ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴹⴻⵍⵜ ⵏ ⵎⴰⵙⴻⵏⵙⴻⵏ, ⴷ ⵜⵉⵏⵉⴳⵉⵜ ⵏ ⵜⴰⵍⵍⵉⵜ ⵏ ⵓⵎⵍⴻⵇⵇⴻⵎ ⵏ ⴷⴷⴻⵡⵍⴰ ⵜⴰⵏⵓⵎⵉⴷⵉⵜ
ⵇⵚⴻⵏⵟⵉⵏⴰ,…ⵢⴻⴱⵔⵉⵔ 2015 (ⵏⵙⵍ) – ⵜⴻⵙⵙⴻⵡⵀⴰⵎ ⵓ ⵜⵊⴻⴱⴱⴻⴷ ⴰⵎⴷⴰⵏ ⵙ ⵜⵙⴻⴳⴷⴰ-ⵙ ⵢⴻⴷⴷⵔⴻⵏ ⴰⴽⴽⴻⵏ ⵉⵡⴰⵜⴰ, ⵜⴰⵎⴹⴻⵍⵜ ⵏ ⵓⴳⴻⵍⵍⵉⴷ ⵎⴰⵙⴻⵏⵙⴻⵏ ⵜⴻⵇⵇⵉⵎ-ⴷ ⴷ ⵜⵉⵏⵉⴳⵉⵜ ⵏ ⵜⴰⵍⵍⵉⵜ ⵏ ⵓⵎⵍⴻⵇⵇⴻⵎ ⵏ ⴷⴷⴻⵡⵍⴰ ⵜⴰⵏⵓⵎⵉⴷⵉⵜ. ⵜⴰⵡⴻⵏⵏⴰⴹⵜ ⵏ ⵍⴻⵎⵇⴰⵎ-ⴰⴳⵉ ⵉⴱⴻⴷⴷⴻⵏ ⵖⴻⴼ ⵢⵉⵡⴻⵜ ⵏ ⵜⵉⵖⵉⵍⵜ ⴷⵉ ⵜⴰⵎⴰ ⵏ ⵍⴻⵅⵕⵓⴱ (16 ⴽⵎ ⵖⴻⵔ ⵡⴻⴳⵎⵓⴹ ⵏ ⵇⵚⴻⵏⵟⵉⵏⴰ), ⵜⴻⵜⵜⵓⵄⴰⵡⴻⴷ ⴰⵍⵎⴻⵏⴷ ⵏ ⵜⵎⴻⵙⴱⴰⵏⵉⵜ « ⵇⵚⴻⵏⵟⵉⵏⴰ, ⵜⴰⵎⴰⵏⴰⵖⵜ 2015 ⵏ ⵢⴻⴷⵍⴻⵙ ⴰⵄⵕⴰⴱ ». ⵜⴻⵜⵜⵡⴻⴱⵏⴰ ⴷⵉ ⵜⵉⵣⵉ ⵏ ⵉⴱⴻⵔⴷⴰⵏ ⵢⴻⵇⵇⵏⴻⵏ ⴳⴻⵔ ⵙⵉⵔⵜⴰ, ⵜⴰⵎⴰⵏⴰⵖⵜ ⵏ ⴷⴷⴻⵡⵍⴰ ⵜⴰⵏⵓⵎⵉⴷⵉⵜ, ⵖⴻⵔ ⵜⵉⴱⴻⵙⵜ, ⴽⴰⵍⴰⵎⴰ ⴰⴽⴽ ⴷ ⵙⵉⵜⵉⴼⵉⵙ, ⵍⴻⵎⵇⴰⵎ ⵏ ⵓⴳⴻⵍⵍⵉⴷ ⴰⵎⵓⵇⵕⴰⵏ ⴰⵎⴰⵣⵉⵖ ⵢⴻⵇⵇⵉⵎ ⴰⵔ ⵉⴹ-ⴰ ⵓⴳⴰⵔ ⵏ 1.800 ⵉⵙⴻⴳⴳⴰⵙⴻⵏ-ⴰⵢⴰ. ⵢⴻⵔⵙ ⴷ ⵛⴼⴰⵢⴰ ⵏ ⵜⵏⴻⴽⴽⵔⵉⵡⵉⵏ ⵏ ⵡⴻⵎⴳⴰⵔⴰ, ⴰⴳⴻⵍⵍⵉⴷ ⵉⵃⴻⵎⵎⵍⴻⵏ ⵜⴰⵥⵓⵕⵉ ⴰⴽⴽ ⴷ ⵜⵙⴻⴽⵍⴰ, ⵢⴻⵙⵎⴻⴽⵜⴰⵢ-ⵉⵜ-ⵉⴷ ⵍⴻⵎⵇⴰⵎ-ⵉⵙ ⵢⴻⴷⴷⵔⴻⵏ ⴷ ⴰⴱⴷⴰⵔ ⵓⵎⴻⵣⵔⵓⵢ ⵏ ⵎⴰⵙⴻⵏⵙⴻⵏ ⴰⵎⵓⵙⵙⵏⴰⵡ ⵏ ⵜⴻⵙⵜⵕⴰⵜⵉⵊⵉⵜ ⵢⴻⴼⴽⴰⵏ ⴰⴽⴽ ⵜⵓⴷⴻⵔⵜ-ⵉⵙ ⵉ ⵍⴻⴱⵏⵉ ⵏ ⵜⵖⴻⵕⵎⴰ ⵜⵉⵎⴰⵏⵉⵜ ⵓⵎⴰⵣⵉⵖ.
ⴰⵙⴻⵡⵀⴻⵎ ⴰⵙⴻⴳⴷⴰⵏ ⵎⴰ ⵏⴻⵙⵙⴻⵎⵛⴰⴱⵉ-ⵜ ⴷ ⵉⵎⴻⴷⵖⴰⵙⴻⵏ, ⵍⴻⵎⵇⴰⵎ ⴰⵏⵓⵎⵉⴷⵉ ⴰⵇⴷⵉⵎ ⵢⴻⵍⵍⴰⵏ ⴷⵉ ⵜⴻⴼⵕⵉⵇⵜ ⵓⴳⴰⴼⴰ, ⵢⴻⵜⵜⵡⴻⴱⵏⴰⵏ ⴷⵉ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ , ⵏⴻⵖ ⵖⴻⵔ ⵡⵉⵏ ⴷ-ⵉⵙⵎⴻⴽⵜⴰⵢⴻⵏ ⴰⴳⴻⵍⵍⵉⴷ ⵙⵢⴼⴰⵅ, ⵢⴻⵍⵍⴰⵏ ⴷⴻⴳ ⵡⴻⵖⵕⴻⵎ ⴰⵇⴷⵉⵎ ⴰⵏⵓⵎⵉⴷⵉ ⵙⵉⴳⴰ, ⴷⵉ ⵜⵡⵉⵍⴰⵢⵜ ⵏ ⵄⵉⵏ ⵜⵉⵎⵓⵛⴻⵏⵜⵉ, ⵉ ⵙⵉⵏ ⴱⴻⴷⴷⴻⵏ ⴰⵎ ⵢⵉⵎⴻⵇⵢⴰⵙⴻⵏ ⵙ ⵙⵇⴻⴼ ⵉⵎⴹⴻⵡⵡⴻⵕ ⵢⴻⵜⵜⵓⵛⴻⴱⴱⵃⴻⵏ ⵙ ⵡⴻⵥⵕⵓ, ⵡⵉⵏ ⵏ ⵎⴰⵙⴻⵏⵙⴻⵏ, ⵙ ⵡⴻⴱⵍⴰⴹ ⵉⵎⴻⵕⵇⴻⵎ ⵉⵎⵕⴻⴱⴱⴰⵄ ⴷⴻⴳ ⵡⴰⴷⴷⴰ, ⵢⴻⵔⵏⴰ ⵙⵏⴰⵜ ⵜⵎⴻⵊⵊⴰⵢⵉⵏ ⴷ –ⵉⵜⵜⴱⴻⴳⴳⵉⵏⴻⵏ ⴰⵣⴰⵍ ⵏ ⵓⴳⴻⵍⵍⵉⴷ.
Ɣef wakken d-yedda deg yiwen uneqqis n usalay aɣelnaw n Sirta, asekfel xedmen imsenziken d yemnuda ifṛansawiyen, ger 1915 d 1916, nnan-d ahat tiblaḍin n lemqam d tid d-yusan akk tyuga yezdin igrikiyen d yefniqiyen, d nitni ten-is-yewwin ɣer Sirta, d ixeddamen igrikiyen d yiqeṛṭajiyen ay llan ssaxdamen igelliden, ladɣa Masensen akk d mmis amuqṛan Misipsa (3 d 2 laqṛun qbel lmasiḥ).
ⵜⵉⵖⵓⵣⴰ ⵜⵎⵉⵣⵡⵓⵔⴰ ⴱⴻⴳⴳⵏⴻⵏⵜ-ⴷ ⴱⴻⵍⵍⵉ ⴰⵥⴻⴽⴽⴰ ⵏ ⵎⴰⵙⴻⵏⵙⴻⵏ ⴷⴻⴳ-ⵙ ⴰⵣⴰⵍ ⵏ ⵙⵏⴰⵜ ⵍⵎⵉⵜⵔⴰⵜ ⵖⴻⴼ ⵍⵎⵉⵜⵔⴰ ⵢⴻⵣⵣⵉ ⵙⴻⴳ ⵓⴳⴰⴼⴰ ⴰⴳⵎⵓⴹⴰⵏ ⵖⴻⵔ ⵡⴻⵏⵥⵓⵍ ⴰⵜⴰⵔⴰⵎ. ⵢⴻⵖⵎⴰⵇ ⴰⵣⴰⵍ 1,12 ⵍⵎⵉⵜⵔⴰⵜ, ⵢⴻⵍⵍⴰ-ⴷ ⵙ ⵓⴼⴻⵍⵍⴰ ⵏ ⵡⴰⴳⴻⵏⵙ ⴰⵙⵉⵍⵢⴰⵏ, ⵢⴻⵜⵜⵡⴰⵖⵓⵎ ⵙ ⴷⴷⴰⵍⴰⵜ ⵏ 40 ⵛⵎ.
ⵉⵎⵙⴻⵏⵣⵉⴽⴻⵏ ⵉⵕⵓⵎⵉⵢⴻⵏ, ⴷⵉ ⵜⴰⵍⵍⵉⵜ-ⵏⵏⵉ ⴽⴽⵙⴻⵏ ⴼⴻⵍⵍ-ⴰⵙ ⴰⵖⵓⵎⵎⵓ ⴰⴽⴽⴻⵏ ⴰⴷ ⴽⴻⵛⵎⴻⵏ. ⴷⴰⵅⴻⵍ ⵏ ⵜⴻⵎⴹⴻⵍⵜ ⵓⴼⴰⵏ ⵉⵖⵙⴰⵏ, 3 ⵉⵙⴻⵏⴷⴰⵇ ⵓⵔ ⵜⴻⵏ-ⵢⵓⵖ ⵡⵉⵔⴰ ⴰⴽⴽ ⴷ ⵡⴰⵟⴰⵚ ⵏ ⵜⵖⴰⵡⵙⵉⵡⵉⵏ ⵢⴻⵛⴱⴰⵏ ⵍⴻⵙⵍⴰⵃ, ⵉⵊⴻⵏⵡⵉⵢⴻⵏ, ⵍⵍⴻⴱⵙⴰ-ⵙ ⵏ ⵡⵓⵣⵣⴰⵍ ⴰⴽⴽ ⴷ ⵜⴻⴼⵍⵉⵛⵉⵏ. ⵓⵙⴰⵡⴻⵏ ⵏ ⵍⴻⵎⵇⴰⵎ , ⴷⴻⴳ-ⵙ ⵜⵉⵙⴻⴷⴷⴰⵔⵉⵏ ⴰⴽⴽ ⴷ ⵓⴷⵎⴰⵡⴻⵏ ⵏ ⵜⴻⵡⵡⵓⵔⴰ ⵓⵔ ⵏⴻⵜⵜⵡⴻⵕⵥⴰⵎ, ⵖⴰⵙ ⵎⴰ ⵡⴻⵙⵔⴻⵏⵜ ⴰⴽⴽ ⴷ ⵡⴰⴽⵓⴷ. ⴰⵢⴰⴳⵉ ⴰⴽⴽ ⴰⴷ ⵜ-ⵏⴰⴼ ⵢⵓⵣⵣⴰⵔ ⴷⴻⴳ ⵡⴰⴳⴻⵏⵙ ⴷⵉ ⵍⴰⵄⴹⵉⵍ ⴰⴷ ⵢⴻⵜⵜⵓⵙⴻⴳⴳⴻⵎ.
ⵎⴰⵙⴻⵏⵙⴻⵏ, « ⴰⴳⴻⵍⵍⵉⴷ ⵉⵖⴻⵕⵎⴰⵏ »
ⴷ ⴰⵙⴻⵔⴷⴰⵙ ⵢⴻⵇⵇⵡⴰⵏ, ⵢⴻⵙⵙⴻⵎⵔⴰⵙⴻⵏ ⵜⴰⴷⵉⴱⵍⵓⵎⴰⵙⵉⵜ ⵉⵡⴰⵜⴰⵏ, ⵎⴰⵙⴻⵏⵙⴻⵏ, ⵎⵎⵉⵙ ⵏ ⴳⴰⵢⴰ, ⵢⴻⵙⵙⴰⵡⴻⴹ ⴰⴷ ⵉⴱⴻⴷⴷⴻⵍ ⵜⵉⴽⵍⵉ ⵏ ⵓⵎⴻⵣⵔⵓⵢ ⴰⵙⵎⵉ ⵍⵍⴰⵏⵜ ⵜⵜⵏⴰⵖⴻⵏⵜ ⵙⵏⴰⵜ ⵏ ⵜⵎⴰⵏⴰⵖⵉⵏ (ⵕⵓⵎ ⴰⴽⴽ ⴷ ⵇⴰⵕⵟⴰⵊ) ⵖⴻⴼ ⵜⴳⴻⵍⴷⴰ ⵏ ⴷⴷⵓⵏⵉⵜ, ⵉⴷ-ⵏⵏⴰⵏ ⵉⵎⴰⵣⵔⴰⵢⴻⵏ. ⴷ ⴰⵎⴳⴰⵔⵓ ⵓⵔ ⵏⴻⵙⵄⵉ ⴰⵎⴻⴷⵢⴰ, ⵢⴻⵙⵙⴰⵡⴻⴹ ⴰⴷ ⵢⴻⴱⵏⵓ ⵜⴰⴳⴻⵍⴷⴰ-ⵙ ⵙ ⵜⵓⵇⵇⵏⴰ ⴰⵔ ⵖⴻⵔ-ⵙ ⵏ ⵡⴰⵣⴰⵍ ⵏ 70 ⵏ ⵜⴻⵎⴷⵉⵏⵉⵏ ⵜⵉⵎⵓⵇⵕⴰⵏⵉⵏ ⴰⵔⵎⵉ ⵢⴻⵣⴷⵓⴽⴽⴻⵍ ⴰⴽⴽ ⵜⴰⴼⵕⵉⵇⵜ ⵓⴳⴰⴼⴰ ⴷⴷⴰⵡ ⵏ ⵜⵄⴻⵍⵍⴰⵎⵜ ⵏ ⵢⵉⵡⴻⵜ ⵏ ⵜⴳⴻⵍⴷⴰ ⵢⴻⵇⵇⵡⴰⵏ. ⴷⵉ 60 ⵉⵙⴻⴳⴳⴰⵙⴻⵏ ⵏ ⵜⴳⴻⵍⴷⴰ-ⵙ, ⵎⴰⵙⴻⵏⵙⴻⵏ ⵢⴻⵥⵥⴰ ⴷⴻⴳ ⵡⵓⵍ ⵏ ⵡⴻⴳⴷⵓⴷ ⵍⴻⴱⵖⵉ ⵏ ⵡⴰⴽⴰⵍ ⴷ ⴰⵢⵎⵉ ⴷ-ⵍⵀⴰⵏ ⵙ ⵜⴼⴻⵍⵍⴰⵃⵜ ⵓ ⴷ ⴰⵢⴻⵏ ⵜⴻⵏ-ⵢⴻⵇⵇⵏⴻⵏ ⵖⴻⵔ ⵡⴰⴽⴰⵍ. ⵢⴻⵙⵏⴻⵔⵏⴰ ⵍⴱⵉⵄ ⵓⵛⵔⴰ ⴷⴻⴳ ⵢⵉⵍⵍ ⴰⴳⴻⵔⴰⴽⴰⵍ ⵙ ⵓⵎⴰⵜⴰ, ⴰⵔⵎⵉ ⵜⵓⵖⴰⵍ ⵜⵏⵓⵎⵉⴷⵉⵜ ⴷ ⵜⵉⴳⴻⵊⴷⵉⵜ ⵏ ⵜⵏⴻⵣⵣⵓⵜ, ⵢⴻⵜⵜⵡⴰⴵⴰⵀⴷⴻⵏ ⵙ ⵢⵉⵖⴻⵕⵕⵓⴱⴰ ⵢⴻⵙⵄⴰⵏ ⵍⵀⵉⴱⴰ, ⴷ-ⵡⴻⴽⴽⴷⴻⵏ ⴷⴰⵖⴻⵏ ⵉⵏⴻⵇⵇⵉⵙⴻⵏ-ⴰⴳⵉ ⵓⵎⴻⵣⵔⵓⵢ. ⵜⴰⴷⵔⵉⵎⵜ ⴷⴻⴳ-ⵙ ⵢⴻⵔⵙ ⵡⵓⴷⴻⵎ ⵏ ⵎⴰⵙⴻⵏⵙⴻⵏ ⵜⴻⵜⵜⵓⵙⴻⵕⵕⴰⴼ ⴰⴽⴽ ⴷⵉ ⵜⵎⵓⵔⴰ ⵏ ⵢⵉⵍⵍ ⴰⴳⴻⵔⴰⴽⴰⵍ. ⵢⴻⵍⵍⴰ ⴷ ⴰⴳⴻⵍⵍⵉⴷ ⵢⴻⵜⵜⴰⴽⴻⵏ ⴰⵣⴰⵍ ⴰⵎⵓⵇⵕⴰⵏ ⵉ ⵢⴻⴷⵍⴻⵙ ⴷ ⵜⵙⴻⴽⵍⴰ ⴷ ⴰⵢⵎⵉ ⴷ-ⵉⵏⴻⵛⵛⴻⴷ ⴰⵔ ⵖⵓⵕⴻⵙ ⵉⵎⵢⵓⵔⴰ ⵉⵎⵓⵇⵇⵕⴰⵏⴻⵏ ⵏ ⴷⴷⵓⵏⵉⵜ ⴰⴽⴽ ⴷ ⵢⵉⵏⴰⵥⵓⵕⴻⵏ ⵉⴱⴻⵕⵕⴰⵏⵉⵢⴻⵏ ⴷⵉ ⵍⴱⴻⵕⵊ-ⵉⵙ ⵢⴻⵍⵍⴰⵏ ⴷⵉ ⵙⵉⵔⵜⴰ. ⴷ ⴰⴳⴻⵍⵍⵉⴷ ⵉⵃⴻⵎⵎⵍⴻⵏ ⴰⵙⵏⵓⵍⴼⵓ. ⴰⵎⴻⵣⵔⵓⵢ ⴰⴷ ⵢⴻⵛⵀⴻⴷ ⴷ ⴰⵖⴻⵏ ⴱⴻⵍⵍⵉ ⵖⴰⵙ ⵢⴻⵍⵍⴰ ⵎⵓⵇⵇⴻⵕ ⴷⵉ ⵍⴰⵄⵎⴻⵕ, 88 ⵉⵙⴻⴳⴳⴰⵙⴻⵏ, ⵢⴻⵍⵍⴰ ⴷ ⴰⵎⴻⵣⵡⴰⵔⵓ ⵏ ⵉⵙⴻⵔⴷⴰⵙⴻⵏ ⴰⵙⵎⵉ ⵜⴻⴽⴽⴻⵔ ⴳⴰⵔ ⵙⵉⵔⵜⴰ ⴷ ⵇⴰⵕⵟⴰⵊ. ⴰⵔ ⴰⵙⵙ-ⴰ, ⵎⴰⵣⴰⵍ ⵜⴻⴷⴷⴻⵔ ⵍⵇⵉⵎⴰ-ⵙ ⴷ ⴰⴽⴽⴻⵏ ⵢⴻⵍⵍⴰ ⴳⴻⵔ ⵢⵉⴳⴻⵍⵍⵉⴷⴻⵏ ⵉⵎⵓⵇⵇⵕⴰⵏⴻⵏ ⵏ ⵜⵎⴰⵣⵖⴰ. ⵎⴰ ⵏⴻⴼⴽⴰ ⴰⵣⴰⵍ ⵉ ⵍⴻⵎⵇⴰⵎ-ⵉⵙ ⴰⵙⵙ-ⴰ, ⵎⴰⵞⵉ ⴽⴰⵏ ⴷ ⴰⵎⴻⵣⵔⵓⵢ ⵎⴰⵛⴰ ⴷ ⵜⵉⵔⵉⵔⵉⵜ ⵏ ⵛⵛⴰⵏ ⴰⴽⴽ ⵉ ⵢⵉⵎⴰⵡⵍⴰⵏ ⴷ ⵜⵉⴷⵎⵉ ⵏ ⵡⴻⵖⵔⴻⴼ.
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ: ⴰⵙⵎⴰⵍ ⵏ ⵢⴻⴷⵍⴻⵙ ⴰⴽⴽⴻⵏ ⵎⴻⴷⴷⴻⵏ ⴰⴽⴽ ⴰⴷ ⵃⵓⵍⴼⵓⵏ ⴱⴻⵍⵍⵉ ⴷ ⴰⵔⵔⴰⵡ ⵏ ⵢⵉⵡⴻⵜ ⵏ ⵜⵎⵓⵔⵜ
ⵇⵙⴻⵏⵟⵉⵏⴰ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⴰⵙⵎⴰⵍ ⵏ ⵢⴻⴷⵍⴻⵙ ⴷ ⵏⴻⵜⵜⴰ ⵉ « ⴰⴱⵔⵉⴷ ⵉⵎⵅⴻⵢⵢⴻⵔ ⵢⴻⵔⵏⴰ ⵓⵏⴼⵉⵄ » ⵉ ⵡⴻⵙⴷⵓⵇⵇⴻⵙ ⵏ ⵎⴻⴷⴷⴻⵏ ⴰⴽⴽⴻⵏ ⴰⴷ ⵃⵓⵍⴼⵓⵏ ⴷ ⴰⴽⴽⴻⵏ ⵍⵍⴰⵏ ⴰⴽⴽ ⴷ ⴰⵔⵔⴰⵡ ⵏ ⵢⵉⵡⴻⵜ ⵏ ⵡⴻⵖⵍⴰⵏ ⴷⴻⴳ ⵜⴻⴳⵏⵉⵜ-ⴰ ⵜⴰⵡⴻⵄⵕⴰⵏⵜ ⴷⴻⴳ ⵜⵉⵎⵓⵔⴰ ⵜⴰⵄⵕⴰⴱⵉⵏ ⵢⴻⵙⵙⴻⴼⴽ « ⴰⴷ ⵎⵙⴻⴼⵀⴰⵎⴻⵏⵜ ⵢⴻⵔⵏⴰ ⴰⴷ ⵎⵙⴻⴳⴳⴰⵎⴻⵏⵜ ⵓⴳⴰⵔ ».
ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⴰⵢ ⴷ-ⵉⴳⴰ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⵏ ⵜⵓⵙⵙⵏⴰ ⴷ ⵡⴻⵔⵥⴰⵎ ⵏ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ 2015 », ⴷ ⵡⵉⵏ ⴰⵢ ⴷ-ⵢⴻⵖⵔⴰ ⵙ ⵢⵉⵙⴻⵎ-ⵏⵏⴻⵙ ⵎⴰⵙⵙ ⵎⵧⵀⴰⵎⴻⴷ ⴱⴻⵏⴰⵎⴰⵔ ⵣⴻⵔⵀⵧⵓⵏⵉ, ⵉⵎⴹⴻⴱⴱⴻⵔ ⵏ ⵜⵎⵓⵔⵜ ⵢⴻⵏⵏⴰ-ⴷ « ⵓⴳⵓⵔⴻⵏ ⴰⵢ ⵉⵃⵓⵣⴰⵏ ⴰⵖⵍⴰⵏ ⴰⵄⵕⴰⴱ ⵖⴻⴼ ⵍⵊⴰⵍ ⵏ ⵜⵍⵓⴼⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⴽⵔⴰ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⵉⴷ ⴰⵢ ⵉⵣⴻⵎⵔⴻⵏ ⴰⴷ ⵙⵡⴰⵖⴻⵏⵜ ⵍⴰⵎⴰⵏ, ⴰⵔⴽⴰⴷ ⴷ ⵜⴷⵓⴽⵍⵉ-ⵏⵙⴻⵏⵜ ».
« ⵜⴰ ⴷ ⵜⴰⴳⵏⵉⵜ ⵉⵡⴻⵄⵕⴻⵏ ⴰⵢ ⴷⴻⴳ ⵢⴻⵙⵙⴻⴼⴽ ⴰⴷ ⵢⵉⵍⵉ ⵡⵓⴳⴰⵔ ⵏ ⵡⴻⵎⵙⴻⴼⵀⴰⵎ ⴷ ⵡⴻⵎⵙⴻⴳⵎⴰ ⴰⴽⴽⴻⵏ ⴰⴷ ⵏⴻⵃⴱⴻⵙ ⴰⴼⵜⵓⵜⴻⵙ ⵏ ⵡⴻⵖⵍⴰⵏ-ⴰ ⵢⴻⵙⵕⵓⵃⴻⵏ ⴰⵟⴰⵙ ⵏ ⵢⵉⴷⴰⵎⵎⴻⵏ ⵢⴻⵔⵏⴰ ⵢⴻⴼⵛⴻⵍ, ⵉ ⵍⵎⴻⵏⴷ ⵏ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵜⴰⵔⴳⵉⵜ ⵜⴰⵄⵕⴰⴱⵜ ⵙ ⵜⵓⴽⵛⵉ ⵏ ⵡⴰⵣⴰⵍ ⵉ ⵏⵏⴼⴻⵄ ⵏ ⵜⵎⵓⵔⴰ ⵜⴰⵄⵕⴰⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ-ⵢⴻⵔⵏⴰⵏ ⴷⴰⵖ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ « ⵢⴻⴷⵍⴻⵙ ⴷⴻⴳ ⵡⵓⵍ ⵏ ⵍⵎⴻⵊⵀⵓⴷ-ⵏⵏⴻⵖ ⴰⴽⴽⴻⵏ ⴰⴷ ⴷ-ⵏⴻⵇⴹⴻⵄ ⴰⵢⴻⵏ ⴰⵖ-ⵉⴼⵓⵜⴻⵏ, ⵍⴰⴷⵖⴰ ⴰⵢⴻⵏ ⵢⴻⵇⵇⵏⴻⵏ ⵖⴻⵔ-ⵏⴻⵖ ⵙ ⵜⵉⵎⵎⴰⴷ-ⵏⵏⴻⵖ, ⵢⴻⵔⵏⴰ ⴰⵢⴰ ⴰⴷ ⴷ-ⵢⵉⵍⵉ ⵙ ⵡⴰⴳⴰⵎ ⵙⴻⴳ ⵡⴰⵣⴰⵍⴻⵏ-ⵏⵏⴻⵖ ⵏ ⵜⵎⴰⴳⵉⵜ, ⵏ ⵓⵎⴻⵣⵔⵓⵢ, ⵏ ⴷⴷⵉⵏ ⴷ ⵜⵓⵜⵍⴰⵢⵜ ⴰⵖ-ⵢⴻⵙⴷⵓⴽⴽⵓⵍⴻⵏ ».
« ⴷⵖⴰ ⴷ ⴰⵢⴰ, ⵖⴻⴼ ⵍⴻⵃⵙⴰⴱ-ⵏⵏⴻⵖ, ⵉ ⴷ ⴰⴱⵔⵉⴷ ⵉⵎⵅⴻⵢⵢⴻⵔ, ⵓⵏⴼⵉⵄ ⴰⴽⴽ ⵉ ⵡⴻⵙⴷⵓⵇⵇⴻⵙ ⵏ ⵎⴻⴷⴷⴻⵏ ⴰⴽⴽⴻⵏ ⴰⴷ ⵃⵓⵍⴼⵓⵏ ⴷ ⴰⴽⴽⴻⵏ ⴰⵜⵏⵉ ⴰⴽⴽ ⴷ ⴰⵔⵔⴰⵡ ⵏ ⵢⵉⵡⴻⵏ ⵏ ⵓⵖⵍⴰⵏ, ⴰⴷ ⵙⵊⴻⵀⴷⴻⵏ ⴰⵙⵙⴰⵖⴻⵏ-ⵏⵙⴻⵏ ⵏ ⵜⴻⴳⵎⴰⵜ ⵓⵔ ⵉⴼⴻⵏⵏⵓⵏ ⴰⵔⴰ ⵢⴻⵔⵏⴰ ⴰⴷ ⴷ-ⴰⴼⴻⵏ ⵍⵊⴻⵀⴷ ⵙ ⵡⴰⵛⵓ ⴰⵔⴰ ⵇⴰⴱⵍⴻⵏ ⵡⵉⵢⴰⴹ, ⴰⴷ ⵃⵓⴷⴷⴻⵏ ⵜⵉⴷⴻⵜ ⵢⴻⵔⵏⴰ ⴰⴷ ⵙⵙⵉⵔⵎⴻⵏ ⴰⴷ ⴰⵡⴹⴻⵏ ⵖⴻⵔ ⵢⵉⵡⴻⵏ ⵏ ⵢⵉⵎⴰⵍ ⵓⵔ ⵢⴻⵣⵎⵉⵔⴻⵏ ⴰⴷ ⵢⴻⵜⵜⵡⴰⴱⵏⵓ ⵡⴰⵔ ⵎⴰ ⵜⵜⴻⴽⴽⴰⵏⵜ ⴷⴻⴳ-ⵙ ⵜⴻⴷⵖⴰⵔ ⵜⴰⵄⵕⴰⴱⵉⵏ ⵏ ⵜⵙⵓⵜⴰ ⴰⵢ ⵍⴰ ⴷ-ⵢⴻⵜⵜⵉⵎⵖⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⵏⵏⵉⴳ ⵡⴰⵢⴰ, ⵢⴻⵔⵏⴰ-ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷ ⴰⴽⴽⴻⵏ « ⵏⴻⴱⵖⴰ ⴰⴷ ⵏⴻⵙⵙⴻⴽⵛⴻⵎ ⵜⴰⴷⵢⴰⵏⵜ-ⴰ ⵜⴰⴷⴻⵍⵙⴰⵏⵜ ⴷⴻⴳ ⵓⵇⴰⵍⴻⴱ ⵏ ⵡⴰⵙⵙ ⴰⵢⴷⴻⴳ ⴰⵖⵔⴻⴼ-ⵏⵏⴻⵖ ⵢⴻⵙⴼⵓⴳⵓⵍ ⴰⵎⵓⵍⵍⵉ ⵡⵉⵙ ⵙⴻⵜⵜⵉⵏ ⵏ ⵜⴻⴳⵔⴰⵡⵍⴰ-ⵏⵏⴻⵖ ⵜⵓⵔⴱⵉⵃⵜ ⵢⴻⵍⵍⴰⵏ ⴷ ⴰⵙⴻⵏⴼⴰⵔ ⴰⵎⴻⵇⵔⴰⵏ ⵉ ⵡⴻⵙⵍⴻⵍⵍⵉ ⵏ ⵡⴻⵖⵍⴰⵏ ⴰⵄⵕⴰⴱ ⴷ ⵓⵎⴻⵏⵥⴰⵡ ⴰⴼⵔⵉⵇⵉ ».
« ⵏⴻⴱⵖⴰ ⴷⴰⵖ, ⵙ ⵡⴰⵏⴻⵛⵜ-ⴰ, ⴰⴷ ⵏⴻⵔⵔ ⵜⴰⵊⵎⵉⵍⵜ ⵢⴻⵔⵏⴰ ⴰⴷ ⵏⴻⵙⵏⴻⵎⵎⴻⵔ ⴰⵢⵜⵎⴰⵜⴻⵏ-ⵏⵏⴻⵖ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⵖⴻⴼ ⵓⵄⴰⵡⴻⵏ-ⵏⵙⴻⵏ ⵓⵔ ⵢⴻⵙⵄⵉⵏ ⴰⵣⴰⵍ ⴷⴻⴳ ⵢⵉⵎⴻⵏⵖⵉ ⵏ ⵡⴻⵖⵔⴻⴼ ⴰⴷⵣⴰⵢⵔⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ « ⵉⵎⴻⵏⵖⵉ ⵏ ⵍⴻⵣⵣⴰⵢⴻⵔ ⵢⵓⴼⴰ-ⴷ ⵉⵖⴰⵍⵍⴻⵏ ⴰⵔⴰ ⵜ-ⵢⴻⵙⵊⴻⵀⴷⴻⵏ ⵢⴻⵔⵏⴰ ⴰⴷ ⴷ-ⴱⴻⴷⴷⴻⵏ ⵙ ⵉⴷⵉⵙ-ⵏⵏⴻⵙ ⴷⴻⴳ ⵢⴻⵔⴳⴰⵣⴻⵏ-ⵏⵏⵉ ⵏ ⵜⵙⴻⵔⵜⵉⵜ, ⵉⵎⵅⴻⵎⵎⴻⵎⴻⵏ ⴷ ⵢⵉⵏⴰⵥⵓⵔⴻⵏ ⵏ ⵡⴰⴽⴽ ⵜⵉⵎⵉⵡⴰ ⵏ ⵡⴻⵖⵍⴰⵏ-ⵏⵏⴻⵖ ⴰⵄⵕⴰⴱ. ⵓⵍⴰ ⴷ ⵜⵉⵍⴰⵡⵉⵏ ⴷ ⵢⵉⴳⴻⵔⴷⴰⵏ ⵜⵜⴻⴽⴽⴰⵏ ⴷⴻⴳ ⵢⵉⵎⴻⵏⵖⵉ-ⴰ ⵓⵣⵔⵉⴼ ⵢⴻⵔⵏⴰ ⴷⴷⴰⵏ ⵢⵉⴷ-ⵙ ⴰⵔⵎⵉ ⴷ ⴰⵙⵎⵉ ⴰⵢ ⵢⵓⵡⴻⴹ ⵖⴻⵔ ⵢⴻⵙⵡⵉ ⴰⵏⴻⴳⴳⴰⵔⵓ ».
« ⵎⴻⵏⵖⵉⵔ ⴰⵄⴰⵡⴻⵏ ⴰⵍⵓⵊⵓⵙⵜⵉ ⴷ ⵡⵉⵏ ⵏ ⵜⵜⴰⵡⵉⵍ, ⵜⴰⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵜⴻⵙⴼⴰⵢⴷⵉ-ⴷ ⴷⴰⵖ ⵙⴻⴳ ⵓⵄⴰⵡⴻⵏ ⵏ ⵡⵓⵍ, ⴷ ⵡⵉⵏ ⴰⵢⴷⴻⴳ ⵜⴻⴽⴽⴰⵏ ⵢⴻⵔⴳⴰⵣⴻⵏ ⵏ ⵜⵙⴻⴽⵍⴰ, ⵢⵉⵏⴰⵥⵓⵔⴻⵏ ⴷ ⵢⵉⵎⴻⴷⵢⴰⵣⴻⵏ ⴰⵢ ⴷ-ⵉⵛⴻⴽⵕⴻⵏ ⵜⵉⴷⵢⴰⵏⵉⵏ ⵜⵉⵎⴻⵇⵔⴰⵏⵉⵏ ⵏ ⵜⴻⴳⵔⴰⵡⵍⴰ ⴷⴻⴳ ⵢⵉⵅⴻⴷⴷⵉⵎⴻⵏ ⴰⵢ ⵉⵛⴻⴱⴱⵃⴻⵏ ⴰⵙⵙ-ⴰ ⵜⴰⵙⴻⴽⵍⴰ ⵜⴰⵎⵉⵔⴰⵏⵜ », ⴰⵢ ⴷ-ⵢⴻⵏⵏⴰ ⵢⴻⵎⴹⴻⴱⴱⴻⵔ ⵏ ⵜⵎⵓⵔⵜ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ « ⴰⵢⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵎⴻⵛⵡⴰⵕ ⵏ ⵜⵎⵓⵔⵜ-ⵏⵏⴻⵖ, ⵢⴻⵔⵏⴰ ⵖⴻⴼ ⵡⴰⵢⴰ ⵙⵡⴰⵙⵡⴰ ⴰⵢ ⵏⴻⵄⵣⴻⵎ ⴰⴷ ⵏⴻⵙⴼⵓⴳⴻⵍ ⵜⴰⴳⵔⴰⵡⵍⴰ-ⴰ ⵢⵉⴷ-ⵡⴻⵏ, ⴰ ⴰⵢⵜⵎⴰⵜⴻⵏ-ⵏⵏⴻⵖ ».
Ɣⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰ ⵏ ⵜⴻⴳⴷⵓⴷⴰ, « ⴰⵙⵏⵓⵍⴼⵓ ⴷ ⵜⴻⵙⵏⵓⵍⴼⴰ ⵜⴰⴷⴻⵍⵙⴰⵏⵜ ⴷ ⵜⴰⴳⴳⴰⴳⵜ ⵜⵜⵖⵉⵎⵉⵏ-ⴷ ⴷ ⵉⴱⵔⵉⴷⴻⵏ ⴰⵢ ⵉⵡⴰⵜⴰⵏ ⴰⴽⴽ ⵉ ⵜⴻⴷⵢⴰⵏⵜ ⵎⴻⵇⵇⵔⴻⵏ ⴰⵎ ⵜⴰ ⴰⴽⴽⴻⵏ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵢⴻⵔⵏⴰ ⴰⴷ ⴷ-ⵇⵇⵉⵎⴻⵏⵜ ⴷⴻⴳ ⵛⵛⴼⴰⵡⴰⵜ ⵜⴻⴷⵢⴰⵏⵉⵏ ⵜⵓⵛⴱⵉⵃⵉⵏ ⴰⴽⴽ ⵏ ⵢⵉⵖⴻⵔⴼⴰⵏ-ⵏⵏⴻⵖ, ⵍⴰⴷⵖⴰ ⵎⵉ ⴰⵔⴰ ⵜⴻⵔⵣⵓ ⵜⴻⵎⵙⴰⵍⵜ ⵜⵉⵍⴻⵍⵍⵉ ».
« ⵢⴻⵛⵔⴻⴽ-ⴰⵖ, ⴷⴻⴳ ⵢⴻⵣⵔⵉ, ⵍⵇⴻⵔⵃ ⴷ ⵓⵖⵍⵉⴼ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ, ⴷⵖⴰ ⴰⵇⵍ-ⴰⵖ ⴰⵙⵙ-ⴰ ⴰⴽⴽⴻⵏ, ⵏⴻⵎⵙⴻⴳⵎⴰ ⴷⴻⴳ ⵜⴰⵍⵓⴼⵜ ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⵖⴻⴼ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⴻⵔⵔ ⴰⵣⵔⴻⴼ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴱⴷⴻⴷ ⴰⵡⴰⵏⴰⴽ-ⵏⵏⴻⵙ ⵉⵎⵣⵉⵔⴻⴳ ⴰⵔⴰ ⵢⴻⵙⵄⵓⵏ ⵜⴰⵎⴰⵏⴻⵖⵜ-ⵏⵏⴻⵙ ⴷ ⵍⵇⵓⴷⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴽⴻⵎⵎⴻⵍ ⵢⴻⵎⴹⴻⴱⴱⴻⵔ ⵏ ⵜⵎⵓⵔⵜ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵥⵔⴰ ⴷⴰⴽⴽⴻⵏ ⴰⵍⴰ ⵉⴷⵍⴻⵙ ⴰⵔⴰ ⵉⵍⴻⴷⵢⴻⵏ ⵜⴰⵡⵡⵓⵔⵜ ⵉ ⵜⵓⴼⴼⵖⴰ ⵙⴻⴳ ⵓⴳⴳⵓⵏⵥⵓ, ⵢⴻⵔⵏⴰ ⵜⵃⴻⵍⵍⴻⵙ-ⴷ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⵉⴷⵍⴻⵙ ⵢⴻⵔⵏⴰ ⴰⴷ ⴰⵙ-ⵜⴻⴼⴽ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⴷ-ⵉⴱⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵖⵉⵎⵉ ⵡⴻⴱⴷⴰⵄ ⴷ ⵍⵖⴻⵍⵍⴰ ⵏ ⵓⵅⴻⵎⵎⴻⵎ ⵣⴻⴷⴷⵉⴳⴻⵏ ⵢⴻⵔⵏⴰ ⴷ ⵍⵍⵙⴰⵙ ⵏ ⵜⵎⵓⵖⵍⵉ ⵖⴻⵔ ⵍⴱⴻⵄⴷ ».
« ⵇⵔⵉⴱ ⴰⵣⴳⴻⵏ ⵏ ⵍⵇⴻⵔⵏ ⴷⴻⴼⴼⵉⵔ ⵎⴰ ⵜⵓⵡⴻⵢ ⵍⴻⵣⵣⴰⵢⴻⵔ ⴰⵣⴰⵔⵓⴳ-ⵏⵏⴻⵙ, ⵜⴰⵎⵓⵔⵜ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵔⵔ ⴷⴷⵓⵕ-ⵏⵏⴻⵙ ⴰⴷⴻⵍⵙⴰⵏ, ⴰⴳⴳⴰⴳ ⴷ ⵓⵙⴻⴽⵍⴰⵏ, ⴷ ⵡⵉⵏ ⴰⵢ ⵜⵜ-ⵢⴻⵊⵊⴰⵏ ⴰⴷ ⵜⴻⵍⴷⴻⵢ ⵜⵉⵡⵡⵓⵔⴰ ⵉ ⵢⴻⴱⵔⵉⴷⴻⵏ ⴰⵔⴰ ⴷ-ⵢⴰⵡⵢⴻⵏ ⵍⵅⵉⵔ. ⵜⴻⵙⵙⴰⵡⴻⴹ ⵜⵎⵓⵔⵜ ⴰⴷ ⵜⴻⵏⴽⴻⵔ ⵉ ⵢⴻⵛⵇⵉⵔⵔⵡⴻⵏ ⵙ ⵜⵓⴽⵛⵉ ⵏ ⵢⵉⵏⵓⵔⴰⵔ ⴷ ⵜⵜⴰⵡⵉⵍⴰⵜ ⵉⵡⴰⵜⴰⵏ ⴰⴽⴽⴻⵏ ⵉ ⵢⴻⴷⵍⴻⵙ ⴰⴽⴽⴻⵏ ⴰⴷ ⴷ-ⵉⴱⴰⵏ ⵢⴻⵔⵏⴰ ⴰⴷ ⴷ-ⵢⴻⴼⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ « ⵉ ⵍⵎⴻⵏⴷ ⵏ ⵢⵉⵙⵡⵉ-ⴰ, ⵜⴰⵎⵓⵔⵜ ⵜⴻⴱⴷⴰ ⵜⴱⴻⵏⵏⵓ ⵜⵉⵎⵚⵓⴽⵢⵉⵏ ⵜⵉⴷⴻⵍⵙⴰⵏⵉⵏ ⵢⴻⵔⵏⴰ ⵜⴻⵙⵙⵓⴷⴷⵓⵙ ⴰⵟⴰⵙ ⵏ ⵢⴻⵎⵢⴰⴳⵔⴻⵏ ⵢⴻⵎⵎⵓⵣⵣⴳⴻⵏ ⴷ ⵜⴼⴰⵙⴽⵉⵡⵉⵏ ⴰⴽⴽⴻⵏ ⴰⴷ ⵜⵉⵍⵉ ⵉ ⵍⵎⴻⵏⴷ ⵏ ⵜⵎⴻⵜⵜⵉ ⴷⴻⴳ ⵡⴻⵏⵔⴰⵔ-ⴰ ».
« ⵜⴳⴰ ⵉⴼⴰⴷⴷⴻⵏ ⵉ ⵡⴻⵙⵏⵓⵍⴼⵓ ⴷ ⵡⴻⴱⴷⴰⵄ ⴷⴻⴳ ⵢⵉⵏⵓⵔⴰⵔ ⵏ ⵓⵙⵙⵓⴼⴼⴻⵖ ⵏ ⵢⴻⴷⵍⵉⵙⴻⵏ, ⵏ ⵙⵙⵉⵏⵉⵎⴰ, ⵏ ⵓⵎⴻⵣⴳⵓⵏ ⴷ ⵡⴻⵃⵔⴰⵣ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⴰⵎⴰ ⴷ ⵜⴰⵏⴳⴰⵏⵜ, ⴰⵎⴰ ⴷ ⵜⴰⵔⴰⵏⴳⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵜⴻⴱⴷⴰ-ⴷ ⵜⵉⴽⵍⵉ ⵜⴰⵖⴻⵍⵏⴰⵡⵜ ⴷ ⵜⴰⵎⴻⵇⵔⴰⵏⵜ ⴷⴻⴳ ⵡⴻⵏⵔⴰⵔ ⵏ ⵢⴻⴷⵍⴻⵙ ⴰⵎⴻⵕⴽⴰⵏⵜⵉ ⴰⵢⴷⴻⴳ ⵜⴻⵍⵍⴰ ⵜⴻⵏⴹⴰ ⵙ ⵓⵎⵎⴰⴳⴻⵔ ⵏ ⵜⴻⵥⵔⵉⴳⵜ ⵜⵉⵙ ⵙⵏⴰⵜ ⵏ ⵜⴼⴰⵙⴽⴰ ⵜⴰⴽⴽⴰⴼⵔⵉⵇⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⴰⵙⵙⴻⵊⵀⴻⴷ ⵏ ⵓⵅⴻⴷⴷⵉⵎ ⴰⴷⴻⵍⵙⴰⵏ ⵙⴻⴳ ⵢⵉⴷⵉⵙ-ⵏⵏⴻⵙ ⵉⵙⵍⴰⵎⵉ ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⵙ ⵜⴻⴷⵢⴰⵏⵜ ‘ⵜⵍⴻⵎⵙⴰⵏ ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⵉⵙⵍⴰⵎⵉ’, ⴰⵙⵙⵓⴷⴷⴻⵙ ⵏ ⵍⴻⴷⵡⴰⵕ ⵜⵉⴷⴻⵍⵙⴰⵏⵉⵏ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ⵢⴻⵎⴳⴻⵔⵔⴰⴷⴻⵏ ⴷ ⵓⵙⵙⴻⴱⴷⴻⴷ ⵏ ⵜⵎⴻⵙⵔⵉⵜ ⵏ ⵡⴻⴷⵍⵉⵙ ⴰⵢⴷⴻⴳ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵢⵉⵎⴻⵍⵢⵓⵏⴻⵏ ⵏ ⵢⴻⴷⵍⵉⵙⴻⵏ ⵉⵎⴰⵢⵏⵓⵜⴻⵏ, ⴳⴰⵔ-ⴰⵙⴻⵏ ⵉⴷⵍⵉⵙⴻⵏ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ».
« ⴱⴻⴷⴷⵓ ⵏ ⵜⴻⴷⵢⴰⵏⵜ-ⵏⵏⴻⵖ ⵜⴰⴷⴻⵍⵙⴰⵏⵜ ⵜⴰⵎⴻⵇⵔⴰⵏⵜ ⵢⴻⵖⵍⵉ-ⴷ, ⴷⴰⵖ, ⴰⴽⴽⴻⴷ ⴱⴻⴷⴷⵓ ⵓⵙⵙⴰⵏ-ⴰ ⴰⵢ ⵢⴻⵣⵔⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵏ ⵓⵙⴻⴳⴳⴰⵙ ⴰⴳⵔⴰⵖⵍⴰⵏ ⵏ ⵜⴰⴼⴰⵜ 2015, ⵙ ⵡⴻⵃⴷⴰⵕ ⵏ ⵜⵏⴻⵎⵀⴰⵍⵜ ⵜⴰⵎⴰⵜⵓⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ ⵜⵜⴻⵕⴱⴻⵢⵢⴰ, ⵜⵓⵙⵙⵏⴰ ⴷ ⵢⴻⴷⵍⴻⵙ (ⵓⵏⴻⵙⵛⵧ). ⵉⵡⴰⵜⴰ ⴷⵖⴰ ⵎⴰ ⵏⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵙⴻⴳⴳⴰⵙ-ⴰ ⵏ ⵜⴰⴼⴰⵜ 2015 ⵢⴻⵜⵜⵡⴰⵀⴷⴰ ⵉ ⵢⵉⵅⴻⴷⴷⵉⵎⴻⵏ ⵏ ⵓⵎⴰⵙⵙⴰⵏ ⴰⵄⵕⴰⴱ ⵎⴻⵛⵀⵓⵕⴻⵏ ⴷⴻⴳ ⵓⵎⴰⴹⴰⵍ, ⴰⴱⵓ ⴰⵍⵉ ⴻⵍ ⵀⴰⵙⵙⴻⵏ ⵉⴱⵏ ⴻⵍ ⵀⴰⵢⵜⵀⴰⵎ, ⵡⵉⵏ ⴰⵢ ⴷ-ⵢⴻⵙⴱⴻⴷⴷⴻⵏ ⵜⴰⵙⵏⴰⴼⴰⵜ ⵢⴻⵔⵏⴰ ⵢⵓⵔⴰ-ⴷ ⴽⵉⵜⴰⴱ ⴻⵍ ⵎⴰⵏⴰⴷⵉⵔ (ⴰⴷⵍⵉⵙ ⵏ ⵜⴻⵙⵏⴰⴼⴰⵜ) ⵢⴻⵔⵏⴰ ⵢⴻⵍⵍⴰ-ⴷ ⵀⴻⴷⴷⵓ-ⴰ ⵉ ⵍⵎⴻⵏⴷ ⵏ ⵡⴰⵍⴻⴼ ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⴰⵢ ⵢⴻⵎⵎⵓⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵏⵏⴻⵙ ⵓⵇⴱⴻⵍ ⵎⴰ ⵉⴳⴻⵔ-ⴷ ⵜⵉⵖⵔⵉ ⵉ ⵡⴰⵔⵔⴰⵡ ⵏ ⵓⵖⵍⴰⵏ ⴰⵄⵕⴰⴱ ⴰⴽⴽⴻⵏ ⴰⴷ ⵔⴻⴳⵍⴻⵏ ⴰⴱⵔⵉⴷ ⵉ ⵜⴻⴽⵔⵉⴹⵜ ⵢⴻⵙⵙⴻⵅⵚⴰⵔⴻⵏ, ⵢⴻⵔⵏⴰ ⴰⵢⴰ ⴰⴷ ⴷ-ⵢⵉⵍⵉ ⵙ ⵜⵔⴻⵙⵏⵓⵍⴼⴰ ⴷ ⵓⵅⴻⵎⵎⴻⵎ ⵓⵎⵄⵉⵏ ⴰⴽⴽⴻⵏ ⴰⴷ ⵊⵊⴻⵏ ⴰⵖⵍⴰⵏ-ⴰ ⴰⴷ ⵢⴻⵇⵇⴻⵍ ⵖⴻⵔ ⵢⵉⵙⴻⵖ-ⵏⵏⴻⵙ ⵏ ⵣⵉⴽ.
« ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵃⴻⵜⵜⴻⵎ ⵍⴻⵇⴷⴻⵔ ⴷ ⵡⴰⵣⴰⵍ, ⴰⴷ ⵜⵜⵡⴰⵙⵏⴻⵔⵏⵉⵏ ⵡⴰⵣⴰⵍⴻⵏ ⵏ ⵜⵙⵓⵔⴼⴰ, ⵏ ⵡⴻⵎⵙⵓⵖⴰⵍ ⴷ ⵡⴻⵎⵙⴻⴼⵀⴰⵎ ⴰⵎ ⵡⴰⴽⴽⴻⵏ ⴰⵔⴰ ⵏⴻⵇⵇⵉⵎ ⵏⴻⵟⵟⴻⴼ ⴷⴻⴳ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵡⴰⴽⴽ ⵜⵉⵍⵓⴼⴰ ⵜⴰⵄⵕⴰⴱⵉⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵉⵎⵉⵔ-ⴰ, ⵢⴻⵔⵏⴰ ⴰⵢⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⴽⴰⵏ ⴷ ⵛⵛⴻⵔⴹ ⴷⴻⴳ ⵜⵙⴻⵔⵜⵉⵜ, ⵡⴰⵏⴰⴳ ⵏⵏⵉⴳ ⵡⴰⵢⴰ, ⴰⴷ ⴷ-ⵢⵉⵍⵉ ⴷ ⴰⵣⴰⵍ ⴷⴻⴳ ⵢⴻⴷⵍⴻⵙ ⴷ ⵜⵖⴻⵔⵎⴰ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⴷ-ⵢⴻⵅⵜⴻⵎ ⵢⴻⵎⴹⴻⴱⴱⴻⵔ ⵏ ⵜⵎⵓⵔⵜ.
ⴰⵙⴻⴽⴼⴻⵍ ⴰⵙⴻⵏⵣⵉⴽⴰⵏ ⴷⵉ ⵇⵚⴻⵏⵟⵉⵏⴰ
ⵇⵙⴻⵏⵜⵉⵏⴰ- ⴷⴻⴳ ⵓⵀⴻⵜⵡⴰⵍ ⵉⴷ-ⵢⴻⵍⵍⴰⵏ ⴷⴻⴳ ⵢⵉⵛⴰⵏⵟⵉⵢⴻⵏ ⵏ ⵇⵚⴻⵏⵜⵉⵏⴰ, ⵉⵍⵎⴻⵏⴷ ⵏ « ⵇⵚⴻⵏⵜⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015 », ⵙⵉⵔⵜⴰ ⵜⴻⵙⴱⴻⴳⴳⵏ-ⴷ ⴰⵢⴻⵏ ⵉⴼⵔⴻⵏ ⴷⴻⴳ ⵓⵎⴻⵣⵔⵓⵢ-ⵉⵙ, ⴰⵎⴰ ⴷⴷⴰⵡ ⵏ ⵜⵎⵓⵔⵜ ⵏⴻⵖ ⴷⴻⴼⴼⵉⵔ ⵉⵖⵓⵕⴰⴱ. ⴷⵉ ⵢⴰⵍ ⵜⴰⵖⵓⵣⵉ ⵏ ⵜⵎⴰⵛⵉⵏⵉⵏ, ⵜⵜⴰⴼⴻⵏ ⴰⵟⴰⵙ ⵏ “ⵉⵛⴻⵇⴼⴰⵏ” ⵏ ⵓⵎⴻⵣⵔⵓⵢ ⵏ ⵜⴻⵎⴷⵉⵏⵜ-ⴰⴳⵉ, ⵉⴷ-ⵉⵜⵜⴰⴽⴽⴻⵏ ⵜⵉⴽⵜⵉ ⵖⴻⴼ ⵜⴻⵖⴻⵔⵎⵉⵡⵉⵏ ⵉⴷ-ⵉⴽⴽⴰⵏ ⵖⴻⴼ ⵜⴻⵎⴷⵉⵏⵜ-ⴰⴳⵉ. ⵙⴻⴳ ⵜⵡⵡⵓⵔⵜ ⵜⴰⵇⴱⵓⵔⵜ ⵏ ⵙⵉⵔⵜⴰ, ⴰⵍⴰⵎⵎⴰ ⴷ ⵉⵥⴻⴽⵡⴰⵏ ⵉⴱⵉⵥⴰⵏⵟⵉⵢⴻⵏ, ⴳⴰⵔ ⵜⵉⵙⵙⴻⵍⴱⵉ ⵉⴷ-ⴳⵔⴻⵏⵜ ⵜⵎⵓⵛⵓⵀⴰ ⵜⵉⵇⴱⵓⵕⵉⵏ ⴷ ⵡⴰⴽⴽⴻⵏ ⴷ-ⵇⵇⴰⵔⴻⵏⵜ ⵜⵉⵣⵔⴰⵡⵉⵢⵉⵏ ⵏ ⵜⵓⵙⵙⵏⴰ, ⵜⴰⵎⴷⵉⵏⵜ-ⴰ ⵢⴻⵀⵓⵙⴽⵉⵏ, ⵜⴻⵛⴱⴰⵃ ⴰⵎⵣⵓⵏ ⴷ ⵜⵉⵙⵍⵉⵜ. ⵜⴰⵡⵡⵓⵔⵜ ⵏ ⵙⵉⵔⵜⴰ ⴷ… ⵓⴼⵓⵙ ⵏ ⵙⴰⵍⴻⵀ ⴱⴰⵢ ⴷⴻⴳ ⵎⵉ ⴱⴷⴰⵏ ⵜⴰⵖⵓⵣⵉ ⴷⴻⴳ ⵜⴻⵎⴽⴻⵔⴹⵉⵜ ⵜⵓⵖⵔⵉⵎⵜ ⴷⴻⴳ ⴱⴰⴱ ⴻⵍ ⵇⴻⵏⵜⵔⴰ, ⵓⴼⴰⵏ ⵉⵥⵔⴰ ⵉⵎⴻⵇⵕⴰⵏⴻⵏ, ⵉ ⵢⴻⴵⴵⴰⵏ ⵉⵏⴰⴳⵎⴰⵢⴻⵏ ⴰⴷ ⴷ-ⵉⵏⵉⵏ, ⴷ ⴰⴽⴽⴻⵏ ⵉⵣⵎⴻⵔ ⵢⴻⵍⵍⴰⴷ ⵡⴰⵙⵓⴽ ⴰⵎⴻⴷⵔⵓⵣ, ⴳⵀⴻⴼ ⵡⴰⴽⴻⵏ ⵉⴷ-ⵢⴻⵏⵏⴰ ⵎⴰⵙⵙⴰ ⵧⵓⴰⴼⵉⴰ ⴰⴷⴻⵍ, ⵏ ⵛⵏⵔⴰ. ⵉⵇⵚⴻⵏⵟⵉⵏⵉⵢⴻⵏ ⵎⴻⵣⴻⵔⵏⴰⵏⴻⵏ ⴰⵟⴰⵙ ⵖⴻⴼ ⵓⵙⴻⴽⴼⴻⵍ-ⴰⴽⵉ. ⴳⴰⵔ ⵡⵉⵏ ⴷ-ⵉⵏⵏⴰⵏ ⴷ ⴰⴽⴽⴻⵏ ⵜⵉⴼⵉⵏ-ⴰⵢⵉ ⴷ ⴰⵢⴻⵏ ⵉ ⴷ-ⵉⵇⵇⵉⵎⴻⵏ ⴷⴻⴳ ⵜⵡⵡⵓⵔⵜ ⵜⴰⵇⴱⵓⵕⵜ ⵏ ⵙⵉⵔⵜⴰ, ⵏⴻⵖ ⵡⵉⴷ ⵢⴻⵜⵜⵏⴰⴷⵉⵏ ⴷⴻⴳ ⵜⵎⵓⵛⵓⵀⴰ ⵉⵡⴰⴽⴽⴻⵏ ⴰⴷ ⵙⴻⵃⵢⵓⵏ ⵍⴻⵇⵚⴻⵔ ⵏ ⵜⵜⴻⵔⵢⴻⵍ, ⵍⵍⴰⵏ ⵡⵉⵢⴰⴹ ⵏⵏⴰⵏ-ⴷ ⴷ ⴰⴽⴽⴻⵏ ⴷ ⵉⵥⵔⴰ ⵉ ⴷ-ⵡⵡⵉⵏ ⵙⴻⴳ ⵍⵎⴻⵏⵙⵓⵔⴰ ⵉ ⵡⴰⴽⴽⴻⵏ ⴰⴷ ⴱⵏⵓⵏ ⵜⴰⵡⵡⵓⵔⵜ ⵏ ⵍⵇⴻⵏⵜⵕⴰ, ⵖⴻⴼ ⵡⴰⴽⴽⴻⵏ ⵉ ⵢⴻⵙⵙⵓⵜⴻⵔ ⵙⴰⵍⴻⵀ ⴱⴰⵢ. ⵉⵏⴰⴷⵉⵢⴻⵏ ⵜⵜⴻⴽⴻⵎⵎⵉⵍⴻⵏ, ⵜⴰⴼⵜⴰⵔⵉⵏ ⴷⴰⵖⴻⵏ. ⵜⵉⴳⵔⴰⵢⵜⵉⵏ ⴰⴷ ⴷ-ⴰⵡⵉⵏⵜ ⴰⵎⴰⵢⵏⵓⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵣⵔⵓⵢ ⵏ ⵙⵉⵔⵜⴰ ⵜⴰⵇⴱⵓⵕⵜ ⴷ ⵢⵉⴳⵓⵍⴰⵣ-ⵉⵙ, ⵉⴷ-ⵢⴻⵏⵏⴰ ⵓⵎⵓⵙⵏⴰⵡ-ⴰⴽⵉ ⵉ ⴷ-ⵉⵙⴼⵀⴰⵎⴻⵏ ⴷⴰⵖⴻⵏ ⴷ ⴰⴽⴽⴻⵏ ⵉⴷⵖⴰⵖⴻⵏ-ⴰ ⵉ ⵢⴻⵙⵙⴻⵅⴷⴻⵎ ⵙⴰⵍⴻⵀ ⴱⴰⵢ ⵉ ⵍⴻⴱⵏⵉ ⵏ ⵜⵇⴻⵏⵜⴻⵕⵜ ⵏ ⴱⴰⴱ ⵍⵇⴻⵏⵜⵕⴰ ⵢⴻⵡⵉⵜ-ⵉⴷ ⵙⴻⴳ ⵡⴻⵎⴽⴰⵏ ⵢⴻⵍⵍⴰⵏ ⵣⴷⴰⵜ ⵏ ⵜⴻⵖⵚⴻⵔⵜ ⵏ ⵡⵓⵣⵣⴰⵍ. ⵉⵥⴻⴽⵡⴰⵏ ⵉⴱⵉⵥⴰⵏⵜⵉⵢⴻⵏ ⴷ ⵓⵎⴻⵣⵔⵓⵢ ⵏ ⵉⵙⵓⵜⴰⵍ ⵏ ⵜⴻⵖⵕⴻⵎⵜ ⴷⴻⴳ ⵜⵣⴻⵇⵇⴰ ⵏ ⵜⴻⵥⴰⵍⵍⵉⵜ ⵏ ⵜⵎⴻⵙⴳⵉⴷⴰ ⵙⵉⴷⵉ ⵄⴻⴼⴼⴰⵏ, ⴷⴻⴳ ⵣⵎⴰⵏ ⴰⵣⵉⵔⵉ, ⵉⴷ-ⵢⴻⵣⴳⴰⵏ ⴷⴻⴳ ⵙⵙⵓⵇ ⵏ ⵡⴰⴷⴷⴰ, ⵉⵅⴻⴷⴷⵉⵎⴻⵏ ⵏ ⵜⵓⵍⵙⴰ ⵏ ⵜⴻⵖⵔⴻⵎⵜ ⵉⵍⵎⴻⵏⴷ ⵏ ⵜⴻⴼⴰⵙⴽⴰ ⴰⵔⴰ ⴷ-ⵢⴻⵔⵣⵓⵏ ⵖⴻⵔ ⵇⵙⴻⵏⵜⵉⵏⴰ, ⵓⴼⴰⵏ ⵉⵖⵙⴰⵏ ⵏ ⵢⴻⵎⴷⴰⵏⴻⵏ. Ɣⴻⴼ ⵍⴻⵃⵙⴰⴱ ⵏ ⵎⴰⵙⵙⴰ ⴰⴷⴻⵍ, ⵉⵥⴻⴽⵡⴰⵏ-ⵏⵏⵉ ⵉ-ⵢⵓⴼⴰⵏ ⴷ ⵡⵉⴷ ⵏ ⵢⴻⵎⵙⴻⵍⵎⴻⵏ ⴰⴽ ⴷ ⵡⵉⴷ ⵏ-ⵉⵟⴻⵔⴽⵉⵢⴻⵏ, ⵉⵎⵉ ⵡⵉⴷ ⵢⴻⵎⵎⵓⵜⴻⵏ ⵓⴼⴰⵏ-ⵜⴻⵏ ⵜⵜⵡⴰⵎⴻⴹⵍⴻⵏ ⵙ ⵢⵉⴷⵉⵙ ⴰⵢⴼⵓⵙ, ⴰⵎ ⴰⴽⴽⴻⵏ ⵉⴷ-ⵢⴻⵇⵇⴰⵔ ⵛⵛⵕⴰⵄ ⵏ ⵍⵉⵙⵍⴰⵎ. ⵉⵎⵏⵓⴷⴰ ⵏ ⵛⵏⵔⴰ ⵍⴰ ⵜⵜⴽⴻⵎⵎⵉⵍⴻⵏ ⴰⵏⴰⴷⵉ ⵖⴻⴼ ⵡⴰⵢⴻⵏ ⵓⴼⴰⵏ ⴷⴻⴳ ⵜⴻⵎⴻⵙⴳⵉⴷⴰ ⵏ ⵙⵉⴷⵉ ⵄⴼⴼⴰⵏ, ⴷⴰⵖⴻⵏ ⴷ ⴰⵢⴻⵏ ⵉⵣⴻⵎⵔⴻⵏ ⴰⴷ ⴷ-ⵢⴻⵃⴽⵓⵏ ⵖⴻⴼ ⵡⴰⵙⵙⴰⵖⴻⵏ ⵓⵔ ⵏⴻⵍⵀⵉ ⵢⴰⵔⴰ ⵉⴷ-ⵢⴻⵍⵍⴰⵏ ⴳⴻⵔ ⵇⵙⴻⵏⵜⵉⵏⴰ ⵢⴰⴽ ⴷ-ⵉⵃⴻⴼⵚⵉⵢⴻⵏ ⴷ ⵉⵃⴻⵎⵎⴰⴷⵉⵢⴻⵏ, ⵎⴰⵛⴰ ⴷⴰⵢⴻⵏ ⴰⵔⴰ ⴷ-ⵢⴻⵔⵏⵓⵏ “ⵉⵃⵔⵉⵛⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵓⵎⵣⵔⵓⵢ ⵏ ⵉⵙⵓⵜⴰⵍ ⵏ ⵇⵙⴻⵏⵜⵉⵏⴰ”, ⵉⴷ-ⵜⴻⵏⵏⴰ ⵎⴰⵙⵙⴰ ⴰⴷⴻⵍ.
ⵍⴻⴼⵏⴰⵕ , ⵍⴵⴰⵎⴰⵄ ⵍⴻⴽⴱⵉⵔ: ⵏⵏⵉⴳ ⵏ ⵡⴻⵖⵔⴰⴱ, ⴰⵎⴻⵣⵔⵓⵢ. ⵉⵅⴻⴷⴷⵉⵎⴻⵏ ⵏ ⵜⵓⵍⵙⴰ ⵏ ⵜⵎⴻⵙⴳⵉⴷⴰ ⵍⴵⴰⵎⴰⵄ ⵍⴻⴽⴱⵉⵔ, ⵉ ⵢⴻⴱⵏⴰ ⴰⵀⵎⴻⴷ ⴱⴰⵢ ⴻⵍ ⵇⵓⵍⵍⵉ ⴷⴻⴳ 1756, ⵙⵙⵓⵍⵉⵏ-ⴷ ⴰⵎⴻⵣⵔⵓⵢ ⵏ ⵡⴻⵎⴽⴰⵏ-ⴰⴽⵉ. ⴰⵙⵇⴱⴻⵛ ⵏ ⵡⴻⵖⵔⴰⴱ ⵏ ⵜⵣⴻⵇⵇⴰ ⵏ ⵛⵛⵉⵅ ⵙⴱⴰⵏⴻⵏ-ⴷ ⴰⵅⵔⵉⴱ ⵏ ⵡⴻⴼⵔⴰⴳ ⴷ ⵜⴻⵎⵏⴰⵔⵜ ⵜⴰⵏⴻⵣⵍⵉⵜ. ⵖⴻⴼ ⵍⴻⵃⵙⴰⴱ ⵏ ⵉⵎⵏⵓⴷⴰ ⵏ ⵛⵏⵔⴰ, ⵍⴻⴼⵏⴰⵕ-ⴰ ⵜⴻⵙⴷⴻⵔⵎ-ⵉⵜ ⴼⵕⴰⵏⵙⴰ ⴳⴻⵔ 1867 ⴷ 1869, ⵉⵡⴰⴽⴽⴻⵏ ⴰⴷ ⵙⵄⴻⴷⵍⴻⵏ ⴰⴱⵔⵉⴷ ⴰⴳⴻⵊⴷⴰⵏ ⵏ ⵣⵉⴽ (ⵎⴰⵔⴱⵉ ⴱⴻⵏ ⵎⵀⵉⴷⵉ ⴰⵙⵙ-ⴰⴳⵉ) ⴷⴻⴳ “ⵓⵀⴻⵜⵡⴰⵍ-ⴰⴽⵉ ⴰⵎⵙⴻⵏⵣⵉⴽⴰⵏ”, ⵜⴰⵎⴷⵉⵏⵜ ⵏ ⵇⴻⵙⴻⵏⵜⵉⵏⴰ ⵉ ⵉⴱⴻⴷⴷⴻⵏ ⵙ ⵓⴼⴻⵍⵍⴰ ⵏ ⵡⴻⵥⵕⵓ ⵏⵏⵉⴳ ⵏ 2.500 ⵉⵙⴻⴳⴳⴰⵙⴻⵏ-ⴰⵢⴰ, ⵖⴻⴼ ⵉ ⵄⴻⴷⴷⴰⵏⵜ ⴰⵟⴰⵙ ⵏ ⵜⴻⵖⴻⵕⵎⵉⵡⵉⵏ, ⴰⵙⵙ-ⴰ, ⵜⴻⵜⵜⵎⴻⴽⵜⴰⵢ-ⴷ ⴷⴰⵖⴻⵏ ⵍⴰ ⵜⵜⵃⴻⴽⴽⵓ-ⴷ ⴰⵢⴻⵏ ⴰⴽ ⵉⵄⴻⴷⴷⴰⵏ ⴼⴻⵍⵍⴰⵙ.
ⵍⴻⵣⵣⴰⵢⴻⵔ ⵜⴻⵙⵍⴰ ⵉ ⵜⴻⵖⵔⵉ ⵏ ⵓⵎⵚⴰⵍⴰⵃ ⴰⵢ ⴷ-ⵉⴳⴻⵔ ⴱⴻⵏ ⴱⴰⴷⵉⵙ
ⵇⵙⴻⵏⵟⵉⵏⴰ – ⵍⴻⵣⵣⴰⵢⴻⵔ ⵜⵉⵎⵣⵉⵔⴻⴳⵜ ⵉⴼⴻⵔⵏⴻⵏ ⴰⵎⵚⴰⵍⴰⵃ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵜⴼⴰⴽ ⵜⴰⵍⵓⴼⵜ ⵏ ⵢⵉⵙⴻⴳⴳⴰⵙⴻⵏ ⵏ 1990, ⵜⵓⴳⴻⵎ-ⴷ ⵜⴰⴽⵜⵉ-ⴰ ⵙⴻⴳ « ⵜⴻⵏⵚⵉⵃⵉⵏ ⵏ ⵓⵎⵙⵓⵔⴻⴼ ⴷ ⵓⵎⵚⴰⵍⴰⵃ ⵖⴻⴼ ⴰⵢ ⴷ-ⵉⵡⴻⵚⵚⴰ ⴱⴻⵏ ⴱⴰⴷⵉⵙ ⴷⴻⴳ ⵜⴰⵍⵍⵉⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵇⵙⴻⵏⵟⵉⵏⴰ ⵢⵉⵎⵜⵜⴻⴽⴽⵉⵢⴻⵏ ⵏ ⵜⴻⵎⵍⵉⵍⵉⵜ ⵖⴻⴼ ⵓⵎⴻⵢⴻⵣ ⵏ ⵛⵛⵉⵅ-ⴰⴳⵉ ⵢⴻⵡⵜⴻⵏ ⵖⴻⴼ ⵓⴱⴻⴷⴷⴻⵍ.
ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵢⴰⴳⴻⵔ-ⴰ ⴰⴳⵔⴰⵖⵍⴰⵏ ⵢⴻⵜⵜⵓⵔⴻⵥⵎⴻⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵡⴻⵀⵕⴰⵏ ⵢⴻⵔⵏⴰ ⵉⴼⵓⴽ ⴰⵙⵙ ⵏ ⵙⵙⴻⴱⵜ ⴷⴻⴳ ⵇⵙⴻⵏⵟⵉⵏⴰ, ⵎⵎⴻⵙⵍⴰⵢⴻⵏ-ⴷ ⵖⴻⴼ « ⵕⵕⵓⵃ ⵏ ⵓⵎⵙⵓⵔⴻⴼ ⴷ ⵙⵙⵎⴰⵃ ⵢⴻⵙⵙⴻⴷⴷⴰ ⵍⵉⵎⴰⵎ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ, ⴷ ⵍⴰⵜⴻⵕ ⵢⴻⵙⵄⴰⵏ ⴰⵣⴰⵍ ⴷ-ⵢⴻⴵⴵⴰ ⵡⴰⵢⴰ ⴷⴻⴳ ⵓⵃⵔⴰⵣ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ».
ⴷⴻⴳ ⵜⴻⵙⵡⵉⵄⵉⵏ ⵜⵉⵡⴻⵄⵕⴰⵏⵉⵏ ⵖⴻⴼ ⵜⴻⴽⴽⴰ ⵍⴻⵣⵣⴰⵢⴻⵔ, ⵉⵎⴹⴻⴱⴱⵔⴻⵏ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴳⵔⴻⵏ-ⴷ « ⵙⵇⴻⴷⵛⴻⵏ ⵚⵚⵡⴰⴱ ⴷ ⵜⵎⵓⵖⵍⵉ ⵜⵓⵕⵣⵉⵏⵜ ⵏ ⵓⵣⴰⵎⵓⵍ-ⴰ ⵏ ⵍⴻⵣⵣⴰⵢⴻⵔ ⴷ ⵓⵎⴰⴹⴰⵍ ⴰⵄⵕⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵖⵔⴰ ⵙ ⵓⴷⴻⵇⵇⴻⵇ ⵜⵓⴷⴻⵔⵜ ⴷ ⵢⵉⵅⴻⴷⴷⵉⵎⴻⵏ ⵏ ⵍⵉⵎⴰⵎ ⴱⴻⵏ ⴱⴰⴷⵉⵙ ⵢⴻⵔⵏⴰ ⵢⴻⵙⵙⴰⵡⴻⴹ « ⴰⴷ ⵢⴻⵥⵥⵓ » ⴷⴻⴳ ⵜⵎⵓⵔⵜ ⵜⴰⵏⵚⵉⵃⵜ ⵏ ⵍⵉⵎⴰⵎ ⵉ ⵍⵎⴻⵏⴷ ⵏ ⵓⵎⵚⴰⵍⴰⵃ ⴷ ⵓⵎⵙⵓⵔⴻⴼ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⴰⴱⴷⴻⵍⵀⴰⴽ ⴱⴻⵏⴱⴰⴷⵉⵙ, ⴳⵎⴰ-ⵙ ⵏ ⵛⵛⵉⵅ.
ⵛⵛⵉⵅ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ « ⵢⴻⵍⵍⴰ ⴷⵉⵎⴰ ⴷ ⴰⵎⴷⴰⵏ ⵢⴻⴱⵖⴰⵏ ⵜⴰⵍⵡⵉⵜ ⵢⴻⵔⵏⴰ ⵢⴻⵍⵍⴰ ⵢⴻⵣⴳⴰ ⵢⴻⵜⵜⵏⴰⵖ ⵎⴳⴰⵍ ⴰⵙⴻⵇⴷⴻⵛ ⵏ ⵢⵉⵖⵉⵍ ⴷ ⵢⴰⴽⴽ ⵍⴻⵚⵏⴰⴼ ⵏ ⵜⴻⵄⴷⴰⵡⵜ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⴰⴱⴷⴻⵍⵀⴰⴽ ⵉ ⵢⴻⵙⵄⴰⵏ ⵉⵎⵉⵔ-ⴰ 96 ⵏ ⵢⵉⵙⴻⴳⴳⴰⵙⴻⵏ, ⵎⴰⵛⴰ ⵎⴰⵣⴰⵍ-ⵉⵜ ⵢⴻⵛⴼⴰ ⴰⵟⴰⵙ ⵖⴻⴼ ⴳⵎⴰ-ⵙ ⵢⴻⵡⵡⴹⴻⵏ ⵍⴻⵄⴼⵓ ⵏ ⵕⴻⴱⴱⵉ ⴰⵙⵙ ⵏ 16 ⵢⴻⴱⵔⵉⵔ 1940.
ⴰⵅⴻⴷⴷⵉⵎ ⵏ ⵓⴱⴻⴷⴷⴻⵍ ⵏ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ « ⵓⵔ ⵢⴻⵄⵊⵉⴱ ⴰⵔⴰ ⴽⵔⴰ ⵙⴻⴳ ⵡⵓⴷⵎⴰⵡⴻⵏ ⵉⵣⵣⴰⵢⵔⵉⵢⴻⵏ ⵢⴻⵍⵍⴰⵏ ⵜⵜⵏⴰⵖⴻⵏ ⵉ ⵍⵎⴻⵏⴷ ⵏ ⵡⴰⵢⴻⵏ ⵢⴻⵍⵍⴰ ⵢⴻⵜⵜⵏⴰⵖ ⵏⴻⵜⵜⴰ, ⵎⴻⵃⵙⵓⴱ ⵉ ⵍⵎⴻⵏⴷ ⵏ ⵓⵣⴰⵔⵓⴳ ⵏ ⵍⴻⵣⵣⴰⵢⴻⵔ, ⴷ ⴰⵛⵓ ⴽⴰⵏ, ⴷⴻⴳ ⵜⴳⴰⵔⴰ, ⵢⴻⵜⵜⵡⴰⴹⴼⴻⵔ ⵡⴰⵢⴻⵏ ⴰⵢ ⴷ-ⵢⴻⵏⵏⴰ ⵢⴻⵔⵏⴰ ⵢⴻⵜⵜⵡⴰⵇⴱⴻⵍ ⵉⵎⵉ ⴰⵢ ⵜ-ⵉⴷ-ⵢⴻⵏⵏⴰ ⵙ ⵜⵉⵏ ⵏ ⵜⴰⵍⵡⵉⵜ ⴷ ⵓⵇⴱⴰⵍ ⵏ ⵡⵉⵢⴰⴹ », ⴰⵢ ⴷ-ⵢⴻⵏⵏⴰ ⴰⴱⴷⴻⵍⵀⴰⴽ ⴱⴻⵏ ⴱⴰⴷⵉⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵍⵍⴰ ⵖⴻⵔ-ⵙ ⵢⵉⵡⴻⵏ ⵏ ⵍⴽⴰⵖⴻⴹ ⴰⵢ ⵢⴻⵍⵍⴰⵏ ⴷ ⵜⵜⴱⵓⵜ ⴷⴰⴽⴽⴻⵏ ⴰⵙⴻⵍⵡⴰⵢ ⴰⵎⴻⵣⵡⴰⵔⵓ ⵏ ⵓⵏⴰⴱⴰⴹ ⵓⵄⴹⵉⵍ ⵏ ⵜⴻⴳⴷⵓⴷⴰ ⵜⴰⴷⵣⴰⵢⵔⵉⵜ ⵢⴻⵣⵔⴰ ⵖⴻⴼ ⵓⵎⴻⵕⵃⵓⵎ ⵏ ⴳⵎⴰ-ⵙ.
ⴰⵅⴻⵎⵎⴻⵎ ⵏ ⵍⵉⵎⴰⵎ ⴱⴻⵏ ⴱⴰⴷⵉⵙ ⴷ « ⵡⵉⵏ ⵢⴻⵜⵜⵎⵓⵇⵇⵓⵍⴻⵏ ⵖⴻⵔ ⵓⵣⴻⴽⴽⴰ, ⵢⴻⵔⵏⴰ ⵍⵉⵎⴰⵎ ⵡⴻⵔⵊⵉⵏ ⵜ-ⵉⵄⴻⴷⴷⴰ ⵣⵣⵎⴰⵏ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵙⴻⴳ ⵢⵉⴷⵉⵙ-ⵏⵏⴻⵙ ⵓⵙⴻⵍⵡⴰⵢ ⵏ ⵜⴻⵙⴱⴻⴷⴷⵉⵜ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ, ⵎⴰⵙⵙ ⴰⴱⴷⴻⵍⴰⵣⵉⵣ ⴼⵉⵍⴰⵍⵉ, ⴰⵎ ⵡⴰⴽⴽⴻⵏ ⴷ-ⵉⴳⴻⵔ ⵜⵉⵖⵔⵉ ⴰⴽⴽⴻⵏ ⴰⴷ ⵜⵜⵡⴰⵙⵙⴻⵇⴷⴰⵛⴻⵏ ⵢⵉⴷⵍⵉⵙⴻⵏ ⵏ ⵛⵛⵉⵅ ⴷⴻⴳ ⴼⴻⵔⵔⵓ ⵏ ⵡⵓⴳⵓⵔⴻⵏ ⴷ-ⵜⵜⵎⴰⴳⴰⵔⴻⵏⵜ ⵜⵙⵓⵜⵡⵉⵏ ⵜⵉⵎⴰⵢⵏⵓⵜⵉⵏ.
ⴰⵎⵙⴰⵔⴰⴳ-ⴰ ⵢⴻⵙⵙⴻⵖⵣⴻⴼ ⴰⵡⴰⵍ, ⴷⴻⴳ ⵓⵙⴰⵔⴰⴳ-ⵏⵏⴻⵙ, ⵖⴻⴼ ⵜⵎⵓⵙⵙⵏⵉ ⵜⴰⴷⵉⵒⵍⵓⵎⴰⵜⵉⵜ ⵏ ⵛⵛⵉⵅ ⴱⴻⵏ ⴱⴰⴷⵉⵙ ⴰⵢ ⵢⴻⵏⵏⵓⵖⴻⵏ ⵎⴳⴰⵍ ⵜⴻⵀⵔⴻⵙⵜ (ⵍⵉⵙⵜⵉⵄⵎⴰⵕ) ⵙ « ⵜⴷⵉⵒⵍⵓⵎⴰⵜⵉⵜ ⵜⴰⵎⴻⵇⵔⴰⵏⵜ ⴷ ⵓⴽⵢⴰⵙ ⵢⴻⵡⵡⴹⴻⵏ ⵖⴻⵔ ⵜⵇⴰⵛⵓⵛⵜ », ⵢⴻⵔⵏⴰ ⵢⴻⵙⵙⴰⵏⴻⴼ ⴷⴻⴳ ⵡⴰⵢⴰ « ⵉ ⵢⵉⵔ ⴰⵡⴰⵍ ⴷ ⵡⴰⴽⴽ ⵍⴻⵚⵏⴰⴼ ⵏ ⵜⴻⴽⵔⵉⴹⵜ ».
« ⵎⴰ ⵢⴻⵍⵍⴰ ⵍⵉⵎⴰⵎ ⴱⴻⵏ ⴱⴰⴷⵉⵙ ⵢⴻⵍⵍⴰ ⵉⴱⴻⴷⴷⴻⵔ-ⴷ, ⵖⴻⴼ ⵓⵎⴻⴷⵢⴰ, ‘ⵜⵓⴳⴷⵓⵜ ⴷ ⵓⵄⴷⴰⵍ ⴷⴻⴳ ⴼⵕⴰⵏⵙⴰ’ ⵏⴻⵖ ‘ⴰⵖⵍⴰⵏ ⴰⴼⵕⴻⵏⵙⵉⵙ ⴰⵎⴻⵇⵔⴰⵏ’, ⵢⴻⵍⵍⴰ ⵢⴻⵜⵜⴻⴳ ⴰⵢⴰ ⴰⴽⴽⴻⵏ ⴽⴰⵏ ⴰⴷ ⵢⴻⵙⵙⴳⴻⵏ ⴰⵄⴷⴰⵡ ⴷⴻⴳ ⵍⴻⵖⵔⵓⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⵉⵍⴰⵍⵉ, ⴷⵖⴰ ⵙ ⵡⴰⵢⴰ, ⴰⵢ ⴷ-ⵜⴱⴰⵏ ⵜⵎⵓⵙⵙⵏⵉ ⴷⴻⴳ ⵓⵙⵙⴻⵇⴷⴻⵛ ⵏ « ⵜⵃⵉⵍⴻⵜ ⴷ ⵜⵃⴻⵕⵛⵉ » ⵏ ⵍⵉⵎⴰⵎ-ⴰ, ⵎⴻⵎⵎⵉ-ⵙ ⵏ ⵇⵙⴻⵏⵟⵉⵏⴰ, ⴰⵢ ⵉⵡⵜⴻⵏ ⵖⴻⴼ ⵓⴱⴻⴷⴷⴻⵍ.
ⴰⵎⵢⴰⴳⴻⵔ-ⴰ ⴰⴳⵔⴰⵖⵍⴰⵏ ⵢⴻⵜⵜⵡⴰⵙⵙⵓⴷⴷⴻⵙ-ⴷ ⴷⴻⴳ ⵓⵇⴰⵍⴻⴱ ⵏ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵕⴰⴱ », ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ ⴰⵟⴰⵙ ⵏ ⵢⵉⵎⵏⴰⴷⵉⵢⴻⵏ ⴷ ⵢⵉⵙⴷⴰⵡⴰⵏⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵡⴰⵟⴰⵙ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵍⵎⴻⵖⵔⴻⴱ ⵢⴻⵔⵏⴰ ⵃⴻⵜⵜⴻⵜⴻⵏ-ⴷ ⵖⴻⴼ « ⵓⵜⵜⴻⴽⴽⵉ ⵓⵔ ⵢⴻⵙⵄⵉⵏ ⴰⵣⴰⵍ ⴰⵢ ⵢⴻⵜⵜⴻⴽⴽⴰ ⵛⵛⵉⵅ ⴱⴻⵏ ⴱⴰⴷⵉⵙ ⴷⴻⴳ ⵜⵔⵉⵔⵉⵜ ⵏ ⵜⵓⴷⴻⵔⵜ ⵉ ⵓⵎⴰⴹⴰⵍ ⴰⵄⵕⴰⴱ-ⵉⵏⴻⵙⵍⴻⵎ ».
ⴰⵎⵢⴰⴳⴻⵔ-ⴰ ⴰⴳⵔⴰⵖⵍⴰⵏ ⵓⵎⵉ ⵙⴻⵎⵎⴰⵏ « ⵛⵛⵉⵅ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ ⴷⴻⴳ ⵢⵉⴷⵍⴻⵙ ⴰⵄⵕⴰⴱ-ⵉⵏⴻⵙⵍⴻⵎ », ⴼⵔⵓⵔⵉⵏⵜ-ⴷ ⵙⴻⴳ-ⵙ ⴰⵟⴰⵙ ⵏ ⵍⴻⵡⵚⴰⵢⴰⵜ ⴰⵢ ⵢⴻⵇⵇⵏⴻⵏ ⴰⴽⴽ ⵖⴻⵔ « ⵡⴰⵣⴰⵍ ⴰⵢ ⵜⴻⵙⵄⴰ ⵜⴻⵣⵔⴰⵡⵜ ⴷ ⵜⵓⴽⵛⵉ ⵏ ⵛⵛⴰⵏ ⵉ ⵢⵉⵅⴻⴷⴷⵉⵎⴻⵏ ⵏ ⵍⵉⵎⴰⵏ ».
ⵜⵉⴳⵉⵏ ⵏ ⵓⵙⴰⵔⵓ ⵖⴻⴼ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ ⴷ ⵓⵙⵙⵓⵇⵇⴻⵍ ⵏ ⵢⵉⴷⵍⵉⵙⴻⵏ-ⵏⵏⴻⵙ ⵖⴻⵔ ⵡⴰⴽⴽ ⵜⵓⵜⵍⴰⵢⵉⵏ ⵙⴻⴳ ⴳⴰⵔ ⵍⴻⵡⵚⴰⵢⴰⵜ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⵎⵢⴰⴳⴻⵔ-ⴰ ⴰⴳⵔⴰⵖⵍⴰⵏ ⴰⵢ ⵢⴻⵔⵥⴻⵎ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵎⵧⵀⴰⵎⴻⴷ ⴰⵉⵙⵙⴰ, ⴷⴻⴳ ⵡⴻⵀⵕⴰⵏ.
ⴰⵎⵢⴰⴳⴻⵔ-ⴰ ⴰⴳⵔⴰⵖⵍⴰⵏ ⵚⴻⵡⵡⵔⴻⵏ-ⵜ-ⵉⴷ ⵢⴻⵔⵏⴰ ⵙⵄⴻⴷⴷⴰⵏ-ⵜ-ⵉⴷ ⵙⵔⵉⴷ ⵙ ⵓⴳⴻⵏⵙⴰ ⴰⴽⴽⴻⵏ ⴰⴷ ⵜ-ⵡⴰⵍⵉⵏ ⴰⵎⴰ ⴷⴻⴳ ⵜⵎⴻⵙⴳⵉⴷⴰ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ ⴷⴻⴳ ⵇⵙⴻⵏⵟⵉⵏⴰ, ⴰⵎⴰ ⴷⴻⴳ ⵜⵎⴻⵙⴳⵉⴷⴰ ⵏ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ ⴷⴻⴳ ⵡⴻⵀⵕⴰⵏ.
ⵍⴻⵅⵎⵉⵙ, 16 ⵢⴻⴱⵔⵉⵔ 2015 2021 ⵜⴰⴷⵢⴰⵏⵜ-ⴰ ⴷ ⴰⵃⵔⵉⵛ ⵙⴻⴳ ⵓⴼⴻⴵⴵⴻⴵ ⴰⴷⴻⵍⵙⴰⵏ, ⴰⵏⵖⴻⵔⵎⴰⵢ ⴷ ⵓⵙⴻⵔⵜⵉ ⵏ ⵍⴻⵣⵣⴰⵢⴻⵔ ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵕⴰⴱ 2015
ⵇⵙⴻⵏⵟⵉⵏⴰ – ⵜⴰⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵕⴰⴱ » ⴷ ⴰⵃⵔⵉⵛ ⵙⴻⴳ « ⵓⴼⴻⴵⴵⴻⴵ ⴰⴷⴻⵍⵙⴰⵏ, ⴰⵏⵖⴻⵔⵎⴰⵢ ⴷ ⵓⵙⴻⵔⵜⵉ ⵏ ⵍⴻⵣⵣⴰⵢⴻⵔ ⴷⴻⴳ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵇⵙⴻⵏⵟⵉⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ (ⵏⵙⵍ).
« ⵍⴻⵣⵣⴰⵢⴻⵔ ⵜⴻⵜⵜⴻⴽⴽⴰ-ⴷ ⵎⵍⵉⵃ ⴷⴻⴳ ⵓⵅⴻⴷⴷⵉⵎ ⵓⵛⵔⵉⴽ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⴷⴻⴳ ⵡⴰⴽⴽ ⵉⵏⵓⵔⴰⵔ, ⵢⴻⵔⵏⴰ, ⵡⴰⵔ ⵛⵛⴻⴽ, ⵓⵍⴰ ⴷⴻⴳ ⵓⵏⵔⴰⵔ ⴰⴷⴻⵍⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⴰⵢ ⵉⴳⴰ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵖⴻⴼ ⵇⵙⴻⵏⵟⵉⵏⴰ.
« ⵇⵙⴻⵏⵟⵉⵏⴰ, ⴰⵢ ⵢⴻⵙⵄⴰⵏ ⴰⵎⴻⵣⵔⵓⵢ ⴷ ⴰⵇⴱⵓⵔ ⴰⵟⴰⵙ ⵢⴻⵔⵏⴰ ⵜⴻⵙⵙⴰⵡⴻⴹ, ⴷⴻⴳ ⵢⵉⵎⴻⵛⵡⴰⵕⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵏⵏⴻⵔⵏⵉ-ⵏⵏⴻⵙ ⴷⴻⴳ ⵓⵎⴻⵣⵔⵓⵢ, ⴰⴷ ⵜⴻⵜⵜⴻⴽⴽⵉ ⴰⵎⴰ ⴷⴻⴳ ⵓⵎⴻⵣⵔⵓⵢ ⴰⵇⴱⵓⵔ, ⴰⵎⴰ ⴷⴻⴳ ⵓⵎⴻⵣⵔⵓⵢ ⴰⵜⵔⴰⵔ ⵏ ⵜⵎⵓⵔⵜ, ⴰⵜⵜⴰⵏ ⴰⵙⵙ-ⴰ ⴷ ⴰⵎⴽⴰⵏ ⴰⵢⴷⴻⴳ ⴰⵔⴰ ⴷ-ⵜⵉⵍⵉ ⵜⴻⴷⵢⴰⵏⵜ-ⴰ ⴰⵔⴰ ⴷ-ⵢⴻⵙⴳⴻⵔⵡⴻⵏ ⴰⴽⴽ ⴰⵎⴰⴹⴰⵍ ⴰⵄⵕⴰⴱ ⴷ ⵢⵉⵎⴻⴷⴷⵓⴽⴰⵍ ⵏ ⵓⵎⴰⴹⴰⵍ ⴰⵄⵕⴰⴱ, ⵢⴻⵔⵏⴰ ⴰⵢⴰ ⴷ ⵣⵣⵓⵅ ⵉ ⵜⴻⵎⴷⵉⵏⵜ-ⴰ », ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ.
ⴰⵢⴰ ⴷⴰⵖ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, « ⴷ ⴰⵙⵏⴻⵎⵎⴻⵔ ⴽⴰⵏ ⵉ ⵓⵎⴽⴰⵏ ⵢⴻⵙⵄⴰⵏ ⴰⵣⴰⵍ ⴰⵢ ⵜⴻⴹⴹⴻⴼ ⵇⵙⴻⵏⵟⵉⵏⴰ ⴷⴻⴳ ⵓⵎⴻⵣⵔⵓⵢ », ⵢⴻⵔⵏⴰ ⴷ « ⴷ ⵜⴰⵊⵎⵉⵍⵜ ⵉ ⵜⵎⵓⵔⵜ-ⵏⵏⴻⵖ ⴰⵢ ⵢⴻⵙⵙⴰⵡⴹⴻⵏ ⴷⵉⵎⴰ ⴰⴷ ⵜⵇⴰⴱⴻⵍ ⴰⵢⴻⵏ ⵉⵡⴻⵄⵕⴻⵏ ⵢⴻⵔⵏⴰ ⴰⴷ ⵜⴻⵣⵡⵉⵔ ⵉ ⵚⵚⴻⴼ ⴷⴻⴳ ⵢⵉⵎⴻⵏⵖⵉ ⴷⴻⴳ ⵜⵍⵓⴼⴰ ⵢⴻⵔⵣⴰⵏ ⴰⵄⵕⴰⴱⴻⵏ ⴷ ⵓⵙⵙⵉⴷⴻⵔ ⵏ ⵢⵉⴷⵍⴻⵙ ».
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵄⵕⴰⴱⴻⵏ ⴷ ⵢⵉⵎⴻⴷⴷⵓⴽⴰⵍ ⵏ ⵓⵎⴰⴹⴰⵍ ⴰⵄⵕⴰⴱ « ⵛⴻⵔⴽⴻⵏ-ⵜⴻⵏ ⴰⵟⴰⵙ ⵏ ⵡⴰⵣⴰⵍⴻⵏ ⵉⴷⴻⵍⵙⴰⵏⴻⵏ ⴷ ⵢⵉⵏⵖⴻⵔⵎⴰⵢⴻⵏ ⴰⴽⴽⴻⴷ ⵜⵎⵓⵔⴰ ⵏ ⵜⴻⴼⵔⵉⵇⵜ ⴷ ⵜⵓⵕⵓⴼⵜ », ⵢⴻⵔⵏⴰ ⴰⵎⴻⵣⵔⵓⵢ ⵏ ⵓⵎⴰⴹⴰⵍ ⴰⵄⵕⴰⴱ « ⵍⴰ ⵢⴻⵜⵜⴽⴻⵎⵎⵉⵍ ⴷⴻⴳ ⵜⵣⵓⵏⴻⴳⵣⵉⵔⵜ ⵜⵉⴱⵉⵔⵉⵜ ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵉⴼⵓⵔⴽⴰ ⴷⴻⴳ ⵡⴰⵟⴰⵙ ⵏ ⵜⵎⵉⵡⴰ ⵏ ⵜⵓⵕⵓⴼⵜ ⴷ ⵓⵎⴰⴹⴰⵍ ».
ⴰⵎⵙⵓⴷⴻⵖ ⴰⵎⵓⵇⵔⴰⵏ ⵉ ⵡⴻⵙⴼⵓⴳⴻⵍ ⵏ ⵉⴷⵍⴻⵙ ⴰⵄⵔⴰⴱ ⴷⴻⴳ ⵇⵙⴻⵏⵜⵉⵏⴰ
ⵇⵚⴻⵏⵜⵉⵏⴰ- ⴰⵎⵙⵓⴷⴻⵖ ⴰⵎⵓⵇⵔⴰⵏ ,ⵉⵜⵜⵎⴻⵛⴱⴻⵔⵔⵉⵇⴻⵏ ⵙ ⵎⴻⵢⵢⴰ ⵏ ⵜⴻⴼⵜⵉⵍⵉⵏ, ⵎⵉ ⴷ-ⵍⵃⴰⵏ ⴷⴻⴳ ⵢⵉⴹ ⵏ ⵡⴰⵙⵙ ⵏ ⵍⴻⵔⴱⵄⴰ ⴷⴻⴳ ⵢⵉⵣⴻⵏⵇⴰⵏ ⵏ ⵜⴻⵎⴷⵉⵏⵜ ⵏ « ⵡⴻⵥⵔⵓ ⴰⵇⴱⵓⵕ », ⵉⴳⵓⵍⵍⴰ ⵢⴻⵜⵜⵡⴰⵛⴻⴱⵃⴻⵏ, ⴰⵍⵎⴻⵏⴷ ⵏ ⵜⵎⴻⵙⴱⴰⵏⵉⵜ-ⴰⴳⵉ, ⵙ ⵉⵣⴰⵎⵓⵍⴻⵏ ⴷ-ⵉⵣⵣⴰⴽⴰⵏⵏⴻⵏ ⵉⴷⵍⴻⵙ ⵏ ⵢⴰⵍ ⵢⵉⵡⴻⵜ ⵙⵉ ⴳⴰⵔ 22 ⵏ ⵜⵎⵓⵔⴰ ⵜⵉⵄⵔⴰⴱⵉⵏ , ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⴱⴻⴷⴷⵓ ⴰⵖⴻⵔⴼⴰⵏ ⵏ ⵜⵎⴻⵙⴽⴻⵏⵜ « ⵇⵚⵏⵜⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015 ». ⴰⵍⴷⴰⵢ ⵏ ⵓⵎⵙⵓⴷⴻⵖ-ⴰⴳⵉ (ⴷⴷⵉⴼⵉⵍⵉ) , ⵣⵡⴰⵔⴻⵏ ⴷⴻⴳ-ⵙ ⵢⴻⵎⵏⴰⵢⴻⵏ ⵏ ⵜⵉⴹⴰⴼ ⵜⵉⵖⴻⵍⵏⴰⵡⵉⵏ ⴰⵢ ⴷ-ⵢⴻⴷⴷⴰⵏ ⴷⴻⴼⴼⵉⵔ ⵓⴳⴰⵍⵍⵓ ⵏ ⵜⴻⵎⴷⵉⵏⵜ ⵏ ⵇⵙⴻⵏⵜⵉⵏⴰ, ⵓⵇⴱⴻⵍ ⴰⵢ ⴷ-ⵢⴻⵔⵏⵓ ⵡⵉⵏ ⵏ ⵜⵎⵓⵔⵜ ⵏ ⴼⴰⵍⴰⵙⵜⵉⵏ, ⴰⵢⴰ ⴳⴰⵔ ⵚⵚⵓⵜ ⵏ ⵉⴱⴻⵏⴷⵓⵢⴰⵔ ⵏ ⵜⵔⴻⴱⴱⵧⵓⵢⴰⵄ ⵏ ⵉⴹⴻⴱⴱⴰⵍⴻⵏ ⴷ ⵛⵏⴰⵡⵉ ⵜⵉⵖⴻⵔⴼⴰⵏⵉⵏ ⵏ ⵢⴰⵍ ⵜⴰⵎⵓⵔⵜ ⵉⵛⴻⵔⴽⴻⵏ ⴷⵉ ⵜⴻⴷⵢⴰⵏⵜ-ⴰⴳⵉ. ⵔⵔⴰⵏⵜ-ⴷ ⵕⵕⵓⵃ ⵉ ⵉⴱⴻⵔⴷⴰⵏ ⵏ ⴱⴰⴱ ⴻⵍ ⴽⴰⵏⵜⵔⴰ , ⵉⵎⵉ ⵀⵓⵣⵣⴻⵏⵜ ⵜⴰⵎⵉⵡⵉⵏ ⵜⵉⴳⴻⵊⴷⴰⵏⵉⵏ ⵏ ⵜⴻⵎⴷⵉⵏⵜ , ⵉⵍⵎⴻⵏⴷ ⵏ ⵜⵉⵥⵓⵏⵥⴰ ⵏ ⵜⵎⴰⵙⴽⴻⵏⵜ ⵜⴰⴷⴰⵍⵙⴰⵏⵜ –ⴰ ⴰⵢ ⵓⵔⴵⴰⵏ ⵉⵎⴻⵣⴷⴰⵖ ⵏ ⵜⴻⵎⴷⵉⵏⵜ ⵏ ⵇⵙⵏⵜⵉⵏⴰ ⵙⴻⴳ ⴰⵛⵃⴰⵍ ⴰⵢⴰ. ⴰⵎⵙⵓⴷⴻⵖ ⴰⵖⴻⵔⴼⴰⵏ-ⴰ , ⴰⵢ ⴷ-ⵜⴱⵄⴻⵏ ⵉⵇⵙⵏⵜⵉⵏⵉⵢⴻⵏ ⵙ ⵍⴼⴰⵔⵃ ⴷ ⴰⵎⵧⵇⵔⴰⵏ, ⵍⴰⴷⵖⴰ ⵉⵎⵉ ⵍⵃⴰⵍⴰ ⵏ ⵜⴳⵏⴰⵡⵜ ⵜⴻⵍⵍⴰ ⴷ ⵜⵉⵏ ⵉⵡⴰⵜⴰⵏ , ⵉⵎⵙⵓⴷⴷⵙⴻⵏ ⵏ ⵜⴳⵏⵉⵜ-ⴰ ⴼⴻⵔⵏⴻⵏ ⴰⴷ ⵙⵄⴰⴷⴷⵉⵏ ⵜⴰⵎⴻⵖⵔⴰ –ⴰ ⵙ ⴳⴰⵔ ⵉⵎⴻⴷⵔⴰⵣ ⵉⴳⵊⴷⵉⵢⴻⵏ ⵏ ⵜⴻⵎⴷⵉⵏⵜ ⴷ ⵉⵎⵓⴽⴰⵏ ⵏ ⵜⴽⴰⵜⵓⵜ , ⵓⵇⴱⴻⵍ ⴰⴷ ⵜⵜⴰⵡⴻⴹ ⵖⴻⵔ ⵓⵎⴽⴰⵏ ⵏ 1ⴻⵔ ⵏⵧⵠⴻⵎⴱⵔⴻ , ⴰⵏⴷⴰ ⵉⵜⵜⵡⴰⴱⵏⴰ ⵍⴻⵇⵚⴻⵔ ⵏ ⵉⴷⵍⴻⵙ ⴰⵎⴰⵢⵏⵓ ⵎⵧⵀⴰⵎⴻⴷ-ⵍⴰîⴷ ⴰⵍ ⴽⵀⴰⵍⵉⴼⴰ, ⴰⵢ ⴷⴻⴳ ⴰⵢ ⴷ-ⵢⵓⴼⴰ ⴻⵍ ⵍⵀⴰⵍ ⵜⴰⵏⴻⵖⵍⴰⴼⵜ ⵏ ⵉⴷⵍⴻⵙ ⵎⴰⵙⵙⴰ ⵏⴰⴷⵉⴰ ⵍⴰⴱⵉⴷⵉ, ⵜⴰⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴷ ⵜⵉⵏⴹⵉ ⵎⴰⵙⵙⴰ ⵏⵧⵔⵉⴰ-ⵢⴰⵎⵉⵏⴰ ⵣⴻⵔⵀⵧⵓⵏⵉ, ⴰⵏⴻⵖⵍⴰⴼ ⵏ ⵜⴻⵖⵍⴰⵡⵜ,ⵀⴰⵎⵉⴷ ⴳⵔⵉⵏⴻ, ⵖⴻⵔ ⵜⴰⵎⴰ ⵏ ⵢⵉⵎⴹⴻⴱⵔⴻⵏ ⵏ ⵜⵡⵉⵍⴰⵢⵜ ⵏ ⵇⵙⵏⵜⵉⵏⴰ, ⴷ ⵡⴰⵟⴰⵙⵙ ⵏ ⵉⵎⴰⵙⴰⵢⴻⵏ ⴷ ⵉⵏⴻⴱⴳⴰⵡⴻⵏ ⵉⴱⴻⵔⵔⴰⵏⵉⵢⴻⵏ ⵙⴻⴳ-ⵙⴻⵏ ⵉⵏⵎⵓⵀⴰⵍ ⴷ ⵉⵎⵇⴷⵎⴻⵏ ⵉⵎⵓⵜⴰ. ⴰⴱⵔⵉⴷ-ⴰ ⴰⵢⴷⴻⴳ ⵢⴻⴷⴷⴰ ⵓⵎⵙⵓⴷⴻⵖ-ⴰ, ⵢⴻⴼⴽⴰ ⴷⴰⵖ ⴰⵣⴰⵍ ⵉ ⵍⴻⵇⴷⵉⵛ ⴰⵢ ⴷ-ⵢⴻⵍⵍⴰⵏ ⵉⵍⵎⴻⵏⴷ ⵏ ⵜⵉⵍⵉⵏ ⵏ ⵜⵎⴰⵙⴽⴻⵏⵜ ⴰⴳⵉ . ⵜⴰⵎⴻⵖⵔⴰ ⵜⴰⵢⴻⵔⴼⴰⵏⵜ ⴰⴳⵉ ⵙ ⵜⴻⵎⵖⵧⵔ-ⵉⵙ ⴷ ⵛⴱⴰⵃⴰ ⵏ ⵜⴻⴼⵜⵉⵍⵉⵏ-ⵉⵙ ⴰⵢ ⴷ-ⵜⵄⴰⵛ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵛⵉⵔⵜⴰ , ⵜ-ⵜⵜⵡⴰⴹⴼⵔⴻⴷ ⵙ ⵜⵙⴻⵀⵔⴰ ⴷ ⵓⵀⴰⵏⴰⵢ , ⵓⵇⴱⴻⵍ ⴰⴷ ⵜⵡⴰⵛⵄⵍⴻⵏⵜ ⵜⴼⵜⵉⵍⵉⵏ ⵏ ⵜⵇⵏⵜⵔⵉⵏ ⵏ ⵜⴻⵎⴷⵉⵏⵜ, ⴷ ⵡ ⴰⵟⴰⵙⵙ ⵏ ⵉⵎⴻⴹⵇⴰⵏ ⵉⵎⴻⵣⵔⵓⵢⴰⵏⴻⵏ ⴰⴽⴽ ⴷ ⵉⵎⴻⴹⵇⴰⵏ ⴰⵢⴳⴻⵍⵍⴰⵏ ⴷ ⵉⵣⴰⵎⵓⵍⴻⵏ ⴰⵎ ⵜⵍⴻⴳⴳⵉⵜ ⵏ ⵙⵉⴷⵉ ⵎ’ⵛⵉⴷ , ⵜⴰⵏⴰⵣⴳⴰⵔⵜ ⵏ ⴰⵍⵉ- ⵎⴻⵍⵍⴰⵀ, ⵍⴵⴰⵎⴰⵄ ⴰⵎⵧⵇⵔⴰⵏ ⵏ ⴻⵎⵉⵔ-ⴰⴱⴷⴻⵍⴽⴰⴷⴻⵔ, ⴰⵎⴻⴷⵔⵓⵣ ⵏ ⵡⵉⴷ ⵢⴻⵎⵎⵓⵜⴻⵏ , ⴰⵡⴽ ⴷ ⵜⴽⵓⵕⵏⵉⵛⵉⵏ. ⴰⵍⴷⴰⵢ ⵓⵏⵚⵉⴱ ⵏ ⵜⵎⴰⵙⴽⴻⵏⵜ « ⵇⵙⵏⵜⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015 », ⴰⴷ ⵢⵉⵍⵉ ⴰⵙⵙ ⵏ ⵍⴻⵅⵎⵉⵙ 16 ⵢⴻⴱⵔⵉⵔ, ⵙ ⵜⵉⵀⴰⵡⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ , ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴰⴳⴷⵓⴷⴰ ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵏⴷⴰ ⴰⵔ ⴰⴷ ⵢⵉⵍⵉ ⵓⵙⵙⵉⵙⵙⴻⵏ ⵏ ⵓⵀⴰⵏⴰⵢ ⴰⵎⴰⵢⵏⵓ « ⵜⴰⵎⴰⵛⴰⵀⵓⵜⵜ ⵜⴰⵎⵧⵇⵔⴰⵏⵜ ⵏ ⵇⵙⵏⵜⵉⵏⴰ » , ⴰⵢ ⴷⵢⴻⵙⵙⵓⴼⴻⵖ ⴰⵍⵉ ⴰⵉⵙⵙⴰⵧⵓⵉ ⵙⴻⴳ ⵢⵉⵡⴻⵏ ⵡⴹⵔⵉⵙ ⴰⵢⴷⴻⴳ ⵎⵛⴰⵔⴰⴽⴻⵏ ⴰⵜⴰⵙ ⵏ ⵉⵎⵙⴷⴰⵡⵉⵢⴻⵏ ⵏ ⵜⴻⵎⴷⵉⵏⵜ, ⴷⴻⴳ ⵜⵣⴻⵖⵖⴰ ⵜⴰⵎⵧⵇⵔⴰⵏⵜ ⵏ ⵢⵉⵀⴰⵏⴰⵢⴻⵏ ⴰⵢ ⵔⴻⴼⴷⴻⵏ 3000 ⵏ ⵉⵎⵓⴽⴰⵏ,
« ⵇⵙⵏⵜⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015 » : ⵎⴰ ⴰⴷ ⵜⴻⵇⵇⴻⵍ ⵜⴰⵔⴳⵉⵜ ⴷ ⵜⵉⴷⴻⵜⵜ
ⵇⵙⵏⵉⵜⵉⵏⴰ- ⵜⴰⵏⴻⵖⵍⴰⴼⵜ ⵏ ⵉⴷⵍⴻⵙ ⵎⴰⵙⵙⴰ ⵏⴰⴷⵉⴰ ⵍⴰⴱⵉⴷⵉ ⵜⴻⵙⴱⴻⴳⵏⴻⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵙⴻⴷⴷⴰⵡⵉⵜ ⵏ ⵜⵓⵙⵙⵏⴰ ⵜⵉⵏⴻⵙⵍⴻⵎⵜ ⴻⵎⵉⵔ –ⴰⴱⴷⴻⵍⴽⴰⴷⴻⵔ, ⵍⴼⴻⵔⵃⵉⵙ ⴰⵎⵓⵇⵔⴰⵏ ⵉⵎⵉ ⵜⵡⴰⵍⴰ ⴰⵎⴻⵏⵏⵉ-ⴰ ⵏ ⵇⵙⵏⵜⵉⵏⴰ ⵜⴰⵎⴰⵏⴰⵖⵜ ⵏ ⵉⴷⵍⴻⵙ ⴰⵄⵔⴰⴱ” ⵢⴻⵇⵇⴻⵍ ⵜⵉⴷⴻⵜⵜ. “
“ⴼⴻⵔⵃⴻⵖ ⴰⵟⴰⵙⵙ ⵉⵎⵉ ⵃⴰⴹⵔⴻⵖ ⴰⵙⵙⴰ ⵉ ⵜⵎⴰⵖⵔⴰ-ⴰ ⴷⴻⴳ ⵜⵎⴷⵉⵏⵜ ⵏ ⵇⵙⵏⵜⵉⵏⴰ, ⴰⵏⴷⴰ ⵜⴻⵇⵇⴻⵍ ⵜⴰⵔⴳⵉⵜ-ⵏⴻⵖ ⴷ ⵜⵉⴷⴻⵜⵜ” , ⵉⴷ ⵜⴻⵏⵏⴰ ⵎⴰⵙⵙⴰ ⵍⴰⴱⵉⴷⵉ ⴷⴻⴳ ⴰⵡⴰⵍ-ⵉⵏⴻⵙ ⵉⴷ ⵜⴻⴼⴽⴰ ⵉ ⵢⵉⵏⴻⵖⵎⴰⵙⴻⵏ, ⴷⴻⴳ ⵔⵔⵉⴼ ⵏ ⵓⵙⴰⵔⴰⴳ ⵉⴷ ⵉⵍⵍⴰⵏ ⵖⴻⴼ ⵜⵓⴷⴻⵔⵜ ⴷ ⵓⴳⴻⵔⵔⵓⵊ ⵏ ⵛⵛⵉⵅ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ, ⵉⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙⵙ 75 ⵏ ⵍⵎⵓⵜ-ⵉⵏⴻⵙ. ⵜⴰⵏⴻⵖⵍⴰⴼⵜ ⵏ ⵉⴷⵍⴻⵙ ⵉⴳ ⵃⴰⴹⵔⴻⵏ ⵉ ⵓⵍⴷⴰⵢ ⵏ ⵜⵎⵍⵉⵍⵉⵜ-ⴰ , ⵖⴻⵔ ⵢⵉⴷⵉⵙⵙ ⵏ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴷ ⵜⵉⵏⴹⵉ ⵎⴰⵙⵙⴰ ⵏⵧⵔⵉⴰ-ⵢⴰⵎⵉⵏⴰ ⵣⴻⵔⵀⵧⵓⵏⵉ, ⴷ ⵓⵏⴻⵖⵍⴰⴼ ⵏ ⵜⴻⵖⵍⴰⵡⵜ, ⵎⴰⵙⵙ ⵀⴰⵎⵉⴷ ⴳⵔⵉⵏⴻ , ⵜⴻⵏⵏⴰⴷ ⴷⴰⴽⴽⴻⵏ ⵍⴼⵔⵃ-ⵉⵏⴻⵙ ⵎⵓⵇⵇⴻⵔ ⵉⵎⵉ ⵉⴷ ⵡⴻⴵⴷⴻⵏ ⴰⵟⴰⵙⵙ ⵏ ⵉⵙⴻⵏⴼⴰⵔⴻⵏ ⴷⵉ ⵍⵖⴻⵔⴹ ⴳⴻⵣⵣⵉⵍⴻⵏ , ⵉⵍⵎⴻⵏⴷ ⵏ ⵜⵎⴰⵙⴽⴻⵏⵜ-ⴰ.
ⴰⵙⴰⵔⴰⴳ-ⴰ ⵉⴷ ⵜⴻⵅⴷⴻⵎ ⵜⵙⴻⴱⴻⴷⴷⵉⵜ ⵏ ⵍ’ⵉⵎⴰⵎ ⴰⴱⴷⴻⵍⵀⴰⵎⵉⴷ ⴱⴻⵏ ⴱⴰⴷⵉⵙ, ⵙ ⵍⴻⵎⵄⴰⵡⵏⴰ ⵏ ⵓⵙⴻⵇⵇⴰⵎⵓ ⵏ ⵜⵎⴰⵙⴽⴻⵏⵜ « ⵇⵙⵏⵜⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ 2015 », ⵍⵍⴰⵏⵜⴻⴷ ⴷⴻⴳ-ⵙ ⵜⴳⴻⵔⵎⴰⵏⵉⵏ ⵏ ⵉⵎⵏⴰⴷⵉⵢⴻⵏ ⵉⵎⵙⴻⴷⴷⴰⵡⵉⵢⴻⵏ, ⴷ ⵓⵙⵙⴻⵏⵣⴻⵔ ⵏ ⵢⵉⵡⴻⵏ ⵓⴼⴻⵔⵜⴰⵡ ⵖⴻⴼ ⵜⵓⴷⴻⵔⵜ ⵏ ⵍⵉⵎⴰⵎ ⴰⵙⵎⴻⵙⴽⴻⵍⵜⵉ , ⴰⵡⴽ ⴷ ⵡⴰⵀⵉⵍ ⵏ ⵛⵛⵏⴰ ⴰⴼⴻⵔⴼⴰⵏⴻⵏ ⵉⴷ ⵇⴻⴷⴷⵎⴻⵏ ⴽⵔⴰ ⵙⴻⴳ ⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⵏ ⴰⵉⵏ ⵙⵎⴰⵔⴰ.
ⵓⵇⴱⴻⵍ ⴰⵢⴰ, ⵢⵓⴼⴰⴷ ⵍⵃⴰⵍ ⴽⵔⴰⴹ (3) ⵉⵏⴻⵖⵍⴰⴼⴻⵏ-ⴰ , ⴷ ⵉⵎⴹⴻⴱⵔⴻⵏ ⵏ ⵜⵡⵉⵍⴰⵢⵜ ⵏ ⵇⵙⵏⵜⵉⵏⴰ, ⵙ ⵢⵉⴷⵉⵙ ⵏ ⴳⵎⴰ-ⴰⵙ ⵏ ⵛⵛⵉⵅ ⴱⴻⵏⴱⴰⴷⵉⵙ, ⴰⴱⴷⴻⵍⵀⴰⴽ, ⵄⴻⴷⴷⴰⵏ ⵢⴻⵔ ⵜⵎⴻⵇⴱⴻⵔⵜ ⵜⴰⵍⴻⵎⵎⴰⵙⵜ ⵏ ⵜⵎⵉⵏⴷⵜ, ⴰⵏⴷⴰ ⵉⴷ ⵙⴻⵔⵙⴻⵏ ⵜⴰⵎⴻⵇⵇⵓⵏⵜ ⵏ ⵉⵊⴻⴵⵉⴳⴻⵏ ⵉⵡ-ⴰⴽⴽⴻⵏ ⴰⴷ ⴼⴽⴻⵏ ⴰⵣⴰⵍ ⵉ ⵛⴼⴰⵢⴰ ⵏ ⵍ’ⵉⵎⴰⵎ ⴱⴻⵏⴱⴰⴷⵉⵙ, ⴰⵎⵖⴰⵔ ⵏ ⵜⵙⵎⵎⴻⵙⴽⴻⵍⵜ ⴷⵉ ⵜⵎⵓⵔⵜ ⵏ ⵍⴻⵣⵣⴰⵢⴻⵔ, ⴷ ⵓⵙⴻⵍⵡⴰⵢ ⵏⵜⴰⴷⴷⵓⴽⵍⵉ ⵏ ⵍⵄⵓⵍⴰⵎⴰ ⵉⵣⵣⴰⵢⵔⵉⵢⴻⵏ, ⵉⴳⴳⵅⵙⵉⵏ ⴰⵙⵙ ⵏ 16 ⵢⴻⴱⵔⵉⵔ 1940 ⴷⵉ ⵜⴻⵎⴷⵉⵏⵜ ⵏ ⵇⵙⵏⵜⵉⵏⴰ.
ⵍⴰⵔⴻⴱⵄⴰ, 15 ⵢⴻⴱⵔⵉⵔ 2015
ⵇⵚⴻⵏⵟⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ : ⵜⵉⵣⵉ ⵡⴻⵣⵣⵓ ⴰⴷ ⵜⴻⵙⵙⴻⵣⵡⴻⵔ ⵢⵉⵡⴻⵏ ⵏ ⵡⵓⴷⴻⵎ ⵙⴻⴳ ⴳⴻⵔ ⵡⵓⴷⵎⴰⵡⴻⵏ ⵏ ⵢⵉⴷⵍⴻⵙ ⴰⵏⴰⵚⵍⵉ ⴰⵣⵣⴰⵢⵔⵉ
ⵜⵉⵣⵉ ⵡⴻⵣⵣⵓ – ⵜⵉⴽⴽⵉⵏ ⵏ ⵢⵉⵏⴰⵥⵓⵔⴻⵏ ⴷ ⵓⵎⵓⵙⵙⵓ ⵏ ⵜⵉⴷⴷⵓⴽⵍⵉⵡⵉⵏ ⵏ ⵜⵉⵣⵉ ⵡⴻⵣⵣⵓ ⴷⴻⴳ ⵜⴻⴷⵢⴰⵏⵜ ‘’ⵇⵚⴻⵏⵟⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ’’ ⴰⵔⴰ ⵢⴻⵍⴷⵉⵏ ⵜⵉⵡⵡⵓⵔⴰ-ⵙ ⴰⵙⵙ ⵏ ⵍⴻⵅⵎⵉⵙ, ⴰⴷ ⵜⴻⵣⵣⵉⴽⴻⵏ ⵢⵉⵡⴻⵏ ⵏ ⵡⵓⴷⴻⵎ ⵏ ⵢⵉⴷⵍⴻⵙ ⴰⵣⵣⴰⵢⵔⵉ, ⵉ ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵉⵣⵉ ⵡⴻⵣⵣⵓ, ⵓⵏⴻⵎⵀⴰⵍ ⴰⴷⵉⴳⴰⵏ ⵏ ⵢⵉⴷⵍⴻⵙ. ⵎⴰⵙⵙ ⵧⵓⵍⴷ ⴰⵍⵉ ⴻⵍ ⵀⴰⴷⵉ ⵉⴳⴰ ⴰⵙⴰⵔⴰⴳ ⴰⵖⴰⵎⵙⴰⵏ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵎⵧⵓⵍⵧⵓⴷ ⵎⴰⵎⵎⴻⵔⵉ, ⴰⴽⴽⴻⵏ ⴰⴷ ⵢⴻⵙⵙⴻⵍⵖⵓ ⴰⵀⵉⵍ ⵏ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 35 ⵏ ⵜⴻⴼⵙⵓⵜ ⵉⵎⴰⵣⵉⵖⴻⵏ, ⵢⴻⵏⵏⴰ-ⴷ ⵜⵉⴽⴽⵉⵏ-ⴰ ‘’ ⴰⴷ ⵜⴻⵙⵙⴻⵣⵡⴻⵔ ⵢⵉⵡⴻⵏ ⵏ ⵡⵓⴷⴻⵎ ⵙⴻⴳ ⴳⴻⵔ ⵡⵓⴷⵎⴰⵡⴻⵏ ⵏ ⵢⵉⴷⵍⴻⵙ ⴰⵣⵣⴰⵢⵔⵉ ⴱⵓ ⴽⵔⴰⴹ (3) ⵜⴳⴻⵊⴷⴰ ⵜⴰⵎⴰⵣⵉⵖⵜ, ⵜⴰⵄⵔⴰⴱⵜ ⴷ ⵜⵉⵏⴻⵙⵍⴻⵎⵜ’’, ⴰⵎ ⵡⴰⵙⵙ ⵏ ⵜⴻⴷⵢⴰⵏⵉⵏ-ⵏⵏⵉ ⵏ ‘’ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵄⵔⴰⴱ’’ ⴷ ’’ⵜⵍⴻⵎⵙⴰⵏ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⵉⵏⴻⵙⵍⴻⵎ’’ ⴰⵏⴷⴰ ⵜⴻⴽⴽⵉ ⵜ ⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⵙ ⵓⵀⵉⵍ ⴰⴷⴻⵍⵙⴰⵏ ⴰⴷⵉⴳⴰⵏ.
Ɣⵓⵔ ⵓⵏⴻⵎⵀⴰⵍ ⵏ ⵢⵉⴷⵍⴻⵙ, ‘’ⵇⵚⴻⵏⵟⵉⵏⴰ ⵜⴰⵎⴰⵏⴰⵖⵜ ⵏ ⵢⵉⴷⵍⴻⵙ ⴰⵔⴰⴱⴻ’’ ⴷ ⴰⵏⴻⴹⵔⴰⵢ ⵏ ‘’ⵢⵉⴷⵍⴻⵙ ⴽⴰⵏ’’, ⴰⴽⴽ ⵉⵏⴰⵥⵓⵔⴻⵏ ⵏ ⵜⵉⵣⵉ ⵡⴻⵣⵣⵓ ⴷ ⵉⵍⴻⵍⵍⵉⵢⴻⵏ, ⵎⴰ ⵢⴻⵍⵍⴰ ⵡⵉⵏ ⵢⴻⴱⵖⴰⵏ ⴰⴷ ⵢⴻⴽⴽⵉ, ⴰⴷ ⵢⴻⴽⴽⵉ ⵖⴻⴼ ⵢⵉⵎⴰⵏ-ⵉⵙ. ⵎⴰ ⵢⴻⵍⵍⴰ ⴷ ⴰⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 35 ⵏ ⵜⴻⴼⵙⵓⵜ ⵉⵎⴰⵣⵉⵖⴻⵏ, ⵢⴻⵔⵙⴻⵏ ⴷⴷⴰⵡ ⵏ ⵓⵣⵡⴻⵍ‘’ⵜⵉⴳⴻⵎⵎⵉ ⴷ ⵢⵉⴷⴳⴻⵏ’’ ⴰⵎ ⵢⴻⵎⵜⴰⵡⴰⵢⴻⵏ ⵏ ⵓⵏⴻⵙⵛⵧ ⵏ ⵓⵎⴻⵙⵜⴻⵏ ⴷ ⵓⵙⵎⵉⵍ ⵏ ⵓⵎⵅⴰⵍⵍⴻⴼ ⵏ ⵜⴻⵏⴼⴰⵍⵉⵢⵉⵏ ⵜⵉⴷⴻⵍⵙⴰⵏⵉⵏ ⵉ ⵜⴻⵇⴱⴻⵍ ⵙⴰⴽⵉⵏ ⵜⴻⵙⵜⴻⵏⵢⴰ-ⵜⴻⵏⵜ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⴳⴰⵙ 2005, ⵢⴻⵏⵏⴰ-ⴷ ⴷ ⴰⴷ ⵢⵉⵍⵉ ⵢⵉⵡⴻⵏ ⵓⵀⵉⵍ ⴰⵎⴻⵔⴽⴰⵏⵜⵉ ⴰⵔⴰ ⵢⴻⴱⴷⵓⵏ ⴰⵙⵙ ⵏ ⵍⴰⵔⴻⴱⵄⴰ ⴰⵍⴰⵎⵎⴰ ⴷ ⴰⵙⵙ ⵏ 25 ⵙⴻⴳ ⵡⴰⴳⴳⵓⵔ ⵏ ⵢⴻⴱⵔⵉⵔ. ⴰⴷ ⵢⵉⵍⵉ ⴷⴻⴳ ⵓⵀⵉⵍ-ⴰ, ⵉⵙⴽⴰⵙⵉⵢⴻⵏ, ⵓⵙⵙⴰⵏ ⵏ ⵜⴻⵣⵔⴰⵡⵉⵏ, ⵜⵉⵣⵉⴽⵏⵉⵏ ⵏ ⵓⵎⴻⵣⵔⵓⵢ ⵏ ⵜⴻⴼⵙⵓⵜ ⵉⵎⴰⵣⵉⵖⴻⵏ ⴰⴽⴽⴻⵏ ⵉ ⴷ-ⵎⵎⵉⵣⵡⴰⵔⴻⵏ ⵉⵏⴻⴹⵔⴰⵢⴻⵏ, ⵜⵉⵏⴻⵎⵙⴰⵍ ⵏ ⵓⵙⴻⵍⵎⴻⴷ ⵏ ⵜⵥⵓⵔⵢⵉⵏ ⴷ ⵢⵉⵎⴰⵀⵉⵍⴻⵏ ⵉⵏⵙⴰⵢⴰⵏⴻⵏ, ⵉⵀⴰⵏⴰⵢⴻⵏ ⵉⵥⵓⵔⴰⵏⴻⵏ ⴷ ⵢⵉⴷⴻⵍⵙⴰⵏⴻⵏ, ⴰⵔⴰ ⵢⵉⵍⵉⵏ ⴷⴻⴳ ⴰⴽⴽ ⵉⵎⴻⴹⵇⴰⵏ ⵏ ⵢⵉⴷⵍⴻⵙ ⵏ ⵜⵡⵉⵍⴰⵢⵜ.
ⴽⵔⴰ ⴰⵔⴰ ⵜⴻⴽⴽ ⵜⴻⴷⵢⴰⵏⵜ-ⴰ, ⴰⴷ ⵢⵉⵍⵉ ⴷⴰⵖ-ⵏⵏⵉ, ⵢⵉⵡⴻⵏ ⵏ ⵓⵎⵢⴰⴳⴳⴻⵔ ⵖⴻⴼ ⵜⵍⴰⵍⵉⵜ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ) ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 20 (22 ⵢⴻⴱⵔⵉⵔ 1995 / 22 ⵢⴻⴱⵔⵉⵔ 2015) ⴷ ⵓⵙⴼⵓⴳⴻⵍ ⵏ ⵡⴰⴳⴳⵓⵔ ⵏ ⵜⴳⴻⵎⵎⵉ ⵙ ⵡⴰⵙⵙ ⵏ ⵜⴻⵣⵔⴻⵡⵜ ⴰⵔⴰ ⵢⴰⵡⵉⵏ ⵉⵙⴻⵎ ⵏ ‘’ⵜⵉⵏⴼⴰⵍⵉⵢⵉⵏ ⵜⵉⴷⴻⵍⵙⴰⵏⵉⵏ ⵢⴻⴳⵜⴻⵏ : ⵜⵉⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⵎⴰⵣⵉⵖⵜ ⴰⵎⴰ ⵙⴻⴳ ⵜⴰⵎⴰ ⵏ ⵜⵓⵜⵍⴰⵢⵜ ⵏⵉⵖ ⵙⴻⴳ ⵜⴰⵎⴰ ⵏ ⵜⵖⴻⵔⵎⴰ’’, ⵡⵉⴷ ⴰⵔⴰ ⴷ-ⵢⴻⵎⵎⴻⵙⵍⴰⵢⴻⵏ ⴷ ⵉⵙⴷⴰⵡⴰⵏⴻⵏ ⴰⴽⴽ.
ⴰⵎⵓⵍⵍⵉ-ⴰ ⵡⵉⵙ 35, ⵉ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⴰⵍⵉ, ⴷ ⴰⴷ ⵢⵉⵍⵉ ⴷ ‘’ⵜⴰⵙⵡⵉⵄⵜ ⵏ ⵓⵙⵎⴻⴽⵜⵉ ⴷ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵢⴻⵔⴳⴰⵣⴻⵏ ⴷ ⵜⵍⴰⵡⵉⵏ ⵉ ⵢⴻⵏⵏⵓⵖⴻⵏ ⴰⴽⴽⴻⵏ ⴰⴷ ⵜⴻⵎⵎⴻⴷ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⴷ ⵡⵉⴷ ⴰⴽⴽ ⵢⴻⵔⵔⴰⵏ ⵜⴰⵎⴰⵣⵉⵖ ⴷ ⵜⵉⵍⴰⵡⵜ ⵜⴰⴷⴻⵍⵙⴰⵏⵜ, ⵙⵙⴻⴷⴷⴰⵏ ⵜⴰⵎⴰⴳⵉⵜ-ⵏⵏⴻⵖ ⴷⴻⴳ ⵍⴻⴱⵏⵉ ⵏ ⵍⵙⵉⵙⴰⵏ ⵏ ⵜⵓⴳⵏⴰ ⵏ ⵍⴻⵣⵣⴰⵢⴻⵔ
