Asebter amenzawi

. Anekcum aɣurbiz 2015-2016 : ad tili termest sya d afella n tɣessiwin timaynutin n Usegmi deg ilizi ILLIZI – Sḍis n tɣessiwin timaynutin n usegmi ara termes, sya d afella, deg unekcum aɣurbiz twilayt n Illizi, i d-nnan ass n letniyen tmehla-nsen. Aya yerza snat tesnawiyin, yiwet deg tɣiwant n Burǧ Lḥawes, ad terfed 800 imeḍqan, ma d tayeḍ deg tɣiwant n Ɛin Amenas s 1.000 imeḍqan, i d-yenna unemhal, Hafssi El Zine. Ma d-ayen yerzan aselmed deg uswir alemmas, heggan-d tarmest n sin iɣerbazen ilemmasen, yiwen deg Ǧanet (Iṣeggimen n berra, qrib ad kfun), wayeḍ deg Ɛin Amenas, ɣef wakken i d-yenna umasay. Ma d aswir amenzu ad t-sǧehden s sin iɣerbazen imaynuten, amezwaru deg ugmam n ’’Ǧibril’’ deg tlemmast n twilayt, ma d bu sin deg taddart n Arkin, deg tɣiwant n Burǧ Lḥawes, i d-nnan. Azal n 25 n tneɣriyin ara sgalfen s wallalen i yessefk ad ilin sya s anekcum aɣurbiz i d-iteddun i kraḍ yeswiren, i yerna yenna-d unemhal n usegmi. Ma d ayen yerzan akatar, teddun ad sǧehden aḥric-a s 98 n yiselmaden, ara bḍun ɣef kraḍ yeswiren n usegmi, d ayen ara yeksen lexṣaṣ i skelsen deg kra ifurkan n uselmed yellan deg tɣessa taɣurbizt n tama-a, i yerna umasay-nni.