻⵏ « ⴰⴽⴽ ⵙⵙⵔⴰⴱⴻⵙ ⴰⵢ ⴷ-ⵢⴻⵡⵡⵉ ⵍⵃⴰⵍ. ⵜⵉⵖⵔⴰ-ⴰ ⵙⵙⴰⵡⴹⴻⵏⵜ ⴷⴰⵖ ⵖⴻⵔ ⵜⵓⵟⵟⴼⴰ ⵏ ⵡⴰⵟⴰⵙ ⵏ ⵎⴻⴷⴷⴻⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵅⵜⴻⵎ ⵓⵍⵖⵓ-ⴰ.