Asebter amenzawi

Lḥedd, 26 Yebrir 2015 1800

Tukci n yismawen i yimukan inagduden: ifuk ccɣel deg 8 n twilayin

LEBLIDA – Tukci n yismawen i lbenyanat d yimukan inagduden d yiwen n ccɣel ay d-yebda aseggas yezrin uɣlif, yerna yedda « mliḥ » ɣer sdat, imi ay ifuk ccɣel-a s 100% deg ṭamet (8) n twilayin n tmurt, ɣef wakken ay d-tenna ass n lḥedd deg Leblida, tanemhalt n unbaḍ adigan ay ixeddmen ɣer uɣlif n tɣawsiwin n daxel, Fatiha Hamrit.

« Ccɣel ifuk s 100% deg ṭamet (8) n twilayin, yerna teqqim-d kan trarast, am wakken ay llant 22 n twilayin niḍen aydeg ay ifuk ccɣel s 80%, gar-asent tawilayt n Leblida anda ay yuẓa mliḥ ccɣel-a », ɣef wakken ay d-tenna Massa Hamrit deg yiwen n umyager aydeg temlal d yiselwayen n tɣiwanin, iɣellaten n tdayṛiwin d yinemhalen islekmanen twilayt, d amyager ay d-yellan ɣef wamek ara ttwaṣennfen lbenyanat d yimukan inagduden.

« Ar imir-a, ttwaḥesben-d s ujemmal 39.332 n yimukan umi ttunefken yismawen deg tmurt s lekmal-nnes, maca mazal llan 23.636 n yimukan ay werɛad ur yesɛin isem », dɣa, ɣef leḥsab-nnes, d aya ay d-yesskanayen dakken mazal llan aṭas n yimukan inagduden deg tmurt ur sɛin ara ismawen.