Asebter amenzawi

Beddu unṣib n udeg n Internet n Tnegga n Yisalan n Ldzayer s tmaziɣt

QSENṬINA – Adeg n Internet ay d-tga Tnegga n Yisalan n Ldzayer s tutlayt tamaziɣt yebda axeddim s wudem unṣib ass n letniyen. D aneɣlaf n teɣwalt, Hamid Grine, ay as-d-iserrḥen deg yiwet n tfagla ay d-yellan ddaw leɛnaya n uselway n tegduda, Abdelaziz Bouteflika.

Tafagla n beddu n udeg-a n Internet n yisalan s tutlayt tamaziɣt s 3 n yigemmayen (aɛṛab, tifinaɣ d ulatini), tella-d deg tzeqqa n yisaragen n Useqqamu n « Qsenṭina tamaneɣt n yidles aɛṛab 2015 », yerna ḥedṛen deg-s yiduba idiganen, anemhal amatu n Tnegga, Abdelhamid Kaca, inemhalen imuta n ttawilat n yisalan inagduden, amaru amatu n Useqqamu unnig i Timmuzɣa, Si El Hacemi Assad, d waṭas n yineɣmasen.