Asebter amenzawi

Anabaḍ-tirza-idles-tameskant Qṣenṭina, tamanaɣt n yidles aɛrab : Iruḥ Sellal ɣer Qṣenṭina akken ad yeḥder i beddu unṣib s yisem n uselway Bouteflika QṢENṬINA – Llan ttraǧun deg Qṣenṭina aneɣlaf amezwaru, Abdelmalek Sellal, ass n lexmis deffir imekli akken ad yesselwi s yisem uselway n tegduda, Abdelaziz Bouteflika, alday unṣib n tedyant n ’’Qṣenṭina, tamanaɣt n yidles aɛrab 2015’’. Mass Abdelmalek Sellal, yerza ɣer, tmesrit n yiseɣ tamaynut n unafag agraɣlan Mohamed-Boudiaf d yexxamen n yidles Malek-Haddad d Mohamed-Laïd Al Khalifa, ṣegmen-ten akk i lmend tedyant, timzikent n teklut n umeklay yemmuten Kamel Nezzar, idlisen yuran s ufus d tɣawsiwin n tgemmi n tenḍi. Yeldi daɣen uneɣlaf amezwaru asensu n uzrar agraɣlan Marriott, sdat ad yesselwi tameddit n wass, s yisem uɣella n uwanek , tafagla n ulday unṣib n tedyant ’’Qṣenṭina, tamanaɣt n yidles aɛrab 2015’’, yettwaheggan deg tzeqqa tamaynut n yihanayen yesɛan 3.000 imeḍqan, ula d nettat ldin-tt alday unṣib. Ad kkin deg tedyant-a amaray amatu n tamɣult n yiwunak iɛraben, n unemhal amatu n tuddsa taɛrabt usegmi, n yidles d tussniwin, rnu tikkin n waṭas n yineɣlafen d yergazen n umaḍal n yidles.

Lexmis, 16 Yebrir 2015

Ammas n Robert F. Kennedy n yizerfan n wemdan iger-d tiɣri i ussemɣer n lecɣal n MINURSO s tmerna n izerfan n wemdan

WASHINGTON – Massa Kerry Kennedy, taselwayt n wammas n Robert F. Kennedy n yizerfan n wemdan (RFK) d Mass Santiago A. Canton, anemhal aslekman n Yecriken n RFK i yizerfan n wemdan, ɛawden-d ass n laṛebɛa tiɣri ay d-gren i Useqqamu n laman n Yeɣlanen Yeddukklen akken ad smeɣren lecɣal n Tuɣdaḍt n Yeɣlanen Yeddukklen i tsefrant deg Uneẓruf Utrim (MINURSO) yerna ad teqqel tneggarut-a tlehhu-d ula s tɛessast n yizerfan n wemdan deg Uneẓruf Utrim.

Aseqqamu n laman yessefk ad yesɛeddi ṛṛay n lewṣaya n MINURSO ass n 30 Yebrir ay d-yetteddun. MINURSO d nettat ay d tuɣdaḍt tawḥidt n weḥraz n talwit ay d-sbedden sdeffir 1978, ɣas akken ur d-telhi ara d tɛessast n yizerfan n wemdan, yerna ulac akk kra n ttawil agraɣlan ay d-yelhan s yimenɣi mgal weɛfas n yizerfan n wemdan deg Uneẓruf Utrim.

« D ttbehdila imi ay tella tegrawt tameẓyant n tmura ay ireglen abrid i weɣref n Uneẓruf Utrim akken ad yesɛu ttawil ara as-iḥerzen izerfan n wemdan », ɣef wakken ay d-tenna Kerry Kennedy, am wakken ay d-tenna dakken « iṛabulen n weɛfas ay tɛeffes Meṛṛuk izerfan n wemdan deg Uneẓruf Utrim ur zmiren ad ttwanekṛen ».

Timura n umaḍal, ɣef wakken ay d-tenna, « ur yessefk ara ad qqnent tiṭ ɣef yiṛabulen n uɛetteb ay yerzan imeḥbas iṣeḥrawiyen deg leḥbas n Meṛṛuk d wemḥaq ay la meḥḥqen n yiɣallen n tuḍḍfa imeṛṛuken aɣref aṣeḥrawi ».

Kra n wudusen igraɣlanen, gar-asen Tanarit n Wuwkil Aɛlayan n yizerfan n wemdan deg Yeɣlanen Yeddukklen ed wemṛabul uzzig n Yeɣlanen Yeddukklen ɣef uɛetteb gren-d tiɣri i ussebded n « ttawil imzireg n tɛessast n yizerfan n wemdan deg Uneẓruf Utrim ».

Laṛebɛa, 15 Yebrir 2015 1827

Taqbuct n umaḍal 2016 U17 n tlawin: CAF tekcef-d ahil-nnes

LQAHIRA – Takunfidiṛalit tafriqit n tkurt n uḍar (CAF) tekcef-d ass n laṛebɛa izemzen deg ara d-ilint temliliyin n waffas n Teqbuct n umaḍal 2016 n tkurt n uḍar n tlawin n ddaw n 17 n yiseggasen, yerna aḥric aneggaru n teqbuct-a ad d-yili deg Luṛdun.

Timliliyin n waffas (tukksa) ad d-ilint deg 27, 28 d 29 Wambeṛ 2015 (tawadda/ṛṛwaḥ), sakkin, gar 11 d 13 Dujembeṛ 2015, ad d-ilint temliliyin n tuqqla.

Tuzzya tamezwarut ad d-tili deg wussan n 8, 9, 10 Yennayer 2016, ama d wid n tuqqla ad d-ilin deg wussan n 22, 23 d 24 Yennayer 2016.

Tuzzya tis snat yerna d taneggarut ad d-tili deg wussan deg 11, 12, 13 Meɣres 2016, ma d timliliyin n tuqqla ad d-ilin deg wussan n 25, 26 d 27 Meɣres 2016.

Tuzzya n waffas:

1. Gabun - Sierra Leone

2. Sierra Leone - Gabun

3. Jibuti – Tagduda Tamegdayt n Kungu

4. Tagduda Tamegdayt n Kungu - Jibuti

5. Botswana - Namibya

6. Namibya - Botswana

Tuzzya tamezwarut:

7. Meṛṛuk - Mali

8. Mali – Meṛṛuk

9. Ghana – Tin ara irebḥen seg 1-2

10. Tin ara irebḥen seg 1-2 - Ghana

11. Kamrun/Ityupya

12. Ityupya - Kamrun

13. Maṣer – Tin ara irebḥen seg 3-4

14. Tin ara irebḥen seg 3-4 – Maṣer

15. Nijirya – Tin ara irebḥen 5-6

16. Tin ara irebḥen 5-6 - Nijirya

17. Tafriqt n Wenẓul - Zambya

18. Zambya – Tafriqt n Wenẓul

Tuzzya tis snat:

19. Tin ara irebḥen seg 7-8 – Tin ara irebḥen seg 9-10

20. Tin ara irebḥen seg 9-10 - Tin ara irebḥen seg 7-8

21. Tin ara irebḥen seg 11-12 - Tin ara irebḥen seg 13-14

22. Tin ara irebḥen seg 13-14 - Tin ara irebḥen seg 11-12

23. Tin ara irebḥen seg 15-16 - Tin ara irebḥen seg 17-18

24. Tin ara irebḥen seg17-18 - Tin ara irebḥen seg 15-16.