ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵜⵏⵉⵢⴻⵏ, 04 ⵎⴰⵢⵓ 2015 1658

ⴰⵙⵙⴻⵍⵎⴻⴷ ⵖⴻⵔ ⵔⴻⵏⴰⵓⵍⵜ ⴰⵍⴳéⵔⵉⴻ: ⴰⵙⵙⴻⵊⵀⴻⴷ ⵏ ⵜⵎⵓⵙⵙⵏⵉ ⵏ ⵚⵚⴻⵏⵄⴰ ⴷⴻⴳ ⵜⵎⵉⴽⴰⵟⵔⵓⵏⵉⵜ

ⴰⵍⴷⴰⵢ ⵏ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵏ ⵔⴻⵏⴰⵓⵍⵜ ⴰⵍⴳéⵔⵉⴻ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵔⴻⵏⴰⵓⵍⵜ ⴰⵍⴳéⵔⵉⴻ ⵜⴻⵔⵥⴻⵎ ⵢⵉⵡⴻⵏ ⵏ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵜⵎⵓⵙⵙⵏⵉⵡⵉⵏ ⴷⴻⴳ ⵚⵚⴻⵏⵄⴰ ⵏ ⵜⵎⵉⴽⴰⵜⵕⵓⵏⵉⵜ ⴷⴻⴳ ⵜⴰⵙⴰⵍⴰ ⵍⵎⴻⵔⵊⴰ (ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ).

ⵜⴰⵎⵉⴽⴰⵜⵕⵓⵏⵉⵜ ⴷ ⵢⵉⵡⴻⵏ ⵏ ⵓⵏⵔⴰⵔ ⴰⵢⴷⴻⴳ ⵜⴻⵜⵜⴷⵓⴽⴽⵓⵍ ⵜⵎⵉⴽⴰⵏⵉⵜ, ⵜⴰⵍⵉⴽⵜⵕⵓⵏⵉⵜ, ⵜⴰⵡⵓⵔⵎⴰⵏⵜ (ⵜⵓⵟⵓⵎⴰⵜⵉⵜ) ⴷ ⵜⵙⴻⵏⵙⴻⵍⴽⵉⵎⵜ ⴷ ⵍⴻⴱⵏⵉ ⵏ ⵜⵎⴰⵛⵉⵏⵉⵏ.

ⴰⵏⴻⵖⵍⴰⴼ ⵏ ⵓⵙⵙⵉⵍⴻⵖ ⴷ ⵓⵍⵎⵓⴷ ⴰⵎⵙⴰⴷⵓⵔ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⵢⴻⵔⵥⴻⵎ ⴰⵎⵎⴰⵙ-ⴰ ⵓⵎⵉ ⵙⴻⵎⵎⴰⵏ « ⵔⴻⵏⴰⵓⵍⵜ ⴰⵍⴳéⵔⵉⴻ ⴰⵛⴰⴷéⵎⵉⴻ » (ⵜⴰⴽⴰⴷⵉⵎⵉⵜ ⵏ ⵔⴻⵏⴰⵓⵍⵜ ⵏ ⵍⴻⵣⵣⴰⵢⴻⵔ) ⵙ ⵓⵃⴷⴰⵕ ⵏ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴷ ⵓⵙⴻⵍⵡⴰⵢ ⴰⵏⴻⵎⵀⴰⵍ ⴰⵎⴰⵜⵓ ⵏ ⵔⴻⵏⴰⵓⵍⵜ ⴰⵍⴳéⵔⵉⴻ, ⴳⵓⵉⵍⵍⴰⵓⵎⴻ ⵊⵧⵙⵙⴻⵍⵉⵏ.

ⴷⵖⴰ ⴷⴻⴳ ⵜⴻⴳⵏⵉⵜ-ⴰ, ⵎⴰⵙⵙ ⴱⴻⴷⵧⵓⵉ ⴷ ⵎⴰⵙⵙ ⵊⵧⵙⵙⴻⵍⵉⵏ ⵙⵜⴻⵏⵢⴰⵏ ⵢⵉⵡⴻⵜ ⵏ ⵜⴻⴼⵜⴰⵔⵜ ⵜⴰⵣⴰⵎⴰⵍⵜ ⵏ ⵜⵜⴻⵙⵔⵉⵃ ⵉ ⵓⵖⴻⵔⴱⴰⵣ-ⴰ.

ⵉⵙⵡⵉ ⵏ ⵓⵔⵥⴰⵎ ⵏ ⵡⴰⵎⵎⴰⵙ-ⴰ ⵏ ⵓⵙⵙⵉⵍⴻⵖ ⵏⴻⵜⵜⴰ ⴷ ⴰⵙⵙⴻⴱⵖⴻⵙ ⵏ ⵢⵉⵎⵙⴻⴼⵜⵉⵢⴻⵏ ⵓⵙⵍⵉⴳⴻⵏ ⴰⴽⴽⴻⵏ ⴰⴷ ⵙⵙⵖⴰⵔⴰⵢⴻⵏ ⵉⵅⴻⴷⴷⴰⵎⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⴻⴳⴳⴻⵎ ⵏ ⵜⴽⴻⵕⵕⵓⵙⵉⵏ (ⴷⴻⴳ ⵓⵏⵔⴰⵔ ⵏ ⵜⵎⵉⴽⴰⵜⵕⵓⵏⵉⵜ), ⵖⴻⴼ ⵍⴻⵃⵙⴰⴱ ⵏ ⵡⵉⴷ ⴰⵢ ⴷ-ⵢⴻⵙⵙⵓⴷⴷⵙⴻⵏ ⴰⵢⴰ.

ⴷⴻⴳ ⵜⴻⵎⵙⴰⵍⵜ-ⴰ, ⵙⵉⵏ ⵏ ⵢⵉⵎⵜⴰⵡⴰⵢⴻⵏ ⵏ ⵜⵉⵛⵛⵓⵔⴽⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵓⵙⵓⴷⵓ ⵏ ⵓⵙⵙⵉⵍⴻⵖ ⵏ ⵢⵉⵎⵙⵉⵍⵖⴻⵏ ⵏ ⵍⴻⵎⴷⴻⵢⵢⴰ ⴷ ⵡⴰⵢⴻⴹ ⵏ ⵄⴻⵏⵏⴰⴱⴰ ⵙⴻⴳ ⵢⵉⴷⵉⵙ, ⴷ ⵜⴽⴻⴱⴱⴰⵏⵉⵜ ⵏ ⵔⴻⵏⴰⵓⵍⵜ ⴰⵍⴳéⵔⵉⴻ ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴽⴽⴻⵏ ⴰⴷ ⵎⵄⴰⵡⴰⵏⴻⵏ ⴷⴻⴳ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⴳⴻⵔⵔⴻⵣ ⵏ ⵜⵎⵓⵙⵙⵏⵉⵡⵉⵏ ⵏ ⵢⵉⵎⵙⵉⵍⵖⴻⵏ (ⵉⵙⴻⵍⵎⴰⴷⴻⵏ) ⴷⴻⴳ ⵜⴻⴽⵏⵓⵙⵙⵏⵉⵡⵉⵏ ⵏ ⵜⵎⵉⴽⴰⵜⵕⵓⵏⵉⵜ, ⴷ ⵓⵙⵏⴻⵔⵏⵉ ⵏ ⵓⵅⴻⴷⴷⵉⵎ ⵏ ⵓⵃⴻⵍⵢⵉⵡ ⵏ ⵜⴽⴻⵕⵕⵓⵙⵉⵏ ⴷ ⵙⵙⴱⵉⵖⴰ-ⵏⵙⴻⵏⵜ.

ⴷⴻⴳ ⵜⵉⵏⴰⵡⵜ-ⵏⵏⴻⵙ, ⵎⴰⵙⵙ ⴱⴻⴷⵧⵓⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵙⵡⵉ ⵏ ⵛⵛⵖⴻⵍ-ⴰ ⵏⴻⵜⵜⴰ « ⴷ ⴰⵙⵙⴻⵍⵀⵓ ⵏ ⵓⵙⵙⵉⵍⴻⵖ ⴰⴽⴽⴻⵏ ⴰⴷ ⴷ-ⵢⴻⵎⵢⴻⵣⴳ ⴷ ⵡⴰⵢⴻⵏ ⴰⵢ ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵓⵎⴰⴹⴰⵍ ».

« ⴰⵇⵍ-ⴰⵖ ⵖⴻⵔ ⵢⵉⴷⵉⵙ ⵏ ⵡⴰⴽⴽ ⵍⴻⵕⵢⵓⵢ ⵢⴻⵇⵇⵏⴻⵏ ⵖⴻⵔ ⵓⵙⵏⴻⵔⵏⵉ ⵏ ⵢⵉⵅⴻⴷⴷⴰⵎⴻⵏ, ⵉⵎⵉ ⴷ ⵡⵉ ⴰⵢ ⴷ ⴰⵙⵙⴻⴼⵜⵉ ⵏ ⵜⵉⴷⴻⵜ ⵉ ⵓⵙⵙⴻⴽⵛⴻⵎ ⵏ ⵢⵉⴷⵔⵉⵎⴻⵏ ⵢⴻⵔⵏⴰ ⴰⵡⴰⵏⴰⴽ [ⴷⴷⵓⵍⴰ] ⵢⴻⴼⴽⴰ ⵉⴷⵔⵉⵎⴻⵏ ⵉⵎⴻⵇⵔⴰⵏⴻⵏ ⵉ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵓⵃⵔⵉⵛ ⵏ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ ⴰⵢ ⵢⴻⵜⵜⴳⴻⵏ ⴰⵙⵙⵉⵍⴻⵖ ⴰⴽⴽⴻⵏ ⴰⴷ ⵇⵇⵍⴻⵏ ⵢⵉⵅⴻⴷⴷⴰⵎⴻⵏ ⵉⵍⴻⵎⵥⵉⵢⴻⵏ ⵙⵙⴻⴽⵛⴰⵎⴻⵏ-ⴷ ⵓⴳⴰⵔ ⵏ ⵢⵉⴷⵔⵉⵎⴻⵏ, ⵢⴻⵔⵏⴰ ⴰⵢⴰ ⴰⴷ ⵢⴻⵙⵙⴻⵔⴱⴻⵃ ⵓⵍⴰ ⴷ ⵜⵉⴽⴻⴱⴱⴰⵏⵉⵢⵉⵏ ⴰⵔⴰ « ⵉⵅⴻⴷⴷⵎⴻⵏ ⵅⵉⵔ » ⵢⴻⵔⵏⴰ « ⴰⴷ ⵥⴻⵡⵔⴻⵏⵜ ⵓⴳⴰⵔ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵎⴰⵙⵙ ⵊⵧⵙⵙⴻⵍⵉⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵔⴻⵏⴰⵓⵍⵜ ⴰⵍⴳéⵔⵉⴻ ⴰⴷ ⵢⴻⵙⵙⵖⴻⵔ ⵉⵅⴻⴷⴷⴰⵎⴻⵏ ⴷⴻⴳ 7 ⵏ ⵜⵎⴻⵣⵣⵓⴳⵉⵏ (ⴰⵜⵅⴻⵚⵚⴻⵚ) ⴷⴻⴳ ⵍⴻⴱⵏⵉ ⴷ ⵓⵚⴻⴳⴳⴻⵎ ⵏ ⵜⴽⴻⵕⵕⵓⵙⵉⵏ. ⵉⵙⵙⵉⵍⵖⴻⵏ-ⴰ ⴰⴷ ⴹⴹⴼⴻⵏ 6 ⵏ ⵡⴰⵢⵢⵓⵔⴻⵏ ⵢⴻⵔⵏⴰ ⴰⴷ ⴼⴰⴽⴻⵏ ⵙ ⵓⴳⴻⵔⴷⴰⵙ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵡⴰⵏⴰⴽ.

« ⵔⴻⵏⴰⵓⵍⵜ ⴰⵍⴳéⵔⵉⴻ ⴰⵛⴰⴷéⵎⵉⴻ ⴰⴷ ⵜⴻⵔⵥⴻⵎ ⵜⵉⵡⵡⵓⵔⴰ-ⵏⵏⴻⵙ ⵉ ⵡⴰⴽⴽ ⵉⵎⴰⵏⵓⵏⴻⵏ ⴰⵢ ⵢⴻⴱⵖⴰⵏ ⴰⴷ ⵍⴻⵎⴷⴻⵏ ⵚⵚⴻⵏⵄⴰⵜ ⵢⴻⵇⵇⵏⴻⵏ ⵖⴻⵔ ⵜⴽⴻⵕⵕⵓⵙⵜ, ⵖⴻⵔ ⵓⵙⵙⴻⵏⵣⵉ-ⵏⵙⴻⵏⵜ ⴷ ⵓⵚⴻⴳⴳⴻⵎ-ⵏⵙⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⴰⵙⴻⵍⵡⴰⵢ ⴰⵏⴻⵎⵀⴰⵍ ⴰⵎⴰⵜⵓ ⵏ ⵔⴻⵏⴰⵓⵍⵜ ⴰⵍⴳéⵔⵉⴻ ⵢⴻⵔⵏⴰ-ⴷ ⴷⴰⵖ ⴷⴰⴽⴽⴻⵏ « ⵉ ⵍⵎⴻⵏⴷ ⵏ ⵓⵍⵎⴰⴷ ⴷⴻⴳ ⵓⵏⵔⴰⵔ, ⵉⵎⴰⵏⵓⵏⴻⵏ ⴰⴷ ⵅⴻⴷⵎⴻⵏ ⴷⴻⴳ ⵜⵏⴻⵎⵙⴰⵍⵉⵏ ⵏ ⵜⵉⴷⴻⵜ ⴰⴽⴽⴻⵏ ⴰⴷ ⵍⴻⵎⴷⴻⵏ ⴰⵎⴻⴽ ⴰⵔⴰ ⵙⵇⴻⴷⵛⴻⵏ ⵜⵜⴰⵡⵉⵍⴰⵜ ⵏ ⵓⵅⴻⴷⴷⵉⵎ ⴷⴻⴳ ⵓⵚⴻⴳⴳⴻⵎ ⵏ ⵜⴽⴻⵕⵕⵓⵙⵉⵏ ».

ⵡⵉⴷ ⴰⵔⴰ ⴷ-ⵢⴰⵡⵉⵏ ⴰⴳⴻⵔⴷⴰⵙ ⵏ ⵔⴻⵏⴰⵓⵍⵜ ⴰⵍⴳéⵔⵉⴻ ⴰⵛⴰⴷéⵎⵉⴻ « ⴰⴷ ⵉⵍⵉⵏ ⵙⵄⴰⵏ ⴰⴽⴽ ⴰⵢⴻⵏ ⵃⵡⴰⵊⴻⵏ ⴰⴽⴽⴻⵏ ⴰⴷ ⵔⴻⴱⵃⴻⵏ ⴷⴻⴳ ⵓⵅⴻⴷⴷⵉⵎ ⵏ ⵜⴽⴻⵕⵕⵓⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.