Asebter amenzawi

Ttlata, 05 Mayu 2015 1116

Tamɣunt n yilɣuɣen: ES Sṭif, USM Lezzayer d MC Lɛelma deg yiwet n tegrawt

LQAHIRA – ES Sṭif, USM Lezzayer d MC Lɛelma ɣlint-d akk deg tegrawt B deg uḥric deg ara urarent gar-asent deg Temɣunt n yilɣuɣen n Tefriqt n 2015 n tkurt n uḍar, ɣef wakken d-yella deg tesɣart d-yeḍṛan ass n ttlata deg uxxam n Tkunfidiṛalit tafriqit deg Lqahira.

Taɣlamt n El Merrikh (Sudan) d nettat ay d tis ṛabɛa deg tegrawt B, yerna ad bdunt urar ass n 26 Yunyu.

Igmaḍ n tesɣart:

Tagrawt A:

1- Smouha (Maṣer)

2- MA Tiṭwan (Meṛṛuk)

3- TP Mazembe (Tagduda Tamegdayt n Kungu)

4- Al Hilal (Sudan)

Tagrawt B :

1- ES Sṭif (Ldzayer)

2- USM Lezzayer (Ldzayer)

3- El Merrikh (Sudan)

4- MC Lɛelma (Ldzayer).

Tamɣunt n yelɣuɣen (aḥric n tegrawin): ES Sṭif ad turar d USM Lezzayer deg Sṭif deg wass amezwaru.

LQAHIRA – ES Sṭif ad temmager USM Lezzayer deg Sṭif deg wass amezwaru (tagrawt B) n uḥric n tegrawin n Temɣunt n yilɣuɣen n Tefriqt 2015 n tkurt n uḍar ass n 26 Yunyu deg usarir n 8 Mayu 1945.

Deg temlilit niḍen n tegreawt B, MC Lɛelma ad teddu ɣer Sudan anda ara turar d El Merrikh deg wass-a amezwaru, ɣef leḥsab n wahil n temliliyin d-yettwaheyyan deffir tesɣart-a n wass n tlata deg uxxam n Tkunfidiṛalit tafriqit deg Lqahira.

Deg tegrawt A, taɣlamt tamaṣrit n Smouha ad temmager MA Tiṭwan (Meṛṛuk), ma d taɣlamt n TP Mazembe (Tagduda Tamegdayt n Kungu) ad temmager El Hilal (n Sudan).

Tamɣunt n yilɣuɣen (aḥric n tegrawin): ahil ummid n Tegrawt B

LQAHIRA – Ahil ummid n tegrawt B deg uḥric n tegrawin n Temɣunt n yilɣuɣen n Tefriqt n tkurt n uḍar ɣef leḥsab n tesɣart ay d-yellan ass n ttlata deg Lqahira (Maṣer):

Tagrawt B:

Ass amezwaru: 26, 27, 28 Yunyu

ES Sṭif (Lezzayer) - USM Lezzayer (Lezzayer)

El Merrikh (Sudan) - MCE Lɛelma (Lezzayer)

Ass wis sin: 10, 11, 12 Yulyu

MCE Lɛelma - ES Sṭif

USM Lezzayer – El Merrikh

Ass wis 3: 24, 25, 26 Yulyu

ES Sḍif – El Merrikh

USM Lezzayer - MCE Lɛelma

Ass wis 4: 7, 8, 9 Ɣuct

El Merrikh - ES Sṭif

MCE Lɛelma - USM Lezzayer

Ass wis 5 : 21, 22, 23 Ɣuct

USM Lezzayer - ES Sṭif

MCE Lɛelma – El Merrikh

Ass wis 6: 11, 12, 13 Ctembeṛ

ES Sṭif - MCE Lɛelma

El Merrikh - USM Lezzayer

Tamɣunt n yilɣuɣen (aḥric n tegrawin) – USM Lezzayer: assirem n usleɣmay Pfister yeffeɣ ɣer tidet

LEZZAYER TAMANEƔT – Asleɣmay n USM Lezzayer, Otto Pfister, yeffeɣ ussirem-nnes ɣer tidet imi ay d-teɣli teɣlamt-nnes deg tegrawt deg llant 2 n teɣlamin tidzayriyin niḍen, ES Sṭif d MC Lɛelma, d teɣlamt tasudanit n El Merrikh, deg tesɣart n Temɣunt n yilɣuɣen n Tefriqt n tkurt n uḍar d-yellan ass n ttlata deg Lqahira.

Asleɣmay-a almani yenna-d, mi terbeḥ teɣlamt-nnes mgal Yiginiyen n AS Kaloum ass n lḥedd, dakken yessarem ad teɣli teɣlamt-nnes deg uḥric n tegrawin d yixṣimen idzayriyen deg temsizwert-a yesɛan cciɛa deg Tefriqt.

Yessarem aya akken « ur ssakalen ara ɣer mebɛid » akken ad uraren, ladɣa imi taɣlamt-nnes tessakel ɣer Tcad, Sinigal d Mali deg tlata n tuzzyiwin tineggura aydeg turar.

Deg wayen yerzan axṣim wis 4 n USM Lezzayer, taɣlamt n El Merrikh, d Pfister s timmad-nnes ay yellan d asleɣmay-nnes naqal. Pfister yesleɣma taɣlamt-a gar Fuṛaṛ d Dujembeṛ n 2014 uqbel ma yebda yesleɣmuy USMA.

Anmazul n uselway n USMA, Rebouh Haddad yenna-d deg udeg unṣib n teɣlamt-a dakken iswi n teɣlamt netta d assiweḍ ɣer « uzgen n tneggarut ».